¹ Elisha kasesema alikutile abana baume ababakasesema elo nokulanda kiluye ati, ''fwala ifi fwalo ifyapabulendo, eluntu ubule ibotolo ilinono ilyamafuta ubike muminwe yobe elo uleya ku Ramoti Gilead. ² Uluntu webo ulefika, uye kubona Jehu umwana mwaume wakwa Jeoshaphati umwana mwaume wakwa Nimshim, elo uye kwingila elo uye kumulenga ukwimya ukumufumya pabanankwe, elo ukamutwaleye pakati kamuputule wamukati. ³ Eluntu uyekubula ibotolo iyamafuta elo uye kumwitila kumutwe wakwe elo uye kulanda ati, ''Yawe alilandile ati: ''Nebo nakusuba webo ukuba imfumu pali Israeli, '''Eluntu ukesula icibi, elo uye kubutuke; tecakwesha ukuwayawaya,'' ⁴ Eco umulumendo umwaice, kasesema munono, epakuya ku Ramoti Gileadi. ⁵ Uluntu afikile, loleleni, mwebashilika bafita apo mwikele. Eco kasesema munono alilandile ati, ''Nebo nafika nikwata ifyakulanda kuli webo, umukalamba wabashilika, '''Jehu epakwasuka ati, ''Ninani pali fwebo? ''kasesema munono epakwasuka ati, ''Nikuli webo, wemukalamba wabashilika.'' ⁶ Eco Jehu epakwima elo aya munganda, elo kasesema aitila amafuta pamutwe wakwe elo alandile kuli Jehu ati, ''Yawe, Lesa wakwa Israeli, alila Yawe, pali Israeli. ⁷ Webo ufwile waipaya ulupwa lwakwa Ahabu wisokulu obe pakweba ati nebo nkalandule umulopa wababomfi bandi bakasesema elo no mulopa wabonse ababomfi bakwa Yawe abo bacenenwe kukuboko kwakwa Jezebeli, ⁸ Pantu balupwa bonse abakwa Ahabu balinokonaulwa, elo nebo ndinokuputula ukufuma kuli Ahabu akana kaume akanono, nangufye musha nangu wakubula umulandu. ⁹ Nebo nkapanga inganda yakwa Ahabu kwati ninganda yakwa Jeroboa mu umwana mwaume wakwa Nabati elo kwati ninganda yakwa Baasha umwana mwaume wakwa Ahijah. ¹⁰ Imbwa eshikalya Jezebeli mu Jezreeli, elo takwakabe nangu umo uukamushika, '''Eluntu kasesema aiswileko icibi elo abutuka. ¹¹ Eluntu Jehu abwelulukile kubasha bakwa sokulu wakwe, elo umo alandile kuliye ati, ''Bushe fyonse filifye ifyabune? Cindo ulya uwakupena acishila kuli webo? ''Jehu alyasukile kulibo ati, ''Webo walimwishiba ulya muntu elo namusango wafintu alanda.'' ¹² Balikulanda ati, ''Ubo bufi. Landa kuli fwebo, '''Jehu alibasukile ati, ''Ena acilalanda ifi elo kuli nebo, elo ena nakabili acilanda ati, 'Ifi efyo Yawe alandile ati: Nebo ninkusuba ukuba imfumu pali Israeli.''' ¹³ Eluntu cila umo mukusakauka afula imingila yakunse elo babika munshi yakwa Jehu pamulu wamakasa yakwe. Balekulisha amapenga elo balelanda ati, ''Jehu nimfumu.'' ¹⁴ Muli iyi nshila Jehu umwana mwaume wakwa Jehoshaphati umwishikulu wakwa Nimshi epakupingula Joram, nomba Joram alekucingilila Ramoti Gileadi.ye elo naose Israeli, pamulandu wakwa Hazaeli mfumu yaku Aramu, ¹⁵ Nomba imfumu Joramu ninshi yalibwekelamo ku Jezreeli kukundapwa ku filonda ifyo abena Arameans bamucenene, uluntu ena alekulwa na Hazaeli imfumu yaku Aramu. Jehu alilandile kubabomfi bakwa Joramu ati, '' Ngacekweba ati ili etontonkanyo lyobe, eluntu taufwile ukuleka nangu umo ukufyuka elo nokuya kumusumba, nokuya landa ili lyashi mu Jezreeli,'' ¹⁶ Eco Jehu epakunina mwiceleta epakuya ku Jezreeli; pantu Joramu alekutushisha kulyakwine. Nomba Ahaziah imfumu yaku Judah epakutetemuka kukumona Joramu. ¹⁷ MalondAa walitaleme pamulu welinga mu Jezreeli, elo abwene ibumba lyakwa Jehu ninshi baleisa apaliko; ena epakulanda ati, ''nebo ndibwene ibumba lyabaume lileisa. ''Joramu alilandile ati, '' Buleni abaume bamaceleta, elo nokubatuma pakuya kukumanyabo; muye kubepusha ati, ' Bushe mwaisa mucibote?''' ¹⁸ Eco umuntu alituminwe palibakabalwe pakuya bakumanya; alilandile ati, '' imfumu ililandile ifi ati: Bushe mwebo mwaisa mucibote?''' Eco Jehu epakulanda ati, '' cindo webo ulefwaya tucite mucibote? Pilibuka elo ulekukonka panuma yandi. ''Eluntu malonda alandile ku mfumu ati, ''Intumi ililekubakumanya, nomba ena tabwelulukile iyo.'' ¹⁹ Eluntu yena nakabili yatiumine umuntu wabubili uwapali bakabalwe, uwaishile kulibo elo nokulanda ati, ''Imfumu ililandile ifi ati: 'Bushe mwebo mwaisa mucibote?''' Jehu alyasukile ati'' Cindo webo ulefwaya ukucita mucibote? Pilibuka elo ulekonka panuma yandi.'' ²⁰ Nakabili malonda watwala ilyashi ati, ''Ye alibakumenyebo, namba talebweluluka iyo. Pantu ifyo imyendele yeceleta ili kwati kwenda kwakwa Jehu umwana mwaume wakwa Nimshi kensha; ena aleyesha kwati lishilu.'' ²¹ Eco Joramu walilandile ati, ''Pekanyeni iceleta lyandi , ''Balipekenyeiceleta lyakwe, elo Joramu imfumu yaku Israeli elo na Ahaziah imfumu yaku Judah banina, cila umo mwiceleta lyakwe, pakuya kumanya Jehu. Bailekusanga pebala lyakwa Nabote umwina Jezeeli. ²² Uluntu Joramu abwene Jehu, alilandile ati, ''Bushe webo waisa mucibote?'' Jehu alibasukile ati, '' cibotensi cili uko, ²³ Eco Joramu apilibula iceleta lyakwe nokubutauka elo nokulanda kuli Ahaziah ati, ''Kuli cisanguka, Ahaziah.'' ²⁴ Eluntu Jehu aposa umusumbo wakwwe namaka yakwe yonse elo alasa Joramu pakati kafipeya fyakwe; umusumbo wampulinkana pamutima wakwe, elo ena apona panshi mwiceleta lyakwe. ²⁵ Eluntu Jehu alandile kuli Bidkar umukalamba wabashilika wakwe, ''Mubuleni elo mumupose mwibala lykwa Nabote umwina Jezreelite. tontonkanya pali ifi uluntu webo elo naine twaleyisha capamo panuma yakwa Ahabu wishi wakwe. Yawe abwekeshepo bwakwe piliye. ²⁶ Ubushiku bwafumineko nebo nabwene umulopa wakwa Naboyte elo nomulopa wabana bakwe abaume--ekulanda kwakwa Yawe-- elo nebo inkashinikisha ukuti mwalipila pebala lyakwe--ekulanda kwakwa Yawe. Nomba eluntu, bamubulile nokumuposa mwibala lyakwe, ukulingana neshiwi lyakwe.'' ²⁷ Uluntu Ahaziah imfumu yaku Judah yabwene ifi, yabutuka ukulola kumusebo waku Beth Haggani. Nomba Jehu walimukonkele, elo ale kulanda ati, '''Mwipaye naye mwiceleta,'' Elo balimulashile pakuya ku Gur, mupepi na Ibleam. Ahaziah afyukila ku Meggido elo aya kufwila kulyakwine. ²⁸ Abasha bakwe balisendele icitumbi cakwe mwiceleta ku Jerusalemu elo bamushika muluputa pamona ifikolwe fyakwe mumusumba wakwa Davidi ²⁹ Nomba cali nimu mwaka wakulenga ikumi limo na cimo uwakwa Joramu umwana mwaume wakwa Ahabu ulo Ahaziah atampile ukutungulula pali Judah. ³⁰ Uluntu Jehu waishile ku Jezreeli, Jezebeli alyumfwile palwa ifi, elo apenta amenso yakwe, nokuwamya imushishi wakwe, elo alekulolekesha pa windo. ³¹ Ulo Jehu waingile pampongolo, umwanakashi walandile kuliye ati, ''Bushe mwaisa mucibote, webo Zimri, wewacenene sokulu obe?'' ³² Jehu walikulolesha pe windo elo alandile ati, ''Ninani ali kulubali lwandi? Ninani?'' Eluntu babili nangu batatu bamutungwi baloleshe panse. ³³ Eco Jehu alilandile ati, ''Muponyeni uyo panshi,'' Eco balimuposele Jezebeli panshi, elo umbi umulopa wakwe wasabaukila nakucibumba elo nakuli bakabalwe. Elo Jehu alemunyataula amakasa yakwe. ³⁴ Uluntu Jehu waingile muncende, walilile elo nokunwa. Eluntu walandile ati, ''Boneni nomba kuli uyu mwanakashi wakutipwa elo kumushike, pantu mwana mwanakashi wa mfumu,'' ³⁵ Balile mukumushika, nomba tabasangilepo icitumbi ukucila pacipanga, amakasa, elo neminwe yakumaboko yakwe. ³⁶ Eico balibwelele nokulanda kuli Jehu. Alilandile ati, ''Ili eshiwi lyakwa Yaweulo alandile kumubomfi wakwe Elijah umwina Tishbeti, nokulanda ati, 'Mucalo caku Jezreeli imbwa shikalya icitumbi cakwa Jezebeli, ³⁷ Elo nomubili wakwa Jezebeli ukaba kwati ni citindi pamulu wamumpanga mucalo camu Jezreeli, pakweba ati tapakabe nangu umo uukalanda ati, '' Uyu ni Jezebeli,'''''