¹ Uyu muku walenga itatu iyo ndeisa kuli mwe. ''Umulandu onse ufwile waishibikwa kufishinka fyababili nangula batatu bakambone.'' ² Ine kale nandile kuli abo ababembwike kunuma na bonse ilyo nali uko umuku wa cibili, kabili nalanda nakabili: nganaisa nakabili, shakabaleke. ³ Ndemweba ifi pamulandu mulelolekesha pafishininkisho fyakuti Kristu akososa ukupitila muli ne. Elyo taba uwabulwa amaka pali mwe. Mulico, aliba uwamaka muli mwe. ⁴ Pantu alitanikwe mu bukunaka, lelo ali uwamweo kumaka yakwa Lesa. Elyo naifwe bene twaliba abanaka muli o, lelo tuli nokwikala nao kumaka yakwa Lesa pakati kenu. ⁵ Muishindanye mwebene, ukumona ngacakuti mucili mucitetekelo. Yesheni mwebene. Bushe tamuleetetula ici palwa imwe, ukuti Yesu Kristu aba muli mwe?-kanofye, ee, namufilwa ukweshiwa. ⁶ Kabili ndesubila mwalashininkisha ukuti tatwafilwa ukweshiwa. ⁷ Nomba tulepepa kuli Lesa ukuti mwicita icilubo. Nshilepepa ukuti tukamonekele ngaba pashile ubwesho. Namulico, Napepa ukuti mwingacita icawama, nangula twingamoneka ngabafililwe ubwesho. ⁸ Pantu ifwe tatwabelako ukupinkana ne cine, lelo abacine fye capwa. ⁹ Pantu tulasekelela ngatuli abanaka elyo imwe muli abakosa. Tulamipepela ukuti mube abafikapo. ¹⁰ Nalembe fi fintu ilyo ndi kumbi ukufuma kuli mwe nipakuti ine ilyo ndi naimwe nshifwile ukuba uwakakata mukubomfya insambu shandi-isho Shikulu apele kuli ne pakuti mikule, no kukana monaula. ¹¹ Mukulekelesha, ba wesu, sekeleleni! bombeleni pakubweseshiwamo, beni abakoseleshiwa, mutontonkanye fimo fine, ikaleni mu mutende. Na Lesa wacitemwiko no mutende akalaba naimwe. ¹² Poshanyeni umo no munankwe mukufyompana kwa mushilo. ¹³ Bonse abantu bamushilo bakwa Lesa ba miposh. ¹⁴ Ukusenamina kwakwa Shikulu Yesu Kristu, icitemwiko cakwa Lesa, ne senge lya Mupashi wa Mushilo libe naimwe bonse.