¹ Munshiku shilya Hesekia aishile shile kulwala ulwakufika na kumfwa. Eico Esaya umwana mwaume wakwa Amose, kasesema, aishile kwisa kuli ye, no kulanda kuli ye ati, ''Yahweh alanda ati, 'Bika ing'anda yobe bwino; pantu webo ukofwa, elo tawabe uwa bumi.'' ² Eluntu Hesekia aishile kwalula iinso cakwe ku cibumba no kupepa kuli Yahweh, ukulanda ati, ³ ''Napapata, Yahweh, ibukisheni ifyo umutima wandi wayanda muli bucishinka ku cinso cenu, nefyo nabomba ifya bune ku cinso cenu.'' Eluntu Hesekia aishile kulilisha. ⁴ Ulo Isaya talafuma pakati ka lubansa, ishiwi lyakwa Yahweh lyaishile kwisa kuli ye, ukulanda ati, ⁵ ''Bwekelamo, no kulanda kuli Hesekia, intungulushi ya bantu ati, ''Ifi efyo Yahweh, Lesa wakwa Davidi icikolwe cobe, alanda ati: ''Nebo ndyumfwile ipope lyobe, no ku bona ifilamba fyobe. Nebo nkokuposha mu nshiku shitatu, elo no kuya ku ng'anda yakwa Yahweh. ⁶ Nebo nkalundako imyaka ikumi limo na isano ku bumi bobe, elo nebo nkakupususha webo na uno musumba ukufuma mu maboko ya mfumu yaku Asiria, elo nebo nkacingilila uno musumba mukukabila kwandi na mukukabila kwa mu bomfi wandi Davidi.''''' ⁷ Eico Esaya aishile kulanda ati, ''Sendani umukama wa munyu.'' Mucimamatike no kubika pa cipute cakwe, elo no kupola akopola. ⁸ Hesekia aishile kulanda kuli Esaya ati, ''Findo fikaba ifishibilo ukuti Yahweh alimposeshe, no kuti nebo nkaya mwi tempele lya kwa Yahweh pabushiku bwakulenga shitatu?'' ⁹ Esaya aishile kwasuka ati, ''Ici ecishibilo icakufuma kuli Yahweh, ukuti Yahweh akacita ifintu ngefyo alandile. Bushe icinshingwa cingaya ku ntanshi imiku ikumi nangu ukubwelela kunuma imiku?'' ¹⁰ Hesekia aishile kwasuka ati, ''Cintu cakwanguka icishingwa ukulola kuntanshi imiku ikumi: Iyo, leka icishingwa ukubwelela kunuma imiku ikumi.'' ¹¹ Eico Esaya kasesema aishile kubilikisha kuli Yahweh elo aishile kubwesha icishingwa kunuma intampulo imiku ikumi, ukufuma palya caishile kwenda pa matabo yakwa Ahasi. ¹² Panshita ilya Merodaki-Baladani umwana mwaume wakwa Baladani imfumu ya Babiloni aishile kutuma bakalata ne cabupe kuli Hesekia, pantu aishile kumfwa ukuti Hesekia alilwele. ¹³ Hesekia aishile kumfwa ku nkalata, elo nomba aishile kulanga inkombe icipango conse ne fintu fyakucindama fyakwe, silfere, golide, ifya cena cabune elo na mafuta ya bune, no mwalekusungilwa ifyanso fyakwe, ifi fyonse fyaishile kusangwa umo fyalekusungilwa. Tamwali icashele mu ng'anda yakwe, nangu mu bufumu bakwe bonse, ifyo Hesekia tabalangle bena. ¹⁴ Eluntu Esaya kasesema aishile kwisa ku mfumu Hesekia no kumwipusha ena ati, ''Findo aba baume bakwebele webo? Bushe ni kwisa bafumine?'' Hesekia aishile kwasuka ati, ''Bafumine ku calo cakutali ica Babiloni.'' ¹⁵ Esaya aishile kupwisha ati, ''Findo bena ba bwene mu ng'anda yobe?'' Hesekia aishile kwasuka ati, ''Bena balibwene fyonse ifyaba mu mg'anda yandi. Tapali nangu cimo pa fintu fyandi ifyakucindama ifyo nebo ntabalangile.'' ¹⁶ Eico Esaya aishile kulanda kuli Hesekia ati, ''Umfwa ku cebo cakwa Yahweh: ¹⁷ 'Bona, inshiku shikoisa uluntu fyonse mu cipango cobe, ifintu fyonse ifikolwe fyobe fyakolonganike akale ukufika pali buno bushiku, fikaya ku Babiloni. Takwakabe icikashala, efyalanda Yahweh. ¹⁸ Abana bamo abakufuma kuli webo bakapokwa ukufuma kuli webo, elo no kwisaba ba muntungwi mu cipangano ca mfumu ca Babiloni.''' ¹⁹ Eluntu Hesekia aishile kulanda kuli Esaya ati, ''Icebo cakwa Yahweh ico webo walanda ca bune.'' Pantu ena alitontonkenye ati, ''Bushe tamwakabe umutende no kucingililwa mu nshiku shandi?'' ²⁰ Nemilandu imbi palwa kwa Hesekia, na pamaka yakwe yonse, ne fyo ena apangile icishima no mufulo, uwakuleta amenshi mu musumba-bushe tafyalembwa mwi buku lya milandu lya shamfumu shaba Yuda? ²¹ Hesekia aishile kulala ukwalala ifikolwe fyakwe, no Manase umwana mwaume wakwe ali imfumu mwi punda lyakwe.