¹ Ne, Paulo, nemwine nkopwipusha, mu kufuka na mu mutembo wakwa Kristu. Mba uwanakilila ngandi namwe, lelo uwakakata kuli mwe ilyo ndi kumbi. ² Nkomupapata ukuti, ilyo nkaba namwe, shikofwaya ukuba awakakata no kuibikapo. Lelo nkotontonkanya ukuti mfwile ukuba uwakakata ilyo ndikukanya abatila twendela umwabelo buntunse. ³ Kwena nangu twenda mu buntunse, tatulwila umwabelo buntunse. ⁴ Pantu ifyanso tulwa nafyo tefya buntunse. Nakuba, fyamaka muli Lesa ukuwisha amalinga ayakosa. Filabongolola ifikansa fyabufi. ⁵ Kabili tubongolola conse icaima mukucilikila ukwishiba Lesa. Tutwala itontonkanyo lyonse ku cumfwila cakwa Kristu. ⁶ Kabili tuli abaipekanya ku kukanda imibele ya bucintomfwa, ilyo linefye icumfwila cenu cafikapo. ⁷ Lolekesheni ifilemoneka bwino pantashi yenu, Ngaumo ashininkisha ukuti wakwa Kristu, lekeni umwine iyibukishe ukuti ifyo aba uwakwa Kristu, efyo nafwe tuli. ⁸ Pantu nangu ningatakisha panono sana pamulandu wansambu, isho Shikulu atupela ishakumukula tesha kumonaula, shakabe uwa nsoni. ⁹ Shilefwaya ukumoneka kwati ndemutinya mu makalata yandi. ¹⁰ Pantu abantu bamo balanda, '' Amakalata yakwe alyafya kabili yamaka, lelo ukumoneka kwakwe kwalinaka. Amashiwi yakwe tayalinga ukumfwako.'' ¹¹ Lekeni abantu abo beshibe ukuti ifyo twaba mu mashiwi ya makalata yesu ilyo tatuliko efyo tukaba mu micitile ilyo tuli uko. ¹² Tatuya sana mukuibika fweka nangu ukuipalanya kuli abo abaisumbula abene. Lelo ilyo bailinga kumo ku munankweno kuipalanya abene kuli cila umo, tabakwata ukwishiba. ¹³ Ifwe, nangu cibe ifyo, tatwakaitakishe ukucila mucipimo. Lelo, tuli nokucitafye ukulingana nomo Lesa atwakanishisha, icakaniko icakufika nakuli mwe. ¹⁴ Pantu tatwaituntumwine ilyo twamusangile mwe. Nifwe twalikubalilapo ukufika kuli mwene mbila-nsuma yakwa Kristu. ¹⁵ Tatwaitakisha ukucila pakubomba kwa bambi. Lelo, isubilo lyesu lyakutila ilyo icitetekelo cenu cileya cilekula, umulimo wesu pakati ka imwe ukakula sana. ¹⁶ Natusubila pali ici, pakuti twingashimikila imbila-nsuma na mufitungu fimbi ukucila apo muli. Tatuli nokuitakisha pa mulimo wacitwa muncende shimbi. ¹⁷ ''Lelo lekeni uuletakisha, atakishishe muli Shikulu.'' ¹⁸ Pantu te muntu uuibikapo umwine uusuminishiwa. Lelo , ni uyo uo Shikulu asuminisha.