¹ Kanshi, pantu twalikwata ubu ubupyungishi, kabili ngefyo twapokelela uluse, tatuba abakunenuka. ² Lelo, twalikana ifyamubumfisolo kabili nemisango yansoni. Tatwendela mubucenjeshi, kabili tatususha amashiwi yakwa Lesa. Pakulanga icishinka, tuitasha fwebene kuli bukampingu bwa muntu onse cinso cakwa Lesa. ³ Lelo imbila-nsuma yesu nga yafimbwa, yafimbwafye kuli abo abaleonaika. ⁴ Mumisango yabo, lesa wacino calo alipofwisha amano yabo ayatasumina. Napali ci, tabalinga ukumona ulubuto lwa mbila-nsuma iya bukata bwakwa kristu, uuli cimpasho cakwa Lesa. ⁵ Pantu tatuibikilisha fwebene, lelo Kristu Yesu nga Shikulu, nafwebene ngababomfi benu pamulandu wakwa Yesu. ⁶ Pantu ni Lesa umwine ewatile, ''Ulubuto lukasanika ukufuma mumfimfi.'' Alisanika mu mitima shesu, mukupela ulubuto lwa bukata bwakwa Lesa pacinso cakwa Kristu. ⁷ Nomba twalikwata icuma munongo iyebumba, pakwebati cili icisuma pakuti amaka ayashaikulila yaba kuli Lesa tekuli fwebo. ⁸ Twalititikishiwa mu misango yonse, lelo tatusakamana. Tulapapukishiwa lelo tatwisushiwamo no mwenso. ⁹ Tulacushiwa lelo tatulekeleshiwa; ukufwantwa panshi lelo tatonaika; ¹⁰ Lyonse twasenda mu mubili wesu imfwa yakwa Yesu, pakwebati ubumi bwakwa Yesu bwingaba ubwakusokoloka mu mubili wesu. ¹¹ Pantu fwebo fwebali abomi lyonse tulaba abakupelwa kumfwa pamulandu wakwa Yesu, pakwebati ubumi bwakwa Yesu bwingasokolokela mu mubili wesu uwina kufwa. ¹² Eico imfwa ili pancito muli fwe, lelo ubumi buli pancito muli mwe. ¹³ Nomba twakwata umo wine uUmupashi wa cicetekelo ukulingana neco icalembwa: ''Nalisumine, kabili eco nasosele.'' Nafwe bene twalisumina eco nefwe tusosela, ¹⁴ pantu twalishiba ukuti uyo uwaimishe Shikulu Yesu alinokutwimya na Yesu kabili akatuleta na ye muceni cakwe. ¹⁵ Pantu fyonse nipamulandu wenu, pakwebati ukusenamina ukulefika kubantu abengi kwingalenga ukutotela kufulileko kubukata bwakwa Lesa. ¹⁶ Eico tatuba abanenuka. Nangulafye kunse tuleya tuleonaika, mukati tulaba abakupangilwako cipya cipya cilabushiku. ¹⁷ Pali iishita inono, ubucushi ubwayanguka buletupekanya kukufina kwamuyayaya ukwa bukata ubo ubwacila pali fyonse. ¹⁸ Pantu tatuletamba pafintu ifyo ifilemoneka, lelo pafintu ifitamoneka. Ifintu ifyo twingamona tafibelelela, lelo ifintu ifitamoneka efyamuyayaya.