¹ Eico napangile kulubali lwandi pakuti nteshile kuli mwe mu musango wakulilishika. ² Nganalimulengele ukukalifiwa, nainani engasansamusha nomba niulya wine uwacenenwe kuli ne? ³ Nalembele ngefyo nacitile pakwebati ilyo naisa kuli mwe shicenenwe kuli abo abafwile banenga ukusansamushiwa. Nalikwata icicetekelo pali mwebo bonse pakuti insansa shandi eshimoshine nensasa mwakwata mwebo bonse. ⁴ Pantu nalembele kuli mwe ukufuma mukupakaswa kwine-kwine konse, necililishi caku mutima, kabili neminsoshi iingi. Ntalikufwaya ukumicita abakulilishika. Mulico, nalikufwaya mwebo ukwishiba ukushika kwacitemwiko ico namikwatila. ⁵ Ngacakutila umo alilenga icililishi, tacilengelafye kuli ne, nomba mumusango umbi-tekubika ubwafya pali mwe-nikuli mwebo bonse. ⁶ Uku kufulula kwa ulya muntu ku bwina-bwingi bwa kulinga. ⁷ Eico lelo ukucila pa kufulula,mufwile ukwelela no kumukoselesha. Citeni ci pakweba ati tasakamikwe sana kubulanda bwine-bwine. ⁸ Eico namilomba ukumulanga icitemwiko mwa mukwatila. ⁹ Uyu emulandu nalembele, pakwebati myeshe kabili nokwishiba ngacakuti mwaliba abacumfwila mulifyonse. ¹⁰ Ngamwabelela umo uluse, naine namubelela uyo muntu uluse. Ifyo nabelela uluse-nganalibelelapo uluse icili conse-cabelelwa uluse pamulandu wenu pa cinso cakwa Kristu. ¹¹ Caba ifi pakwebati Satana ekatubelebeka. Pantu tatuli batutu na mapange yakwe. ¹² Icibi calisukulwe kuli ne ilyo naishile ku musumba wa Troasi kuku bila imbila-nsuma yakwa Kristu kulya. ¹³ Nshakwete ukutusha mu mupashi wandi Pantu nshasangile wesu Tito kulya. Eico nalibashile nokuya ku Makedonia. ¹⁴ Lelo ukutotela kube kuli Lesa, uyo muli Kristu lyonse atutungulula mukucimfya. ukupitila mulifwe alasokolola icena cisuma icamano yakwe muli fyonse. ¹⁵ Pantu twaba kuli Lesa icena cisuma ica kwa Kristu, bonse pali abo abapusuka kabili napali abo abakonaika. ¹⁶ Ku bantu abaleonaika, cena ukufuma kumfwa nokuya kumfwa. Kuli abo abalepusushiwa, cena ukufuma kubumi nokuya kubumi. Ninani alingile ifi fintu? ¹⁷ Pantu tatwaba ngabantu abengi abashitisha icebo cakwa Lesa pabukumu. lelo, mucishinka cambela, tusosela muli Kristu, nga batumwa ukufuma kuli Lesa, mucinso cakwa Lesa.