¹ Ine ndesubilo kuti imwe kuti mwambika pamo no bulwele. Lelo imwe pakucita ifi mulebika pamo naine. ² Pantu nalikwata ubufuba pali mwe. Nalikwata ubufuba bwa bulesa pali mwe, pantu nalimilaya imwe mu cupo kumulume umo. Ine namilaile ukupela imwe ngana cisungu kuli Kristu. ³ Lelo ine ndi uwasakamana kuti limbi, ngafilya insoka yabepele Eva mu bucenjeshi bwaiko, amatontonkanyo yenu kuti yasendwa ukufuma kuli bucishinka no kusanguluka kwa kuipelesha kuli Kristu. ⁴ Pantu muli ico icakuti umo aisa nokubila yesu umbi ukucila uo twabilile. Nangu muli ico icakuti imwe mwapokelelo umupashi umbi ukucila uyo mwapokelele. Nangu muli ico icakuti imwe mwapokelele imbila ukucila iyo mwapokelele. Imwe bikeni bwino ifi fintu! ⁵ Pantu ine tontokanyo kuti nshili pa balekelesha abanono kuli abo abetwa abatumwa bakulu. ⁶ Lelo nangu shasambilishiwa mu kusosa, Nshaba ngo ushasambilishiwa mukwishiba kwena. Mu nshila shonse na mu fintu fyonse natulenge fi fishibikwe kuli imwe. ⁷ Bushe ndabembuka pa kuicefya nemwine pakuti imwe mube abasumbulwa? Pantu ine ni mubupefye nabilile imbila nsuma yakwa Lesa kuli mwe. ⁸ Ine naibile inkuta shimbi pakupokelelako ubwafwilisho ukufuma kuli bo pakuti njise mibombele imwe. ⁹ Ilyo nali naimwe nelyo nali mukukabila, nshapelepo cisendo kuuli onse. Pantu ifyakukabila fyandi fyabombelwepo naba wesu abafumine ku Makedonia. Muli fyonse ine naisungile nemwine ukukanaba icisendo kuli mwe, elyo ine ndetwalilila ukucite fyo. ¹⁰ Ngefyo icishinka cakwa Kristu caba muli ne, uku kutakisha kwandi tabakakushimye mucitungu conse ica Akaya. ¹¹ Ninshi? Pamulandu nshamitemwa? Lesa ewaishiba. ¹² Kabili nefyo ncita nkakonkanya ukucita, nipakuti mputule inshita ya abo abafwaya inshita pakusangwa pakuba ngaifwe-mufintu ifyo batakishishapo. ¹³ Pantu abantu baifyo batumwa babufi kabili babomfi bakulufya. Balaitunga abene ngabatumwa bwakwa Kristu. ¹⁴ Kabili ici tecakusungusha, Pantu nangu ni Satana alaitunga umwine ngo mungeli wa lubuto. ¹⁵ Ici tecakusunguka ngashi nga bakapyunga bakwe nabo baifulunganya ngabakapyunga ba bulungami. Impela yabo ikaba ifyaba imilimo yabo. ¹⁶ Nalanda nakabili: Lekeni nangu umo etontokanya ati ndi muwelewele. Lelo ngamwacita, mpokeleleni ngo muwelewele pakuti ine ningatakisha panono. ¹⁷ Ifyo ine nkolanda no ku kuitakisha kwesubilo- shikososa ngefyo Shikulu engasosa-Ine nkolanda ngo muwelewele. ¹⁸ Ngefyo abantu abengi batakisha kuli bumubili, nandibo nkotakisha. ¹⁹ pantu musansa mumbika pamo naba welewele. Muli bamano mwebene! ²⁰ Pantu mubika pamo no muntu ngaamibika mubusha, ngaamyonaula, ngaaitumika pali imwe, ngaaisumbula imwine ukucila imwe, nangula nga amyuma mu menso. ²¹ Nalalanda ku nsoni shesu ukutila tatwali na maka yakucita filya. Lelo ngaumo atakisha-nkososa ngo muwelewele-Naine wine ndetakisha. ²² Bushe Bahebele? Naine efyondi. Bushe bena Israele? Naine efyondi. Bushe bafuuma mubufyashi bwakwa Abraham? Naine efyondi. ²³ Bushe babomfi bakwa Kristu? (nkososa ngo muntu uushili na mano.) Ine nacilamo. Naliba sana kucilisha mumilimo iyakosa, mufifungo, mu mpumo ukucila mucipmo, mukukumana nama sanso yamfwa. ²⁴ Ukufuma kuba Yuda napokelele imiku isano ''ifikoti amakumi yane ukubulilapo imo.'' ²⁵ Imiku itatu nauminwe ne nkoto. Umuku umo nali polwa na mabwe. Imiku shitatu nalibundile pa menshi. Naposele ubushiku naka suba pa mumana apabuta. ²⁶ Nali libili libili munyendo, mu masanso ukufuma ku fimana, mu masanso kufipondo, mu masanso ukufuma ku bantu bandi, mu masanso ukufuma ku bantu bakunse, mu masanso mu musumba, mu masanso mu matololo, mu masanso pali bemba, na masanso kuli ba wesu babufi. ²⁷ Naliculile mukubombesha na mukucululuka, mukukana lala utulo inshiku ishingi, mucipowe namucilaka, ilingi mu mafungo, mukutalala na mu kwenda ubwamba. ²⁸ Ukufuma kuli fyonsefi, kwaleba cilabushiku ukupamfiwa ukusakamana kwandi inkuta. ²⁹ Ninani uwanaka, elyo ine nshili uwanaka? Nani walengelwe ukuipununa, naine nshilengo kufulwa? ³⁰ Ngacakuti ntakishe, Ine nalatakisha pafilenga amabunake yandi. ³¹ Lesa kabili wishi wakwa Shikulu Yesu, uyo uu sumbulwa umuyayaya, naishiba ukuti nshilebepa! ³² Ku Damascus, umulashi uwaletumika ku mfumu Aretas alelinda umusumba wa Damascusukuti banjikate. ³³ Lelo bantetemushishe mu museke ukupitila pa windo mucibumba, elyo ine nafyukile ukufuma muminwe yakwe.