¹ Nomba mumwaka wakulenga ikumi limo nacine konse konse wakwa Jehoshaphat imfumu yaba Yuda, Joram umwana mwaume wakwa Ahabu atampile ukuteka Israeli mu Samaria; atekele imyaka ikumi limo nafibili. ² Ena acitile icabipa mu menso yakwa Yahweh, lelo tacali ngecacitile wishi na nyina; pantu afumishi icilibwe icashila icaimikwe icakwa Baali ico wishi apangile. ³ Nakucilisha alambatile kumembu Jeroboam umwana mwaume wakwa Nebat, uyo uwalengele Israeli ukubembuka; ena tafumuneko kuli shena . ⁴ Nomba Mesha imfumu yakwa Moab aliteka impanga. Ali nokupela kumfumu yakwa Israeli impanga 100,000 elo nesha masaka 100,000 ishikulu impanga. ⁵ Lelo panuma Ahab afwa, imfumu yakwa Moab yapondokela imfumu yakwa Israeli. ⁶ Eico imfumu Joram yafumine ku Samaria panshita ilya kukulonganika Israeli onse kunkondo. ⁷ Ena alitumine kuli Johoshaphat imfumu yaba Yuda, alandile, ''Imfumu yakwa Moab naipondokela nebo. Bushe kuti waya nandi ku Moabkukulwa?'' Johoshaphat ayaswike, ''Nebo nkaya. Naba ngafintu waba, abantu bandi bobe, nabakabalwe bandi nabakabalwe bobe.'' ⁸ Eluntu ena alandile, ''Bushe ninshilanshi twingasanshilamo?'' Johoshaphat alyasukile, ''Ninshila yakumatololo iyaku Edom.'' ⁹ Eico imfumu yakwa Israeli yaile nemfumu yaba Yuda elo nemfumu yaku Edom. Bafwaile fwaile nokushinguluka inshiku cine lubali, elo takwali amenshi yabashilika nangula ayafinama ifyo fyaile nabo. ¹⁰ Eico imfumu ya Israeli yalandile, ''Findo ifi? Ninshi Yahweh aitile imfumu shitatu kukushipela mumaboko yabena Moab?'' ¹¹ Nomba Johoshaphat alandile, ''Tamuli muno umo kasesema wakwa Yahweh, uyo fwebo twingepusha Yahweh ukupitila muli ena?'' Umo umubomfi wamfumu yakwa Israeli alyasukile nokulanda, ''Elisha umwana mwaume wakwa Shafati epo ali, uwaitile amenshi pamaboko yakwa Elijah.'' ¹² Johoshaphat alandile ati, ''Icebo cakwa Yahweh cili naine.'' Eico imfumu yakwa Israeli, Jehoshaphat, elo nemfumu yakwa Edom batentemukile kuli ine. ¹³ Elisha alandile ku mfumu yakwa Israeli, ''Findo nebo nkocita kuli webo? Kabiye kuli bakasesema baba wiso na banoko.'' Eico imfumu yakwa Israeli yalandile kuli nebo, ''Iyo, pantu Yahweh alitile imfumu shitatu kuku shipela shena muminwe yakwa Moab.'' ¹⁴ Elisha alyaukile, ''Pa mweo wakwa Yahweh wamilalo, uyo nebo njiminina kucinso cakwe, nganebo ntacindikile ukubapo kwakwa Jehoshaphat imfumu yaba Yuda, nebo ngatambikile amano kuli webo, nangula ukukubona webo.'' ¹⁵ Lelo nomba ndeteleniko kemba. ''Elo caishilekuba uluntu kalisha wesese alishishe, ukuboko kwakwa Yahweh kwaishile pali Elisha. ¹⁶ Ena alilandile, ''Yahweh alanda ici, 'Cita iyi mipokapoka yamilonga uwauma ukwisulamo nefilindi fikalamba.' ¹⁷ Pantu Yahweh alanda ici, 'Webo tawakabone mwela, kabili tawakabone imfula, lelo uyu umupokapoka wamulonga ukesushiwamo namenshi, elo webo ukanwa, webo elo nefitekwa fyobe nashonse inama shobe.' ¹⁸ Ici cintu cayanguka mumenso yakwa Yahweh. Ena kabili akakupela webo ukucimfya pabena Moab. ¹⁹ Webo ukonaula onse umusumba uwacingililwa elo naonse umusumba uwabune, ukuputaula onse umutali uwabune, ukukanya tonse utumfukumfuku twamenshi, elo nokonaula incende yonse iyabune kumabwe.'' ²⁰ Eico mulucelo panshita yakupela ilambo, kwafumine amenshi kulubali lwaku Edom; necalo caliswilemo na menshi. ²¹ Nomba uluntu bonse abena Moab baumfwile ukuti ishamfumu shaishile kukulwa nabena, baikolonganike capamo, nabonse abo abalefwala ilamba, elo baimanine pamupaka. ²² Bena balishibukile lucelo celo elo nakasuba kasanikile pakasuba. Uluntu abena Moabbabwene kulubali lwabo amenshi yalikuboneka ayakukashika ngo mulopa. ²³ Balipundile, ''Uyu mulopa! ishamfumu shifwile shiyonaule, elo abena baliipeye umo na umo! Eico nomba, Moab, natuleya tubatape!'' ²⁴ Uluntu baishile kumkambi yakwa Israeli, Israeli alimine nokusansa abena Moab, abafulumwike pacinso cabo. Abashilika bakwa Israeli bafulumwine abena Moab, nokubepaya. ²⁵ Balyonawile imisumba, elo napacilime conse icabune umuntu onse aliposelepo ilibwe mpaka ponse paisula. Bena balicilikile utumfukumfuku twamenshi tonse elo balitemene ifimuti fyonse ifyabune. Kir Hareseth eka ewashele namabwe yakwe muncende. Lelo abashilika bafisukushilo baliushingulukile elo noku usansa. ²⁶ Uluntu imfumu Mesha iyaku Moab yamwene ukuti ubulwi bwalushika, basendele abaume abalwila kumapanga imyanda cine lubali ukuti ipulinkanye kumfumu yaku Edom, lelo balifililwe. ²⁷ Uluntu abulile umwana mwaume wakwe ibeli, uwali nokuteka panuma yakwe, elo nokumupela ngecabupe cakoca pacibumba. Eico kwali ukukalipa ukukalamba ku Israeli; elo abashilika bakwa Isralei bashile imfumu Mesha nokubwelela kucalo cabo.