¹ Nomba Ahabu alikwete balupwa amakumi cinelubalu mu Samaria, Jehu walilembele amakalata elo abatuma ku Samaria, kuli bakatungulula bamu Jezreeli. Ukubikapofye nabakalamba elo nabalesunga balupwa lwakwa Ahabu, nokulemba ati, ² Abana bakwa sokulu muli nabo, elo mwebo namwe namukwata amaceleta elo nabakabalwe elo nomusumba uwakucingililwa elo nefyanso. Nomba eluntu, uluntufye kalata ikafika kuli mwebo, ³ Musalepo uwabune kabili uwakulinga pali balupwa lwakwa sokulu elo akekale pacipuna cakwa wishi, elo mulelwilako nabalupwa lwakwa sokulu wenu.'' ⁴ Nomba balekutalikana elo bakolanda abene ati, ''Boneni, imfumu shibili shilifililwe ukumulwisha Jehu. Eco kuti fwebo twaiminina shani? ⁵ ''Eluntu umuntu uwali kapingula kucipango, elo nomuntu uwali umulashi mumusumba, elo nakabili nabakalamba, elo nalikubasunga abana, batuma ishiwi kuli Jehu, nokulanda ati, ''Fwebo tuli basha bobe. Fwebo twalabomba conse ico walakonkomesha fwebo ukucita. Fwebo tatwacitepo nangu umo ukuba imfumu. citafye icabune mumenso yobe.'' ⁶ Eluntu Jehu walembele inkalata umuku wabubili kulibo, nokulanda ati, ''Ngacakweba ati mwebo muli kulubala lwandi, elo ngacakweba ati mwebo mulomfwa kwishiwi lyandi, mwebo mufwile mwabula abakalamba abaume aba mulupwa lwakwa sokulu, elo mubwele kuli nebo ku Jezreeli muli bumailo pali iniyine nshita. ''Nomba balupwa lwamfumu, amakumi cinelubali kumpendwa, ici ecikankala kubaume bamumusumba, abo abali kubasunga. ⁷ Eco kalata yafikile kulibo,balipitile abana baume abamfumu nokubepaya, abantu amakumi cinelubali, babika imitwe yabo mumuseke, elo nokubatuma kuli Jehu mu Jezreeli. ⁸ Intumi yaishile kuli Jehu,nojulanda ati, ''Balitetele imitwe yabana baume abamfumu. ''Eco yena yalandile ati, ''Bika impili iyibili pakwingila pampongolo impakafye ulucelo. ⁹ ''Munshita yalucelo Jehu afumine panse elo atalama, elo alandile kubantu bonse ati, ''Mwebo muli bakubula umulandu. Bona, nebo. Ninebo nafimbile shikulu elo nokumwipaya, nomba ninani wishile kwipaya aba bonse? ¹⁰ Nomba mwebo ishibeni ici nokwibukisha ukuti akuli ishiwi lyakwa Yaweh, ishiwi lintu alandile ukukonka nakulupwa lwakwa Ahabu likaponena panshi, pantu Yaweh alicitile ifyo alandile ukupitila mu mubomfi wakwe Elijah.'' ¹¹ Eco Jehu walipeye bonse abashele mulupwa lwakwa Ahabu mu Jezreeli , elo nabonse abaume abakucindama, nabanankwe abapalamishi, elo nabanshimapepo, mpakafye nangu umo uwakushalapo palibo. ¹² Eluntu Jehu walipilibukile elo afumapo; ena wlile ku Samaria. Ulo ye wafikile pa Beti Ekedi wabakacema. ¹³ Walikumene nabawabo wakwa Ahaziah imfumu yaku Juda. Jehu walilandile kulibo ati, ''Nimwebo banani?'' Balyasukile ati,'' Nifwebo bawabo bakwa Ahaziah, elo fwebo tuletentemukila mumushi kukuyaposha abana bamfumu elo nabana bakwa namfumu Jezebeli.'' ¹⁴ Jehu walilandile kubaume bakwe ati, ''Bekateni abatuntulu. ''Eco balibapitilile abatuntulu elo baya kubepaila pacishima caku Bet Ekedi, bonse bali amakumi yane-nababili abaume. Ena tashilepo nangu palibo umutuntulu. ¹⁵ Uluntu Jehu wafuminepo palya, ena walikumenwe Jehonadabu umwana mwaume wakwa Recabu uwalekwisa mukukumanyaye. Jehu walimuposeshe elo walanda kuliye ati, ''Bushe umutima obe uli kuli nebo? ''Jehonadabu walyasukile ati, ''Jehu walilandile ati, ''Ngacakweba ati efyo cili, intambika nebo ukuboko kobe. ''Eco ena walitambike kuli Jehu ukuboko kwakwe, elo Jehu apitilila Jehonadabu pamulu mwiceleta lyakwe. ¹⁶ Jehu walilandile ati. ''Isa kuli nebo elo ubone ukukosa kwandi muli yaweh.'' Eco epakumusenda Johonadabu baleya pamonaye mwiceleta lyakwe. ¹⁷ Uluntu wafikile ku Samaria. Jehu walipeye bonse abashele ukufuma mulupwa lwakwa Ahabu, ngefyo calandilwe kuliye kunuma kwishiwi lyakwa Yaweh, ilyo alandile kuli Elijah. ¹⁸ Eluntu Jehu wakolonganikile abantu bonse capamo elo walandile kulibo ati, ''Ahabu walekupepa Baali panonofye,nomba Jehu walamupepa ukucilapo. ¹⁹ Nomba eco kabaleteni kuli nebo bakasesema bonse abakwa Baali, elo nabakashinshimuna bakwe bonse, elo nabashimapepo bakwe. Mushinikishe ati takuli nangu umo uwakushalapo, pantu nebo ndikwete icelambo icikalamba icakupela kuli Baali. Uyo onse uusaise tabe uwamweo. ''Nomba Jehu walekulanda ifi mubucenjeshi, pamo netontonkanyo lyakwipaya bakashishimuna bakwa Baali. ²⁰ Jehu walilandile ati, ''Bikeni inshita iyakuti tukolongane pali Baali. ''Eico balabilishe palya ifi. ²¹ Eluntu Jehu watumine kuli onse Israeli elo nakuli bonse bakashinshimuna bakwa Baali ukuti bese, eco pakweba ati takuli nangu umo umuntu uwakukana isa. Balikwisa mwitempele lyakwa Baali, elo mwaiswile ukufuma pali cilaumo nomunankwe. ²² Jehu walilandile kumuntu uwalekusunga ifyakufwala fyabashimapepo, ''Leteni imingila yonse iyaba kashinshimuna bakwa Baali. ''Eco umuntu waliletele ifyakufwala kulibo. ²³ Eico Jehu walile pamo na Jehonadabu umwana mwaume wakwa Recabu munganda yakwa Baali, elo elo walandile kuli bakashinshimuna bakwa Baali ati, ''Fwayeni elo mushininkishe u, nomba kanofye uti takuli nangu umo ukufuma muli mwebo umubomfi wakwa Yaweh, Nomba kanofye bakashinshimuna bakwa Baali.'' ²⁴ Eluntu balikwingila mulya nokuya mukupela ifyamalambo elo nefyabupe fyakoca. Nomba Jehu walisalilepo abaume cinekonse-konse abo abataleme kunse, elo alandile kulibo ati, ngacakweba ati umo pabaume uyo nebo mpele mumaboko yenu nga afyuka, noyo uulelenga ukuti umuntu afyuke, umweo wakwe ulepyanya umweo waulefyuka.'' ²⁵ Eico mukwangufyanya Jehu apwikishe ukupela ifyelambo fyakoca, ye walandile kuli bamalonda elo nabakalamba babashilika ati, '' Kabiyeni mukati elo mubepaye. Mubone ukuti takuli nangu umo uwakifumina panse.'' Eco balibepeyebo kumpela yalupanga,elo bamalonda elo nabakalamba babashilika babaposa panse elo baya ingila pakati kumuputule wanganda yakwa Baali. ²⁶ Balitobawile panse ulucenshi lwamabwe ulo ulwali munganda yakwa Baali, elo balibocelebo. ²⁷ Eluntu balikutobolola panshi ubulambo bwakwa Baali, elo baonaula inganda yakwa Baali elo nokucipanga icimbusu. ico ukufikafye nalelo. ²⁸ Efyo Jehu nomba waonawile amapepo yakwa Baali ukufuma pali Israeli. ²⁹ Nomba Jehu tafumineko kumasambi yakwa Jeroboamu umwana mwaume wakwa Nebati, kufyo walengele Israeli ukubembuka- uku ekuti, ukupepa ifiponti fyatulubi mu Bethel elo namu Dani. ³⁰ Eico Yaweh walilandile kuli Jehu ati, ''pamulandu wakuti webo wacita icabune icakusekesha mumenso yandi, elo nokucita kunganda yakwa Ahabu ukulingana nefyali mumutima wandi, balupwa bone bakekala pacipuna cabufumu icakwa Israeli pankulo yakulenga bune.'' ³¹ Nomba Jehu talekuisakamana ukwenda mwifunde lyakwa Yaweh, Lesa wakwa Israeli, pamo nomutima wakwe onse Ena talekufumako kulubembu lwakwa Jeroboamu, ulo alengele abena Israeli kukubembuka. ³² Muli shilya nshita Yahwe alitampile ukuputulako ifitungu ukufuma ku Isreali, na Hasaeli alicimfishe abena Isreali pa mipaka yabena Isreali, ³³ Ukufuma ku Yodani lwaku kabanga, impanga shonse isha bena Gileadi, abena Gadi, nabena Reubeni, kabili na Manasse, ukufuma ku Aroeri, iyabela mu mukonko wabena Arnoni, ukupita mu Gileadi ukuya ku Bashani. ³⁴ Pamilandu imbi iyikumine Yehu, nafyonse ifyo acitile na yonse amaka yakwe, bushe tafyalembelwe mwibuku pafya citike ku mfumu shabena Isreali? ³⁵ Yehu alilele nefikolwe fyakwe, kabili bali mushikile mu samaria. Eluntu Yehoahasi umwana wakwe umwaume alishile kuba imfumu mwipunda yakwe. ³⁶ Inshita iyo Yehu atekele Isreali mu Samaria yali imyaka amakumi yabili nacine konse konse.