¹ Twaishiba ukuti nge ing'anda ya pano calo iyo twikalamo ngayaonaika, natukwata icikulwa ukufuma kuli Lesa. Iyi ni Ng'anda iyishakulwa ne minwe yabantu, lelo ni ng'anda yaku belelela, mu mulu. ² Pantu muli iyi ng'anda tulapapata, ukufuluka ukufwikwa ubwikashi bwa ku mulu. ³ Tufuluka ifi pamulandu wa kuti twikasangwa ubwamba. ⁴ Kwena mucine ilyo tucili muli iyi Ng'anda tulapapata, mucisendo twapelwa, tatulefwaya ukuba abafuulwa. Ukucila, tulefwaya ukufwikwa, pakuti ico icakufwa bacimine ku mweo. ⁵ Uutupekanya kuli ififine fintu ni Lesa, uwatupela Umupashi ngecikatilo cafili nokwisa.. ⁶ Eico lyonse beni abashangila. Beni abaishiba ukuti ilyo tuli pa mwesu mu mubili, tuli ukutali ukufuma kuli Shikulu. ⁷ Pantu twendela mucicetekelo, temukumona. ⁸ Eico twaliba na bukushangila. Cawama twaba abakutaluka kubutunse no kuba kumwesu na Shikulu. ⁹ Eico tucilenga ukuba ubuyo bwesu, cibe tuli kumwesu nangu kumbi, ku kumusekesha. ¹⁰ Pantu bonse tufwile ukumonekela pa cipuna cabupingushi caka Kristu, pakutila cila umo umo engapoka icilingile ifintu ifyabombekele mu mubili, cibe ku busuma nangu ku bubi. ¹¹ Eico, ukwishiba akatina kakwa Shikulu, tulalanda ku bantu. Ifyo twaba fimonwa na Lesa apabuta, kabili ndesubila ukuti cili apabuta kuli kampingu wenu. ¹² Tatuleesha ukumweba imwe nakabili ukutumona aba bucishinka. Lelo, tulemipelafye imwe umulandu wakuba abasaminwa ifwe, pakutila imwe mwakwata ubwasuko kuli abo abaitakisha kufimoneka kunse ukucila ifyo ifya mukati ka mutima. ¹³ Pantu ngatuli kunse ya mano yesu, ico ca kwa Lesa; Elyo ngatuli mu mano ayasuma, ico camukukabila kwenu. ¹⁴ Pantu icitemwiko ca kwa Kristu ca twampanya bonse pamo bonse, pantu twalicishibisha ici: Icakuti umuntu umo afwilile bonse, no kuti ukupitila mulifyo bonse balifwa. ¹⁵ Afwilile bonse, pakutila abo abekala beikalilila palwabo abene lelo bekalile ena uyo pamulandu wabo alifwile kabili alibushiwe. ¹⁶ Pamulandu waici, ukufuma nomba line tatulesubila nangu umo ukulingana nabumubili, nangufye inshita imo twasendele Kristu cimo cine. Lelo nomba tatupingula uuli onse muli iyi nshila nakabili. ¹⁷ Eico, nagacakuti umo ali muli Kristu, ali icilengo icipipya. Ifintu fyakale nafipita, Moneni, nafisanguka ifipya. ¹⁸ Ifi fintu fyonse fyafuma kuli Lesa. Ena atuwikishishe kuli mwine ukupitila muli Kristu elo ena atupela bukapyunga ubwakuwikishanya. ¹⁹ Ekutila, ukupitila muli Kristu Lesa alewikisha isonde ku mwine, ukwabula ukupenda impulumushi pali bo. Ali wakupela kuli fwe imbila yakuwikishanya. ²⁰ Eico twaliba abasontwa ukwimininako Kristu, kwati Lesa alepanga ukukonkomesha kwakwe ukupitila muli fwe. Tulemupapata, pamulandu wakwa Kristu: ''Beni abawikishiwa kuli Lesa!'' ²¹ Alengele Kristu ukuba ilambo pa lubembu lwesu. Eumo uushabembwikepo. acitile ifi pakuti twingaba ubulungami bwakwa Lesa muli ena.