¹ Bushe tulitampile ukuilumba fwebene nakabili? Tatukokabila kalata wakututashishapo kuli mwe nangu ukufuma kuli mwe, nga bantu bambi, bushe tulakabila? ² Imwe mwebene nimwe kalata wesu uwakutashishapo, uwalembwa mu mitima yesu, uwaishibikwa kabili nokubelengwa ku bantu bonse. ³ Mwalanga ukuti nimwebo kalata ukufuma kuli Kristu, pamulandu wabupyungishi bwesu. Tacalembelwe kuli inkilelo mu Mupashi wakwa Lesa. Tacalembelwe pafipampa fyelibwe lelo pafipampa fya mitima ya bantunse. ⁴ Kabili ili esubilo ilyo twakwata ukupitila muli Kristu pa cinso cakwa Lesa. ⁵ Tatwaikwatila amaka muli fwebene pakulanda ukuti fyonse fisa ukufuma kuli fwebo. Lelo, amaka yesu yafuma kuli Lesa. ⁶ Ni Lesa ewatulenga ukuba ababomfi bacipangano cipya. Ici tecipangano ca nkalata lelo ca Mupashi. Pantu inkalata ilepaya, lelo Umupashi upela umweo. ⁷ Nomba ubupyungishi ubwaletele imfwa- ubwashililwe pa nkalata pa mabwe-yaishile mubukata pakuti abana bakwa Israeli tekuti baloleshe nokutontomesha pacinso cakwa Mose. Ici nipamulandu wa bukata pacinso cakwe, ubukata ubwalikupwa. ⁸ Bushe ngo bukata bwabupyungishi ubwakwa Mupashi wamushilo bukaba shani? ⁹ ngacakuti ubupyungishi bwakushinina ububi bwalikwete ubukata, ngapalibufi ubupyungishi bwabulungami ubwaikala mubukata! ¹⁰ Pantu mucine, ico icapangilwe akale mubukata tacaba icabukata nakabili muli uyu musango, pamulandu wa bukata ubwacila bwene. ¹¹ Pantu ngacakuti ico icali kupitafye calikwete ubukata, ngacikaba shani kucakubelelela ukuba no bukata! ¹² Apo twalikwata isubilo ilyo, twalipamisha. ¹³ Tatwaba nga Mose, uwabikile insulu pampumi yakwe pakwebati abana bwakwa Israeli tabaligile ukulolesha no kulungatana pampela ya bukata ubo ubwalepita. ¹⁴ Lelo amano yabo yalikosele. Pantu ukufika nabuno ubushiku, Ilyo balikubelenga icipangano cakale, ilya insalu imo ine yashala. Tayafumishiwapo, pantu nimuli Kristu fye emo cingafumishiwapo. ¹⁵ Nomba naleloline, Ilyo lyonse babelenga ifyakwa Mose, insalu ifimba imitima yabo. ¹⁶ Lelo umuntu ngapilibukila kuli Shikulu, insalu ilafimbulwapo. ¹⁷ Nomba Shikulu Mupashi. Ukuli Umupashi wakwa Shikulu, kuli ubuntungwa. ¹⁸ Lelo fwebo bonse, nefinso ifishafimbwa, tulamona ubukata bwakwa Shikulu. Twaliba abapilibulwa kucimpasho ca bukata ukufuma kumushinku wa bukata bumo ukuya kubunakwe, ngokufumafye kuli Shikulu, uuli Mupashi.