¹ Ine mfwile natakisha, nangula tecakusandulwilamo cintu. Lelo ndeendelela kufimonwa no busokololo ukufuma kuli Shikulu. ² Ine nalishiba umwaume muli Kristu uyo pa myaka ikumi limo na ine iyapita-nga ali mu mubili nangula ali kunse ya mubili, nshishibe , Lesa ewaishiba-aiketwe mu myulu ya butatu. ³ Elyo ninjiba ukuti uyu umwaume-nangu ni mu mubili, nangu kunse ya mubili, ine nshishibe, Lesa ewishibe- ⁴ aiketwe mpaka mu paradise elyo aumfwile amashiwi aya shingalondololwa pantu yali kuba yamushilo sana. ⁵ Mukwimaninako uyu muntu ine ndetakisha. Lelo mulubali lwandi nemwine nshatakishe. ukufumyakofye amabunake yandi. ⁶ Ngacakuti nasala ukutakisha, ine nshabe umuwelewele, pa mulandu wa kuti nkososa icishinka. Lelo nalaisunga ukukana itakisha, pakuti nangu umo etontokanya ificilile pali neukucila ifyo amona muli ne nangu ifyo omfwa ukufuma kuli nebo. ⁷ Pa kunsunga ukufuma mukuitakisha pa mulandu wafyakulisha ifyacilamo ifyabusokololo, umunga mu mubili walipelwe kuli ne, uwatuminwe ukufuma kuli Satana alincushishe-ukuti niisumbula nemwine. ⁸ Imiku itatu napapatile Shikulu pali ici, pakuti na asende ici ukufumya pali ne. ⁹ Lelo alandile kuli ne, ''Ukusenamina kwandi kwalifula kuli we, apntu amaka yandi yaba ayafikapo mukunaka kobe.'' Kanshi cawamapo natakisha pa bunake bwandi, nipakutila amaka yakwa Kristu yengaba pali ne. ¹⁰ Kanshi ine ndi uwapokelela conse pa mulandu wakwa Kristu mu mabunake, mu kutukwa, mu mafya, mu kupakaswa na mu kubweseshiwa panshi monse. Pantu lyonse ilyo ndi mu bunake, elyo mba uwakosa. ¹¹ Ine naisaba umuwelewele! imwe mwampatikishe muli fi, pantu ine nalingile ukutashiwa kuli mwe. Pantu nshali pali bonse umunono kuli abo abetwa abatumwa-bakulu, nangufye ne nshili kantu. ¹² Ifishinka fyakumwenako abatumwa fyali citwamukati kenu mukushipikisha konse, ifilangililo ne fipesha amano ne fisungusho. ¹³ Bushe nindo imwe mwabelele panshi ukucila bonse abankuta shimbi, ukufumyako icakuti ine nshali icisendo kuli mwe? Njeleleniko kuli uku kuluba! ¹⁴ Moneni ine ndi uwaipekanya ukwisa kuli mwe umuku wacitatu. Ine nshakabe icisendo kuli mw, pantu ine nshifwaya ifyenu. Mfwaya imwe. Pantu tebana abafwile ukubombela abafyashi. Namulico, abafyashi ebafwile ukubombela abana. ¹⁵ Ine nkaba sana uwa nsasa ukuposa no kuposwa pa mulandu wa myeo yenu. Ine nganalimitemwa sana, bushe mfwile ukutemwikwa panono? ¹⁶ Lelo ngefyo cili, ine nshamipele icisendo. Lelo pa mulandu naba uwakalabana, nine namwikete mukubepa. ¹⁷ Bushe nalimisushishe kuli onse natumine kuli mwe? ¹⁸ Napapatile Tito ukuya kuli mwe, kabili natumine na munyina umbi pamo nankwe.Bushe Tito alimisushishe imwe? Bushe tatwa endele mu nshila imo ine? Bushe tatwa endele mu ntampulo shimoshine? ¹⁹ Bushe mula tontonkanya ukuti iyi nshita yonse tulaipokololafwebene kuli mwe? Mu menso yakwa Lesa, muli Kristu tulalanda fyonse kuku mukoselesha. ²⁰ Pantu ine nintina ukuti nganaisa shakamisange ngefyo ndefwaya. Ndetina ukuti tamwakansange ngefyo mulefway. Ndetina ukuti kuti kwaba ukulaka, akalumwa, ukutusauka kwabukali, utuntepentepe, umufimbila, ulwambo, ukuitumika, nokubulwa umuyano. ²¹ Ndetina ukuti nganabwela, Lesa wandi kuti aisa ncefya pali mwe. Ndetina ukuti naisaba uwakalipwa pa bengi abo aba bembwike kunuma no kukana lapila ukufuma kubusali bwabulalelale no lwinso ulo baibimbamo mukucita.