¹ Yosaya ali ne myaka yakufyalwa cine konse konse uluntu atampile ukuteka; ena atekele imyaka amakumi yatatu na umo mu Yerusalemu. Ishina lyakwa nyina ni Yedida (ali mwana mwanakashi wakwa Adaya uwa mu bena Bosikati). ² Ena acitile ifyakulungama mu mesno yakwa Yahweh. Ena alyendele mu nshila shonse isha kwa Davidi icikolwe cakwe, elo ena tayalukile ku kulyo nangu kukuso ukufumamo. ³ Caishile kuba ukuti mu mwaka wakulenga ikumi limo na cine konse konse lya mfumu Yosaya, ena aishile kutuma umwana mwaume wakwa Meshulamu, kalemba, ku ng'anda yakwa Yahweh, ukweba ati, ⁴ ''Kabiye unine kuli Hilukia shimapepo mukulu elo umwebe apende indalama isho ishaletelwe mu ng'anda yakwa Yahweh, isho bamalonda we tempele balongenye ukufuma mu bantu. ⁵ Lekeni shipelwe mu maboko ya baume bamilimo abali bakangalila mu ng'anda yakwa Yahweh, elo lekeni bena bashipele ku baume bamilimo abali mu ng'anda yakwa Yahweh, pakuti bena balekuwamishamo ifikoonaika mwi tempele. ⁶ Lekeni bena bapele indalama kuli bakapala wambao, kuli bakakula, elo na kubaishiba ukukulila na mabwe, elo kabili ukushitamo imbao no kuputwishamo amabwe yakuwamisha itempele.'' ⁷ Nomba takwali kubepusha pandalama isho ishapelwe kuli bo ifyo shalikubomba, pamulandu bena bali shibomfeshe mucishinka. ⁸ Hilukia shimapepo mukulu aishile kuli Shafani kalemba, ''Nebo ndisangile icitabo ca mafunde mu ng'anda yakwa Yahweh.'' Eico Hilukia aishile kupela icitabo kuli Shafani na ye alicibelengelemo. ⁹ Shafani alile no kupita icitabo ukutwala ku mfumu, elo nakabili walitubulwile ku mfumu, ukweba ati, ''Ababomfi bobe ba lyonawiel indalama isho ishalekusangwa mwi temepele nabo balishipele mu kuboko kwa bantu balebombako mukulokesha kwa kusakamana pa ng'anda yakwa Yahweh.'' ¹⁰ Eluntu Shefani kalemba aishile kulanda ku mfumu ati, ''Shimapepo Hilukia alipele nebo icitabo.'' Eluntu Shefani aishile kubelenga ku mfumu. ¹¹ Caishile palwa kuti uluntu imfumu yaumfwile amshiwi ya mwi funde, yaishile kulepula ififwalo fyaiko. ¹² Imfumu yaishile kukonkomesha shimapepo Hilukia, Ahikamu umwana mwaume wakwa Shefani, Akibore umwana mwaume wakwa Mikaya, Shafani kalemba, na Asaya, umubomfi wakwe, aishile kulanda ati, ¹³ ''Kabiye elo unjipushisheko kuli Yahweh pali nebo, elo napa bantu na pali bonse abena Yuda, pamulandu wa mashiwi ya ici citabo ico icisangilwe. Pantu ubukali bwakwa Yahweh bulikulile ubo ubukobilima pali fwebo pamulandu wafikolwe fyesu tafyalikumfwa ku mashiwi ya muli ici citabo pakuti tumfwe fyonse ifyo ifyalembelwe pa lubali lwesu.'' ¹⁴ Eico Hilukia shimapepo, Ahikamu, Akibore, Shafani, elo na Asaya baishile kuya Huida kasesema mwanakashi, umukashi wakwa Shalumu umwana mwaume wakwa Tikiba umwana mwaume wakwa Hahasi, kasunga wafifwalo (ena alikwikala mu Yerusalemu mu citungi ca bubili), na bena baishile kulanda kuli ena. ¹⁵ Kasesema mwanakashi aishile kulanda kuli bo ati, ''Ici eco Yahweh, Lesa wakwa Israeli, alanda ati: 'Kebe umuntu uukutumine webo kuli nebo, ¹⁶ ''Ifi efyo Yahweh alands: 'Bona, nebo nkoleta ubonaushi kuli ici calo na kubaiklamo, ukulingana ne fintu fyonse ifyalembwa mu citabo ico imfumu ya bena Yuda yalikubelengamo. ¹⁷ Pantu balinshile nebo elo balekocela tu lesa tumbi ulubani, pakuti bena bansokomone nebo kubakali ne micitile yonse iyo bena bacitile-eico ubukali bwandi bwalekubilimukila pali ici calo, elo tabwakapwe.''' ¹⁸ Lelo ku mfumu ya bena Yuda, uyo uwatumine webo ukwipusha ubufwayo bwakwa Yahweh, ifi efyo ukalande kuli ye: ''Yahweh, Lesa wakwa Israeli alanda ici ati: 'Palwa mashiwi ayo webo umfwile, ¹⁹ pamulandu wakunakilila kwa mutima obe, na pamulandu webo wali icefeshe we mwine pacinso cakwa Yahweh, uluntu webo waumfwa ifyo nebo nalikulanda pali iyi ncende na bantu baiko, ukuti bali nowisa kuposwa ne citipu, elo pamulandu webo walepla ififwalo fyobe no kulilila pa cinso candi, nebo nkomfwa kuli webo-uku ekulanda kwakwa Yahweh. ²⁰ Bona, nebo ndi no kukutwala ku fikolwe fyobe, elo mukakolonganikwa kunshishi yenu mu mutende. Amenso yobe tayakabone ubonaushi nkoleta pali iyi ncende. Eico umuntu alipitile iyi nkombe ukuibwesesha ku mfumu.