¹ Munshiku shakwa Yehoyakimu, Nebukatinesari imfumu ya ku Babiloni alisanshile Yuda; na Yehoyakimu aishile kuba umubomfi pa myaka itatu. ² Yahweh aishile kutuma ifita kuli Yehoyakimu ifya bena Kaldi, abena Aramu, abena Moabu, elo na bena Amore; ena aishile kufituma no kuya kulwisha icalo ca Yuda no kuconaula. Ici cali kufikilisha iceba Yahweh alandile kubabomfi bakwe bakasesema. ³ Niku cebo cakwa Yahweh eko ici cacitikile Yuda, ku kumufumya ku cinso cakwe, pamulandu wa membu shakwa Manase, fyonse ifyo alikucita, ⁴ na pamulandu wa bakele alikusumya, pantu ena aiswishe umulopa wakaele mu Yerusalemu. Yahweh tasumine ukumubelela uluse. ⁵ Na pamilandu iyakwa Yehoyakimu, elo na fyonse ifyo ena alikucita, bushe tayalembwa mu citabo ca milandu ya shamfumu sha mu Yuda? ⁶ Yehoyakimu aleele ne fikolwe fyakwe, elo Yehoiakin umwana mwaume wakwe ewaishile kuba imfumu mwi punda lyakwa wishi. ⁷ Imfumu ya ku Egypto tayakonkenyepo ukusansa ukufuma mu calo caiko, pantu imfumu ya Babiloni yal pokele incende shonse isho ishali kutekwa na Egypto, ukutula ku mumana wa Egypto ukwisa kufika ku mumana wa Ufrate. ⁸ Yehoyakini ali ne myaka ikumi na cinekonsekonse uluntu ena atampile ukuteka; ena atekele mu Yerusalemu imyenshi itatu. Ishina lyakwa nyina ni Nehushita; ena ali mwana mwanakashi wakwa Elnatani uwa ku Yerusalemu. ⁹ Ena alikucita ifyabubi mu menso yakwa Yahweh; alikucita fyonse ifyo wishi alikucita. ¹⁰ Panshita ilya abashilika bakwa Nebukatinesari imfumu yaku Babiloni basanshile Yerusalemu no kushinguluka umusumba. ¹¹ Nebukatinesari imfumu yaku Babiloni aishile kumusumba ninshi abashilika bakwe bali ushingulwike, ¹² na Yehoakini imfumu yakwa Yuda aile ku mfumu yaku Babiloni, ena na nyina, ababomfi bakwe, na banakashi bakwe, na bacilolo bakwe, imfumu ya Babiloni yali mwikatete ena mu mwaka wa lenga cine konse konse uwakuteka kwakwe. ¹³ Nebukatinesari iahsile kupiita ifyuma ukufuma mulya fyonse ifyakuluma umutengo ukufuma mu ng'anda yakwa Yahweh, nefya mu ng'anda ya mfumu. Ena aliputawile ifipe fyonse ifya golide ifyo Solomoni imfumu yakwa Israeli apangile mwi tempele lyakwa Yahweh, ifyo Yahweh alandile ukucitita. ¹⁴ Ena alipiitle muli bunkole Yerusalemu yonse, bacilolo bonse, na baume bonse abankondo, amakana ikumi limo banole, elo bonse bakabasa na bakafula wafyela. Takwashele nangula umo kano abantu abalanda mu calo. ¹⁵ Nebikatinesari apiitile Yeoakini muli bunkole ku Babiloni, na nyina wa mfumu muli bunkole, na bakashi, bacilolo, na bakanabesa bamu calo. Ena alibapiitile muli bunkole ukufuma ku Yerusalemu ukuya ku Babiloni. ¹⁶ Bonse abaume bankondo, amakana cine lubali elo akana lmo abakabasa na bakufula wa fyela, aba bonse balingile ukulwa inkondo-imfumu yamu Babiloni yalibaletele aba bantu muli bunkole ku babiloni. ¹⁷ Imfumu ya ku Babiloni yacitile Matania, Yehoakini munyina wakwa wishi, ukuba imfumu mu cifulo cakwe, no kupilibula ishina lwakwe ukuba Sedekia. ¹⁸ Sedekia ali ne myaka amakumi yabili naumo uluntu ena atampile ukuteka; ena alitekele imyaka ikumi naumo mu Yerusalemu. Ishina lyakwa nyina ni Hamutali; ena ali mwana mwanakashi wakwa Yeremia ukufma ku Libna. ¹⁹ Ena alikucita ifya bubi mu menso yakwa Yahweh; ena alikucita fyonse ifyo Yehoiakini alikucita. ²⁰ Pamulandu wa bukali bwakwa Yahweh, ifi fyonse fyacitikile mu Yersalemu na mu Yuda, mpaka abatamfishe bena ukufma ku cinso cakwe. Eluntu Sedekia apondokele imfumu yaku Babiloni.