¹ Nomba umukashi umo uwapa bana baume baba kasesema aishile akolila kuli Elisha, akolanda ati, ''Umubomfi wenu umulume wandi alifwile, elo na mwishiba ukuti umubomfi wenu alikutuna Yahweh. Nomba uwankongele alishile kukusenda abana bandi babili ku kuba abasha bakwe.'' ² Eico Elisha aishile kulanda kuli ye ati, ''Findo ni ngakucitila webo? Njeba findo ukwete mu ng'anda? Aishile kulanda kuli ye ati, ''Umubomfi wenu takwete nangu fimo mu ng'anda, ukufumishako akapoto kamafuta.'' ³ Eluntu Elisha alandile, ''Kabiye ifipe ku bena mupalamano, ifipe umwabula nangu kamo. Washime ifingi efyo wingakwanisha. ⁴ Eluntu ufwile ukuya mukati elo wisaleko iciibi kunuma yobe elo na bana baume bobe, elo witullwile amafuta muli fyonse ifyo ifipe, mulebika lubali ifipe ifyo ifyaisula.'' ⁵ Eico ena aishile kusha Elisha elo aishile kwisala iciibi kunuma yakwe elo na bana bakwe abaume. Baletele ifipe kuli ye, elo, ye afiswishemo na mafuta. ⁶ Uluntu ifipe fyaiswile, ye aishile kulanda ku bana baume bakwe ati, ''Ndeteleniko na cimbi icipe. Lelo umwana mwaume aishile kuli ye ati, ''Tapali na fimbi ifipe.'' Eluntu amafuta yalekele ukupongoloka. ⁷ Eluntu ye aishile elo no kweba umuntu wakwa Lesa. Aishile kulanda ati, ''Kabiye, kashitishe amafuta; ulipile inkongole shobe, elo wikalile na bana baume bobe ishashala.'' ⁸ Ubushiku bumo Elisha aile ku Shunemu uko umwanakashi umukankala aishikele; umwanakashi amupatikishe ukuti alye nankwe ifyakulya. Eico imiku ne miku Elisha alikupitapo, alikwimanina palya ku kulya. ⁹ Umwanakashi aishile kulanda ku balume bakwe ati, ''Boneni, nomba nkopitulukamo ukutila uyu muntu wa shila wakwa Lesa uukopita lyonse apa. ¹⁰ Natupangeko akamuputule akanono pa mutenge akakwa Elisha elo natubikemo mukati ubusanshi, itebulo, icipuna, elo ne lampi. Elo uluntu akoisa kuli fwebo, akesaikala kulya kwine. ¹¹ Eico uluntu ubushiku bwaishile na kabili ukuti Elisha ataleme palya pene, aikele mu muputule elo atushishe palya. ¹² Elisha aishile kulanda kuli Gehasi umubomfi wakwe ati, ''Ita uyu umwina shunami.'' Uluntu aishile kumwita, ataleme pa cinso cakwe. ¹³ Elisha aishile kulanda kuli ye ati, ''Landa kuli ena ati, 'Webo wakwata ukupita muli bonse ubu bwafya ukuti usakamane fwebo. Findo twingacita kuli webo? Tukulandileko ku mfumu nangu kumukula wa fita?''' Aishile kwasuka ati, ''Naikala pamo na bantu bandi.'' ¹⁴ Eico Elisha aishile kulanda ati, ''Findo fwebo twinga mucitila, nomba?'' Gehasi aishile kwasuka ati, ''Cacine, takwata umwana mwaume, elo na balume bakwe nabakota.'' ¹⁵ Eico Elisha aishile kwasuka ati, ''Mwite.'' Uluntu amwitile, ataleme mu mwinshi. ¹⁶ Elisha aishile kulanda ati, ''Pali iyinshita ya mwaka, munshita ya mwaka umo, webo uli no kukwata umwana mwaume.'' Aishile kulanda ati, ''Awe, mwe shikulu wandi kabili we muntu wakwa Lesa, mwi bepa ku mubomfi wenu.'' ¹⁷ Lelo umwanakashi aishile kwi mita ashile kufyala umwana mwauke panshita imoine mu mwaka wakonkelepo, ngefyo Elisha alandile kuli ye. ¹⁸ Uluntu umwana akuli, aile ubushiku bumo kuli wishi, uyo uwali na basomboshi. ¹⁹ Aishile kulanda kuli wishi ati, ''Umutwe wandi, umutwe wandi.'' Wishi aishile kulanda ku mubomfi wakwe ati, ''Mutwale kuli banyina.'' ²⁰ Uluntu umubomfi aishile kumwimya elo amuletele umulumendo kuli nyina, umwana aikele pamakufi mpka akasuba elo aishile kufwa. ²¹ Eico umwanakashi aishile kwima elo aishile kulalika umulumendo apali kulala umuntu wakwa Lesa, aiseleko iciibi, elo aishile kufumina panse. ²² Aishile kulanda ku mulume wakwe elo alandile ati, ''Napapata ntumineniko umo umubomfi elo ne mpunda imo ukuti ningabutukila ku muntu wakwa Lesa elo kabili mbwele kuno.'' ²³ Umulume wakwe aishile kulanda ati, ''Cindo ukofwaya ukuya kuli ena lelo? Te mwenshi wapwa nangula isabata.'' Aaswike ati, ''Fyalabafye bwino fyonse.'' ²⁴ Eluntu aishile kwima pa mupunda elo aishile kulanda kumubomfi wakwe ati, ''Ensha bwangu, wibweshamo pamulandu wandi kano nalanda.'' ²⁵ Eico aishile kuya elo aishile kwisa ku muntu wakwa Lesa pa lupili lwa Kameli. Eico uluntu umuntu wakwa Lesa aishile kubona muntamfu, aishile kulanda kuli Gehasi umubomfi wakwe ati, ''Lolesha kuno umwana umwina Shunami. ²⁶ Napapata butuka ku kumukumanya elo ulande kuli ye ati, 'Bushe ifintu fyonse fili fye bwino kuli webo elo na kumulume obe elo no mwana?'' Aishile kwasuka ati, ''Filifye bwino.'' ²⁷ Uluntu Aishile ku muntu wakwa Lesa pa lupili, afumbatile amakasa yakwe. Gehasi aishile mupepi mukumufumyako lelo umuntu wakwa Lesa aishile kulanda ati, ''Muleke, pantu na fulwa sana, elo Yahweh nafisa ubwafya kuli nebo, elo tanjebelepo nangula cimo.'' ²⁸ Umwanakashi aishile kulanda ati ''Bushe nebo nalikwipwishepo umwana mwaume, shikulu wandi? Bushe ntalandile ati, nebo mwimbepa?'' ²⁹ Eluntu Elisha aishile kulanda kuli Gehasi ati, ''Fwalila ulwendo elo senda inkonto yandi mu maboko yobe, Kabiye ku ng'anda yakwe. Nangu wakumanya umuntu uuli onse, wi muposha, elo uuli onse akuposha, taufwile ukwasuka, ulalike inkonto pa cinso ca mwana. ³⁰ Lelo nyina wa mwana aishile kulanda ati, ''Pali Yahweh elo na pali webo, nebo ntakakushe.'' Eico Elisha aishile kwima no kumukonka. ³¹ Gehasi ayendesheko pantanshi yabo elo aishile kubika inkonto pa cinso ca mwana, lelo umwana talelanda nangula ukumfwa. Eico kabili Gehasi abwelele mu kukumanya Elisha elo aishile kumweba ukutila, ''Umwana tabukile.'' ³² Uluntu Elisha afikile pa ng'anda, umwana alifwa elo acili ali pa busanshi. ³³ Eico Elisha aishile kwingila elo aiseleko iciibi umwana elo nankwe elo apepele kul Yahweh. ³⁴ Aishiel kuya pamulu elo aishile kulala pamwana; abikile akanwa kakwe pa kanwa ka mwana, amenso yakwe pa menso yakwe, elo na mabako yakwe pamaboko yakwe. Aintintile pamulu wa mwaice, elo umubili wa mwaice walikabile. ³⁵ Eluntu Elisha aishile kwima elo akoenda akoshunguluka mu muputule elo na kabili aile elo no kuya lambalala pa mulumendo. Umwana aishile kutesula imiku cine lubali elo aiswile amenso yakwe! ³⁶ Eico Elisha aishile kwita Gehasi elo aishile kulanda ati, ''Ita umwina Shunami!'' Eico alimwitile, elo uluntu aishile kwisa mu muputule, Elisha aishile kulanda ati, ''Imya umwana mwaume obe.'' ³⁷ Eluntu aishile kuwa icinso cakwe panshi oamakasa yakwe elo akontamine panshi, elo kabili abulile umwna mwaume wakwe elo afumine panse. ³⁸ Eluntu Elisha aioshile na kabili ku Giligali. Mwali icipowe mu calo, elo abana baume bakwa kasesema baikele pantanshi yakwe. Aishile kulanda ku mubomfi wakwe ati, ''Bika impoto iikalamba pa mulilo elo wipikileko anaba baume baba kasesema. ³⁹ Umo pali bo aishile kuya mwi bala mukuswa umusalu. Aishile kusanga umwangashi wa mumpanga elo aswileko ifitwala fyauko ifyalinga ifya kubika mucisalu ce laya lyakwe. Bauputawile elo baubikile mu mpoto, lelo tabaishibe fintu waleumfwika. ⁴⁰ Eico baishile kupekanya ifya kulya ukuti abantu balye, inshita imbi, luntu balelya, babilikishe elo baishile kulanda ati, ''We muntu wakwa Lesa, muli mfwa muli iyi mpoto!'' Eico tabalile nakalya. ⁴¹ Lelo Elisha aishile kulanda tai, ''Leteni ubunga.'' Abuposele mu mpoto elo aishile kulanda ati, ''Peleni abantu, ukuti balye.'' Eluntu tamwali icili conse mu mpoto icinga leta ubwafya. ⁴² Umuntu afumine kuli Baali Shalisha aishile ku muntu wakwa Lesa elo aletele muka cola kakwe imikate ya bale iya pangilwe ne fisabo fya ntanshi, elo ne mitwe ya nseke shipya. Elisha aishile kulanda ti, ''Pela ifi ku bantu ukuti balye.'' ⁴³ Umubomfi wakwe aishile kulanda ati, ''Nindo, bushe kuti na pela shani ifi abantu abali umwanda umo?'' Lelo Elisha aishile kulanda ati, ''Pela ifi ku bantu, ukuti balye, pamulandu Yahweh efyo alanda, balalya elo balashapo na fimo.''' ⁴⁴ Eico umubomfi wakwe apekanishishe bena; balilile, elo no kusha fimo na fishala, nga filya fine icebo cakwa Yahweh calaile.