¹ Eico imfumu yaishile inkombe aba abalikukolongana kuli ye abakulu bonse aba mu Yuda elo na ba mu Yerusalemu. ² Eluntu imfumu yaishile kuya ku ng'anda ya yakwa yahweh, na baume bonse abakwa Yuda na bantu bonse abamu Yerusalemu bali nayo, elo bashimapepo, bakasesema, elo na bantu bonsefye, ukufuma ku baice ukufika ku bakalamba. Eluntu ya belenga mu matwi yabo amashiwi yonse ayay mucitabo ca cipangano ico casangilwe mu ng'anda yakwa Yahweh. ³ Imfumu yali taleme mupepi no luceshi elo ya cita icipangano ku cinso cakwa Yahweh, ku kendwa panuma yakwa Yahweh no kubaka amafunde yakwe, ifipope fyakwe, elo na mafunde yakwe, ku mutima wakwe onse elo na mashiw ya cipangano ici ayo ayaelembelwe muli ci citabo. Eico abantu bonse balisumine ku kulakwenda ne cipangano. ⁴ Imfumu yaishile ku konkomesha Hilkia shimapepo mukalamba, na bashimapepo bali kumukonkapo ena, na bakalinda wa mwinshi ku kufumya mwitempele lyakwa Yahweh ifipe fyonse bapangile Baali elo na Asheral, ne ntanda shonse sha mu mulu. Ena alifyocele fyena kunse ya Yerusalemu mu mabala aya mupokamupoka wa Kidroni no kupiita imito ku Betele. ⁵ Ena aishile kutamfya bashimapepo babufi abo ishamfumu shaku Yuda sha sontele ukula kufutumwina pa ncende sha pamulu mu misumba ya muli Yuda elo na mu ncende sha shingulwike Yerusalemu-abo abalikocela Baali ububani, ku kasuba elo na ku mwenshi, kufya mu mulu, na ku ntanda shonse shamu mulu. ⁶ Ena alifumishe icimuti caimikwa mu ng'anda yakwa Yahweh, kunse ya Yerusalemu no kucitwala ku mupokapoka wa kidroni no kucocela kulya. Ali cishoanawile ukufika ku mito elo aposele ilya mito mu nshishi sha bantu yawe yawe. ⁷ Ena aishile konaula imiputule ya bacilende abaume abo abali mwitempele lyakwa Yahweh, umo abanakashi balikupikwila insalu shakwa Ashera. ⁸ Yosia aishile kufumya bashimapepo bonse mu misumba yakwa Yuda no konaula ififulo fyakupepelapo uko bashimapepo balikocela ububani, ukutula ku Geba ukufika ku Beresheba. Ena alyo nawile incende ishikankala isha mpongolo isho ishali pa mwinshi wa mpongolo wakwa Yoshua (umusumba wakwa kateka mukalamba), iyabelele ku kukuso pampongolo ya musumba. ⁹ Nangula bashimapepo bapafifulo fyakupepelapo tabali kubombako pa cipailo cakwa Yahweh mu Yerusalemu, bena balikulyako umukate uutatutumuka pamo na bamunyina. ¹⁰ Yosia alyonawile Tofete, uwali mu mupokamupoka wakwa Ben Hinomu, pakuti nangula umo elenga umwana mwaume nangula umwana mwanakashi ku kukana kupita mukocewa kumulilo nge lambo kuli Moleke. ¹¹ Ena alifumishe bakabalwe abo imfumu shakwa Yuda shapele ku kasuba. Bali palukungu lwa pa mwinshi we tempele lyakwa Yahweh, mupepi no muputule wakwa na Natani-Meleki, cilolo. Yosia alyocele bakabalwe bakasuba. ¹² Yosia imfumu yalynawile amalambo ifyo ifyali pamuputule wa pamulu wakwa Ahasi, ifyo imfumu sha Yuda shapangile, elo na malambo ayo Manase apangile mu mansa shibili ishe tempele lyakwa Yahweh. Yosia alifishonawile mutupimfya no kufiposa fyena mu mupokamupoka wa Kidroni. ¹³ Imfumu yalyonawile ififulo fyakupepelamo ifya lubali lwa kukabanga mu Yerusalemu, na kukulyo kwa lupili ulo imfumu ya Israeli Solomoni imfumu ya kulileni Ashitoreti, ne ca muselu ca bena Sidone; na Kemoshe, uwali ca muselu ca bena Moabu, na Moleki, ica muselu ca bantu bakwa Ammoni. ¹⁴ Ena alitobele ne caimikwa ca mabwe mutupimfya no kuputula ifimuti fyaimikwe ifya Ashera elo ena aliswishe isho ncende na mafupa ya bantu. ¹⁵ Yosia kabili alipwililishe ukonaula amabulambo ayali mu Betele na mufifulo fyakupepelamo ifyo Yeroboamu umwana mwaume wakwa Nebati (uwalengele Israeli ukubembuka) ayo akulile. Ena kabili alyocele ubulambo bulya ne ncende ishikankala no kushonaula ukufika ku mito. Ena kabili aishile koca ifimuti fya kwimikwa fyakwa Ashera. ¹⁶ Ulo Yosia alolesha, ena abona inshishi isho ishali lubali lwa tuplili. Ena epakutuma abaume ukuya kubula amafupa mu nshishi; eluntu ena ayocele pa cipailo, ici cali uukulingana na masiwi yakwa Yahweh ayo umuntu wakwa Lesa abilikishe, u,umtu uwa bilishe ifi fintu. ¹⁷ Eluntu ena aishile kulanda ati, ''Nga ilibwe lilya nkobon lyando?'' Abaume bamu musumba basihile kumweba ati, ''Ilya ni nshishi ya muntu wakwa Lesa uwafumine ku Yuda no kubilikisha palwa ifi fintu ifyo webo wa cita ku bulambo bwa ku Betele.'' ¹⁸ Nomba Yosia aishile kulanda at, ''Lekeni cibe ceka. mwileka umuntu nangu umo ukusunkanya amafupa.'' Efyo balekele amafupa yakwe yeka, pamopene na mafupa yakwa kasesema uyo uwafumine ku Samaria ¹⁹ Eluntu Yosia afumishepo amayanda yonse ayapafifulo fyakupepelamo ayo ayali mumisumba ya Samaria, ayo imfumu ya Israeli yakulile, elo ayaishile kulenga Yahweh ukufulwa. Ena acitile kuli fyena ifyacitikile pa Betele. ²⁰ Ena aishile kwi paya bashimapepo bonse abapafifulo fya kupepelapo abali pa mabulambo elo ena aishile koca na mafupa ya bantu pali bo. Eluntu ena abwelele ku Yerusalemu. ²¹ Eluntu imfumu yaishile kukonkomesha abantu bonse, ati ''Sefyeni icakucilila kuli Yahweh Lesa wenu, ngefyo calembwa muli ici citabo ca cipangano.'' ²² Ukusefya kwa musango uyu ukwa kucilila takwatalile ukucitika mu nshiku shabapingushi abalikutungulula Israeli, nangula munshiku shonse ishamfumu shakwa Israeli nangula Yuda. ²³ Nomba mu mwaka wa kulenga ikumi na cine konse konse uwa mfumu Yosia ici icakucilila cakwa Yahweh balisefyeshe mu Yerusalemu. ²⁴ Yosia kabili alisjile kulofya abo abalikulanda ku bafwa nangula kumipashi. Ena kabili alilofeshe imilungu, utulubi, na fyonse ifya bunani ifyo fyali kuboneka mu calo ca Yuda na Yerusalemu, pakuti afikilishe icebo ico calembelwe mu citabo ico Hilkia shimapepo asangile mu ng'anda yakwa Yahweh. ²⁵ Libe Yosia talabako, takwatalile ukuba imfumu nga ena, uwa bwelele kuli Yahweh no mutima wakwe onse, umweo wakwwe onse, elo na maka yakwe yonse, uwali kukonka amafunde yakwa Mose yonse. Kabili takwatala ukuba imfumu nga Yosia iyaima panuma yakwe. ²⁶ Nangula cali ifi, Yahweh tafumine ku kukalipwa kuntu akalipwe, ukwaile pali Yuda pamulandu wafyo Manase acitile ku kukalifya ena. ²⁷ Lelo Yahweh aishile kulanda ati, ''Nebo na kufumya Yuda ku cinso candi, ngefyo na fumishe Israeli, elo nkauposa uyu musumba uyo nebo nasalile, Yerusalemu, ne ng'anda iyo nebo nalandile ati, 'Ishina lyandi lyakwikalamo.''' ²⁸ Ne milandu imbi pwala kwa Yosia, fyonse ifyo acitile, bushe tafyalembwa mu citabo ca milandu ya shamfumu shamu Yuda? ²⁹ Munshiku shakwe, Farao Neko, imfumu ya Egypto, yaishile kuya mukulwa ne mfumu ya ku Asiria pa mumana wa Yufrate. Imfumu Yosia yaishile kuya ku kumukumanya Neko mu bulwi, na Neko alimwipeye pa Megido. ³⁰ Aba bomfi bakwa Yosia baishile kumupita uwa kufwa muceleta ukufuma ku Megido, bamutwele ku Yerusalemu, no kumushika ena mu nshishi Yakwe. Eluntu abantu bamu calo baishile kubula Yehoahasi umwana mwaume wakwa Yosia, balimusubile ena no kumucita imfumu mwi punda lyakwa wishi. ³¹ Yehoahasi ali ne myaka amakumi yabili na itatu uluntu atampile ukuteka, elo ena atekele imyeshi itatu mu Yerusalemu. Ishina lyaku banyina lyali ni Hamutali; ali mwana mwanakashi wakwa Yeremia uwa ku Libna. ³² Yeoahasi alicitile ifya kubipa mu menso yakwa Yahweh, nge fintu fyonse ifyo ifikolwe fyakwa fyalikucita. ³³ Farao Neko alimubikile mu cifungo mu Ribla mu calo ca Hamata, pakutila ena eetaka mu Yerusalemu. Eluntu Neko apingwile Yuda amaatalanta umwanda umo ayaku silfere ne talanta ilya golide. ³⁴ Farao Neko alicitile Eliakimu umwana mwaume wakwa Yosia imfumu ukumupyanika pali Yosia wishi, no kwalula ishina lyakwe ukuba Yehoyakimu. Nomba ena alipiitile Yehoahasi ku Egypto,na Yehoahasi afwilile kulya. ³⁵ Yehoyakimu alipeele sifere na golide kuli Farao. pakuti enga kumanisha Farao, Yehoyakimu asonkeshe icalo ena alipatikishe umuntu mu bantu ba mucalo ukumulipila ena silfere na golide ukulingana ne cipimo cabo. ³⁶ Yehoyakimu ali ne myaka amakumi yabili na isano uluntu ena atampile ukuteka, elo ena atekelefye imyaka ikumi limo naumo mu Yerusalemu. Ishina lyakwa nyina lyali ni Zebida; ena ali mwana mwana mwanakashi wakwa Pedaiya uwaku Ruma. ³⁷ Yehoyakimu alicitile ifyabipa mu menso yakwa Yahweh, ngefyo ifikolwe fyakwe fya citile.