¹ Nomba Naamani, umukalamba wa fita fyankondo ifya mfumu yabena Aramu, ali nimpalume elo muntu uwakucindikwa mufita fyonse kuli shikulu wakwe. Pantu muli ena Yaweh emo apa Aramu kukucimfya. Nakambi ena ali uwakukosa, umuntu wakutalila , lelo ali uwafibashi. ² Abena Aramu balile mukusansa icalo cabena israeli. Ena alikubombela muka Naamani. ³ Umukashana alandile kuli nakulu wakwe, ''nga cakuti shikulu wandi bali nakasesema uyo uuli mu Samaria! Eluntu ena engesakundapa shikulu wandi ku bulwele bwafibashi. ⁴ ''Eico Naamani ailekwingila mukati nokwebe mfumu pafyo umukashana umwaice uwafumine ku calo ca bena Israeli alandile. ⁵ Eico imfumu yabena Araamu yaishilekulanda ati, ''Kabiye nomba ndeisakutuma kalata kufuma yabena Israeli.'' Namaani aliine no kupiita amatalanta ya silifa ikumi limo. ⁶ Nakabili alishilekusenda kalata kumfumu yabena Israeli iyo iyalikulandda ati, ''Nomba uluntu uyu kalata waletwa kuli webo. Ubone ukuti natuma Naamani umubomfi wandi kuli webo, pakuti webo webo kuti wamundapa kubulwele bwa fibashi.'' ⁷ Uluntu imfumu yabena Isreali yaishilekubelenga kalata, yalilepawile ififwalo fyaiko nokwisakulanda ati, ''Bushe ninebo Lesa, kukwipaya nokulenga ube nomweo, pakuti uyu muntu afwaye nebo ukuposha umutima uwafibashi? Caboneke ukubati alefwaya ukutampa ukulaka na nebo.'' ⁸ Eico uluntu Elisha umuntu wakwa Lesa uwaumfwile ukuti imfumu yabena Israeli ililepawile ififwalo fyaiko, ena alishilekutuma amashiwi ku mfumu nokwisakulanda ati, ''Nindo walepawila ififwalo fyobe? Lekeni nebo nomba esekuli nebo, elo akesakwishiba ukuti mwaliba kasesema mu Israeli.'' ⁹ Eico Naamani aishilekwisa nabakabalwe bakwe elo na amaceleta yakwe nokwisakutalama pa mwenshi wa ng'anda yakwa Elisha. ¹⁰ Elisha aishilekutuma intumi kuli ena , nokwisakulanda ati, ''Kabiye elo nokuyakusamba wemwine mumumana wa Yodani imiku cine lubali, elo umubili obe walaisakubweseshiwa, walaisakusanguluka.'' ¹¹ Lelo Naamani alifulilwe elo aishilekufumapo elo nokwisakulanda ati, ''Boneni, nebo nacilatontonkanya ukuti ena cinefye ena alaisakutalama kuli nebo elo nokwisakukuta peshina lyakwa Yaweh Lesa wakwe, elo nokwisakutambika ukuboko kwakwe pancende apali ubulwele nokuposha ifibashi fyandi. ¹² Bushe tali Abarna elo na pharpa, imimana yaku Damasike, yawamishapo ukucila amenshi yonse ayamu Israeli? Bushe tekuti nebo nsambemo nokusanguluka ?'' Eico ena alishilekupilibuka elo nokubwelelamo icipyu. ¹³ Eluntu ababomfi bakwa Naamani bishilekwisa mupepi elo baishilekulanda kuli ena ati, ''Tata wandi, ngacakuti kasesema amikonkomesha mwebo ukucita ifintu fimo ifyakukosa, bushe mwebo ekuti muficite? nindo ingacilapo, nomba ena alanda kuli mwebo ati , 'Kasambe wemwine nokuba uwakusanguluka'?'' ¹⁴ Eluntu aishilekutentemukilako nokuyakusamba umwine imiku cine lubali mumumana wa Yodani, ukumfwila amashiwi yakwa Lesa. Umubili wakwe wali bweseshiwe nakambi nga umubili uwamwana umunono, elo ena alipolele. ¹⁵ Naamani alishilekubwekela ku muntu wakwa Lesa , ena ne bumba lyakwe lyonse, elo aishile nokwisakutalama ku cinso cakwe. Ena alandile ati, ''Boneni, nomba nebo ukuti takwaba Lesa umbi mwisonde lyonse kanofye mu Israeli. Eico napapata pokeni icabupe icakufuma kumubomfi wenu.'' ¹⁶ Lelo Elisha alyasukile ati, ''Ngefyo Yaweh wa mweo uo ntalamina kuntanshi, nebo nshakesekupoka nangu cimo.'' Naamani akonkomeshe Elisha ukupoka icabupe, lelo ena alikene. ¹⁷ Eico Naamani aishilekulanda ati, ''nga teifyo, nomba naipusha mwebo kukuleka kube ukupela kumubomfi wenu umushili uyo imfalashi shibili shingapiita pantu ukufuma lelo nokutwalilila, umubomfi wenu akalapela nangu ca bupe cakoca nangu amalambo ku mulungu uuli onse lelo kuli Yaweh. ¹⁸ Muli ici cintu lekeni Yaweh abelele umubomfi wakwe uluse ulwakuti , uluntu imfumu yandi yaisakuya mu ng'anda yakwa Rimmoni, uluntu nebo nemwine nafukama mu ng'anda yakwa Rimmoni, lekeni Yaweh abelele umubomfi wakwe uluse muli uyu mulandu.'' ¹⁹ Elisha aishilekulanda kuli nebo ati, ''Kabiye umutende.''Eico Naamani aliile. ²⁰ Ena aishilekwendafye intamfu iyakuinga, uluntu Gehasi umubomfi wakwa Elisha umuntu wakwa Lesa aishilekulanda umwine ati, ''Boneni, shikulu wandi alekelelako uyu Naamani umwina Aramu pakupokako ku minwe yakwe ico ena aletele. Nga Yaweh wa mweo, nalabutuka panuma yakwe no kupokako ifintu fimo ukufuma kuli ena. ²¹ Eico Gehasi aishilekukonka Naamani panuma. Uluntu Naamani abwene umo alebutuka panuma yakwe kukumukumanya elo aishilekumwipusha ati, ''Bushe ifintu fyonse fili bwino?'' ²² Gehasi aishilekumwasuka ati, ''Fyonse filifye bwino. Shikulu wandi alintumine kuli webo, alanda ati, 'Bona, nomba kuli nebo kwaaisa abalumendo babili ukufuma mu fyalo fyakumpili ifyabena Efulemu abana baume babwina kasesema. Napapata bapeleko amatalantaya silifere elo nefifwalo fyakucinja fibili.''' ²³ Naamani ayasukile ati, ''Nebo cakusansamusha kukupela amatalanta yabili.'' Naamani alikoseleshe Gehasi elo nokwisakukaka amatalanta ya silifele yabili mumasaka yabili ayafyakufwala fyakucinja, nokwisakuyapela pababomfi babili, abo abapitile amasaka ya silifele pantanshi yakwa Gehasi. ²⁴ Uluntu Gehasi aishilekufika kulupili, alishilekupoka imifuko ya silifele ukufuma mu minwe yabo nokwisakuifisa mung'anda yakwe; aishilekweba abantu ukubwekelamo , elo bena balile. ²⁵ Uluntu Gehasi ailekwingila mukati nokutalama mumulola wakwa shikulu wakwe , Elisha aishilekulanda kuliye ati, ''Bushe wafuma kwisa, Gehasi? '' Ena aishilekwasuka ati, ''Umubomfi wenu telepo nangu kumo.'' ²⁶ Elisha aishilekulanda kuli Gehasi ati, ''Bushe umupashi wandi tawaciba nobe uluntu umuntu acisakupilibula iceleta lyakwe kukukumanya? Bushe ini ninshita yakusumina ukupoke indalama nangu ifyakufwala, amabala ya miolife elo namabala ya myangashi, impaanga ne ngómbe, elo nababomfi abaume elo nababomfi abanakashi? ²⁷ Eico ifibashi fyakwa Naamani fyaishilekuba pali webo elo napabana bobe umuyayaya.''Eico Gehesi aishilekufuma pacinso cakwe, uwafibashi uwakubuta tuutu kubati nimfula yakubuta.