¹ Tulefwaya imwe ukwishiba, ba wesu, pamulandu wakusenaminwa kwakwa Lesa uko ukwapelwe ku nkuta sha ku Macedonia. ² Munshinta shakweshiwa kukalamba ukwabucushi, ukufula kwa sansa elyo nokukula kwa bupina kwali fumya ubukankala bukalamba mu busuma. ³ Ifi ine ndepela ubunte ukutila balipele ukulingana nepo bengapela, elyo nokucila ifyo benga kwanisha, elyo nefyo abene baipeleshe mukuitemenwa ⁴ balombele ifwe nabucine neshuko lyakwa kana muli ubu ubupyungishi bwakwa Lesa mu bantu bamushilo. ⁵ Ifi tafyacitike ukulingana nefyo twasubile, lelo babalile ukuipela abene kuli shikulu elyo kabili kuli fwe kuku fwaya kwakwa Lesa. ⁶ Eico Twapapatile Tito, uyo uwatampile kale uyu mulimo, ukupwisha mukati kenu uku kubomba kwa kusenamina. ⁷ Lelo imwe mwaikuminkanya mulu fyonse-mu kucetekela, mu kusosa, mu kwishiba na monse mukucincila na mucitemwiko cenu kuli fwe. Eico mulingile ukutila mwaba abacisha muli uku kubomba kwakusenamina. ⁸ Ine nalanda ifi ngecipope, namuli ico, ine nalandefi nga mukwesha bucine bwa citemwiko mukupashanya ici kuku kabilisha kwa bantu bambi. ⁹ Pantu mwalishiba ukusenamina kwakwa shikulu Kristu. Nangufye ali umukankala pamulandu wenu asangwike umupina, ukutila mubupina bwakwe imwe mube abakankala. ¹⁰ In this matter ine ndemupela amano ayenga mwafwa. Umwaka umo uwapita, tamwaishile tampafye ukucita fimo, lelo mwakabile ukucitefi. ¹¹ Nomba pwisheni ici. Ngefyo kwali icakukabilisha no kukabila ukucita lilya, naimwe bene mulete ici mu kupwishisha.Nokufula mwingacita apo mwingapesha. ¹² Ngefyo nga muli aba kabila ukucita ificitwa, ici cisuma kabili cakupokelelwa. Cifwile cashintilila pafyo umuntu akwata, tepafyo ashakwata. ¹³ Pantu ici tecakupemwina kuli bambi no bucushi kuli mwe. Namulico, kufwile kwaba umulinganya. ¹⁴ Ukufushiwa kwenu pa nshita ino kukapela ifyo mukabila. Ici naco nipakuti ukufushiwa kwabo kupele ifyo mukabila, elyo kabili ukutila kwi ngaba umulinganya. ¹⁵ Cili ngefyo calembwa: ''Uyo umo uuli ne fingi takweete ifyashelepo, na umo uwakwete utunono takweete takweete ukubulisha.'' ¹⁶ Lelo kube ukutotela kuli Lesa, uwabika mu mutima wakwa Tito bumobwine bucishinka bwakusakamana nakwatila mwe. ¹⁷ Nipakuti taumfwile fye ukupapata kwesu, lelo nao ali uwacincila pali ico. Aishile kuli mwe mukuipelesha kwakwe umwine. ¹⁸ Twatuma pamo nao wesu uyo uwatashiwa ku nkuta shonse pamulimo wakwe uwakubila imbila nsuma. ¹⁹ Teico ceka, lelo kabili alisalilwe ne nkuta ukuba uwakwenda nafwe mu mibombele ya kusenamina. Ici nikubukata bwa kwa Shikulu umwine no kukabila kusuma kwesu mukwafwa. ²⁰ Ifwe tuletina icingacitwa icakuti uuli onse eilishanya pali uku kubomba kwa fyonse uko tulebomba. ²¹ Tulasungilila ukucita ifili ifisuma, Tekuli Lesa kweka, lelo naku bantu. ²² Tuletuma kabili naumbi wesu pamo namumbi. Twalimwesha munshila ishingi nokusangwa uwacincila mu milimo ishingi. Ali kabili uwa kabila saana pamulandu nesubilo ilikalamba ilyo akwata muli mwe. ²³ Nga nikuli Tito, ali nicibusa kabili umubomfi munandi kuli mwe, Lelo kuli ba wesu, batumwa ne nkuta. Baba babukata kuli Kristu. ²⁴ Eico balangeni icitemwiko cenu, elyo langeni naku nkuta umulandu waco tutakisha pali mwe.