¹ Nomba Elisha aishile kulanda ku mwanakashi uyo abushishe umwana mwaume. Aishile kulanda kuli ye ati, ''Imeni, elo no kuya na bang'anda yenu, elo no kwikala ukuli konse mu calo cimbi, pamulandu wakwabati Yahweh alikutile kucipowe icikesakwisa pali ici calo pamyaka cinelubali.'' ² Eico umwanakashi aishile kwima elo alyumfwilile ishiwi lya muntu wakwa Lesa. Aile pamo no lupwa lwakwe no kwikala mu calo ca ba Pelishiti pa myaka cinelubali. ³ Caishile kwati ma mpela ya mwaka cine lubali ukwebati umwanakashi abwelela ukufuma mu calo ca ba Pelishiti, elo aishile ku mfumu mukupapata kuli ye pamulandu wa ng'anda yakwe elo na pa calo cakwe. ⁴ Nomba imfumu yalikulanda na Gehazi umubomfi wa muntu wakwa Lesa, ukulanda ati, ''Napapata njebeni fyonse ifintu ifya maka ifyo Elisha acitile.'' ⁵ Eluntu aleeba imfumu ifntu Elisha abweseshe umweo ku mwana uwafwile, umwanakashi umo wine uo umwana wakwe umwaume babweseshe ubumi alishile mukupapata imfumu palwa ng'anda yakwe elo ne calo. Gehazi aishile kulanda ati, ''Shikulu wandi, we mfumu, uyu emwanakashi, elo uyu emwana mwaume wakwe, uo Elisha abweseshe umweo.'' ⁶ Uluntu imfumu yaipwishe umwanakashi palwa mwana wakwe umwaume, aishile kucilondolola kuli ye. Eico imfumu yaishilekupela cilolo umo kuli ye, no kulanda ati, ''Bwesesha kuli ye fyonse ifyali fyakwe elo ne fyabusomboshi fyonse ifya mumabala yakwe ukutampafye ubushiku afumine mu calo ukushinta na lelo.'' ⁷ Elisha aishile ku Damasike uko Ben Hadadi imfumu ya lwele. Imfumu yalyebelwe ati, umuntu wakwa Lesa alishile kuno.'' ⁸ Imfumu yaishile kulanda Hazael ati, ''Piita icabupe mukuboko kobe elo ulekuya uku kumanya umuntu wakwa Lesa, elo akwipushisheko kuli Yahweh ukupitila muli ye, ukulanda ati, 'Bushe nkapola kuli ubu bulwele?'' Eico Hazael aishile kuya mukumukumnya elo no kupiita icabupe ne fisuma fyonse ifya mu Damasike, ifya sendelwe ne namila amakumi yane. ⁹ Eico Hazael aishile kwisa elo no kwisa kutalama pantanshi yakwa Elisha elo no kulanda ati, umwana obe umwaume Ben Hadadi imfumu ya Aramu ilintumine kuli webo, ukulanda ati, 'Bushe nkapola kuli bu bulwele?'' ¹⁰ Elisha aishile kulanda kuli ye ati, ''Kabiye, uye kulanda kuli Ben hadadi ati, 'Icshinkafye ukapola,' lelo Yahweh alindangile ukweba ati icishinkafye akafwa.'' ¹¹ Eluntu Elisha aishile kulolesha Hazael mpka aumfwa insoni, elo umuntu wakwa Lesa aishle kulila. ¹² Hazael aishile kwipusha ati, ''Cindo ukolilila, shikulu wandi?''Aishile kwasuka ati, ''Pamulandu wa kwebati ndishibile ububi ubo ukacita ku bantu bakwa Israeli. Mukesakoca umwakufisama no mulilo, elo mukesa kwaipaya abana baume no lupanga elo no kulepaula abanakashi babo abali na mafumo.'' ¹³ Hazael aishile kwasuka ati, ''Bushe ni nani umubomfi obe, ukuti acite ici cintu icakukosa? Ena ni mbwafye.'' Elisha aishile kwasuka ati, ''Yahweh alindangile ukweba ati ukesakuba imfumu pali Aramu.'' ¹⁴ Eluntu Hazael aishile kusha Elisha elo no kwisakwisa kuli shikulu wakwe, uwaishilekulanda kuli ye ati, ''Findo Elisha alandile kuli webo?'' Aishile kwasuka ati, ''Anebele ukweba ati uli nokupola.'' ¹⁵ Eluntu ubushiku bwa konkelepo Hazael apitile icakufimbana elo acabikile mu menshi, elo no kucimba pa menso yakwa Ben Hadadi pakweba ati afwe. Eluntu Hazael aishile kuba imfumu pa ncende yakwe. ¹⁶ Mu mwaka wa kulenga isano uwakwa Yehoramu umwana mwaume wakwa Ahabu, imfumu ya bena Israeli, Yehoramu alitampile ukuteka. Ali mwana mwaume wakwa Yeheshafati imfumu yakwa Yuda. Atampile ukuteka uluntu yehoshafati ali imfumu yakwa Yuda. ¹⁷ Yehoramu ali ne myaka ya kufyalwa amakumi yatatu na ibili uluntu atampile ukuteka, elo atekele imyaka cine konsekonse mu Yerusalemu. ¹⁸ Yehoramu aendele munshila sha mfumu shamu Israeli, ngefyo ing'anda yakwa Ahabu yali kucita; pantu alikwete umwana mwanakashi wakwa Ahabu ukuba umukashi wakwe, elo alicitile ifya bubi mu menso yakwa Yahweh. ¹⁹ Nangu cingabefi, pamulandu wa mubomfi wakwa Davidi, Yahweh talefwaya ukonaula Yuda, apo alimwebele ukweba ati akamupela lyonse abana. ²⁰ Munshiku shakwa Yehoramu, abena Edomu bapondokele ubuteko bwakwa Yuda, elo no kwisakubikila imfumu palwabo. ²¹ Eluntu Yehoramu ayabukile ku Zair na maceleta yakwe yonse. Uluntu abena Edomu bashingulukile Yehoramu, abakulu bamaceleta baimine no kubataasha mu nshita ya bushiku; lelo ifita fyakwa Yehoramu fyalibutukile elo no kubwelelamo ku mayanda yabo. ²² Eico Edomu alitwalilile ukupondokela ubutekeshi bwakwa Yuda ukushinta na lelo. Libna nao alitendekele ukupondoka panshita imo ine. ²³ Lelo kuli imbi milandu ishikumine Yehoramu, fyonse ifyo acitile, bushe tafyalembwa mwi buku lyafyacitikile palwa mfumu sha ba Yuda? ²⁴ Yehoramu alitushishe pamo ne fikolwe fyakwe elo aishle kushikwa nabo mu musumba wakwa Davidi. Eluntu Ahazia umwana mwaume wakwe aishile kuba imfumu pa ncende yakwe. ²⁵ Mu mwaka wakulenga ikumi naibili iyakwa Yoramu umwana mwaume wakwa Ahabu, imfumu yakwa Israeli, Ahazia umwana mwaume wakwa Yehoramu, imfumu yakwa Yuda, alitampile ukuteka. ²⁶ Ahazia ali ne myaka yakufyalwa amakumi yabili naibili uluntu aishile kutampa ukuteka; aishile kuteka umwaka umo mu Yerusalemu. Ishina lyakwa nyina ali ni Atalia; ali mwana mwanakashi wakwa Omri, imfumu yakwa Israeli. ²⁷ Ahazia alyendele munshila sha ng'anda yakwa Ahabu; acitile ifyali ifyabubi mu menso yakwa Yahweh, ngefyo ing'anda yakwa Ahabu yalikucita, pantu Ahazia ali mu pongoshi wa mung'anda yakwa Ahabu. ²⁸ Ahazia aishile kuya na Yoramu umwana mwaume wakwa Ahabu, mukulwa na Hazael, imfumu yamu Aramu, pa Ramoti Gileadi. Anema Aramu baishile kucena Yoramu. ²⁹ Imfumu Yoramu aishile kubwela ku kuundapwa mu Yesreel kufilonda ifyo abena Aramu bamupela pa Rama, uluntu alwile na Hazael imfumu ya mu Aramu. Eco Ahazia umwana mwaume wakwa Yehoramu, imfumu yakwa Yuda, aishile kutentemukila ku Yesreel mukubona Yoramu umwana mwaume wakwa Ahabu, pamulandu wakwebati Yoramu bali mucenene.