¹ Caishile kuba uluntu imfumu Hisekia yaishile kumfwa ukutubulula kwabo, ena aishile kulepula amalaya yakwe, no kuifimbi umwine eka insamu, elo aishile mu ng'anda yakwa Yahweh. ² Aishile kutuma Eliamu, uwalikwangilila abali mu ng'anda, elo na Shebina kalemba, elo na bakulu baku bashimapepo, bonse baiifimbile ifisamu, kuli Esaya umwana mwaume wakwa Amose, kasesema. ³ Baishile kulanda kuli ye ati, ''Hesekia alanda ati, 'Buno bushiku bushiku bwa macushi, ubwakwe baulwa, elo no kusebanya, pantu tul nga abafika pashinya yakufyalwa, lelo takuli amaka kuli bo iyakufyalwa. ⁴ Limbi kuti Yahweh Lesa obe aisakumfwa amshiwi yonse ayakwa mushika mukulu, ayo imfumu ya bena Asiria shikulu wakwe ayo atumine aya kususha Lesa wa mweo, elo akesa kwebaula amshiwi ayo Yahweh Lesa obe aumfwile. Nomba susula ipepo ukupepelako abashele aba abacili pano.''' ⁵ Eico ababomfi ba mfumu Hesekia baishile kuli Esaya, ⁶ elo Esaya aishile kulanda kuli bo ati, ''Landeni kuli Shikulu wenu: 'Yahweh alanda ati, ''Wikwata umwenso ku mashiwi ayo umfwile, nayo ababomfi ba mfumu ya bena Asiria balikusalula. ⁷ Bona, nebo nkabika umupashi muli e, elo ena akesa kumfwa ukutubulula kumo kumo no kubwekela ku calo ca iko. Nkesa kumulenga ena ukuwa ku lupanga mu calo cakwe.''''' ⁸ Eluntu mushika mukulu aishile kubwelelamo elo no kusanga imfumu ya bena Asiria ikolwa na Libina, pantu alyumfwile ukuti imfumu yalifulumukile ukufuma ku Lakishi. ⁹ Eluntu Senakerubi aishile kumfwa ukuti Tihaka imfumu ya Kushi elo na Egypto ilikolonganikile ku kulwa na ye, eico ena aishile kutuma inkombe nakabili na mashiwi kuli Hesekia: ¹⁰ ''Landa kuli Hesekia imfumu ya bena Yuda ati, 'Wileka Lesa obe uyo usuminemo akubepe ati, ''Yerusalemu takesekupelwa mu kuboko kwa mfumu ya bena Asiria.'' ¹¹ Bona, webo walyumfwa ifyo isha mfumu sha bena Asiria, ifyo shacitile ku fyalo fyonse pa kufyonaula umupwilapo. Bushe webo ukesa ukapokololwa? ¹² Bushe tu lesa twanko tukabapokola bena, inko isho ifikolwe fyandi fyaonawile: Gasani, Harani, Resefu, elo na bantu baku Edeni mu Teli Asari? ¹³ Bushe ilikwisa imfumu ya Hamati, imfumu ya Apadi, imfumu ya misumba ya Sefafaimu, ya Hena, elo na Ifa?''' ¹⁴ Hesekia aishile kupoka iyi nkalata ukufuma ku nkombe elo nokuibelenga. Eluntu aishile kuya ku ng'anda yakwa Yahweh no kuifungulula pa ntanshi yakwe. ¹⁵ Eluntu Hesekia apepele ku cinso cakwa Yahweh elo aishile kulanda ati, ''Yahweh wa milalo, Lesa wakwa Israeli, we waikala pa mulu wakwa Kerubi, ni webo Lesa wekwa mu ma bufumu yonse aya pano sonde walengele imyulu elo ne sonde. ¹⁶ Pepeka ukutwi kobe, Yahweh, elo no kumfwa. Isula amenso yobe, Yahweh, no kubona, elo no kumfwa amashiwi yakwa Senakeribu, ayo atumine mukupunika Lesa wa myeo. ¹⁷ Mucinefye, Yahweh, isha mfumu sha Asiria shilyonawile inko ne fyalo fyabo. ¹⁸ Shena shaliposa tu lesa twabo mu mulilo, pantu twena tatwali tu lesa lelo ku bomba kwa minwe ya bantufye, fimuti elo na mabwefye. Eico abena Adirai babonawile bena. ¹⁹ Eluntu nomba, Yahweh Lesa wesu tupususheni fwebo, nebo na kulombako, ukufuma mu maka yakwe, pakuti ama bufumu ya pano sonde bakakwishibe ukuti ni webo, Yahweh, Lesa weka.'' ²⁰ Eluntu Esaya umwana mwaume wakwa Amose alitumine amashiwi kuli Hesekia, ukulanda ati, ''Yahweh, Lesa wakwa Israeli alanda ati, 'Pantu webo ulpepele kuli nebo palwakwa Senakeribu imfumu ya bena Asiria, nebo ndi kumfwile. ²¹ Aya emashiwi ayo Yahweh alanda palwa ena: ''Umukashana na cisungu uwa mu Sioni alikusulile webo no kukuseka mu kumpunika. Umukashana wa mu Yerusalemu alipukumishe umutwe wakwe pali webo. ²² Bushe ni nani uo utukile elo no kusalula? Pali nani webo wasumbwila ishiwi lyobe elo nokupunamikila amenso yobe mu cilumba? Nipali umo uwamushilo uwakwa Israeli! ²³ Ukupitila mu nkombe shobe walitukile Shikuli, elo aishile kulanda ati, 'Namaceleta yandi ayengi nebo nalimine pa mulu wa mpili, ne mpili shakulepesha isha mu Lebanoni. Nebo nkesa kuwisha ifimuti ifitali ifya keda ne miti iya bune iya mukupuli kulya. Nebo nkengila mu ncende shaiko ishakutali, mu fimuti ifitwalisha. ²⁴ Nebo nalimba ifishima elo no kunwa amenshi ya mu bwine. Nebo inkamya utuimana tonse utwa mu Egypto ku makasa yandi.' ²⁵ Bushe tawaumfwa ifyo nacipekenye akale, elo nalicibombele cena ukufumafye mu shinta yakale? Nomba nebo nkacipwilikisha. Webo ulipano mu kufumyamo imisumba ya malinga ukuba icibolya ca fitantala. ²⁶ Abekashi baiko, abakubula amaka, bafumpuka elo ne nsoni. Bakaba nge fimenwa mpanga, ifyani fyakulelema, icani cakumutenge nangula mu mpanga, ukupya uluntu cena tacilakula. ²⁷ Lelo nebo nalishiba ukwikala kobe, no kufuma kobe, no kwingila kobe, elo nefyo ufwaya ukulwisha nebo. ²⁸ Pantu ukulwisha kobe pali nebo, elo pantu ne misula yobe ilifikile mu matwi yandi, nebo nkesakubika icakulobelako candi mu myona yobe, elo no mukobelo mu kanwa kobe; nebo nkesaku kubwekesha mu nshila iyo waishilemo.'' ²⁹ Ici cikesa kuba icishibilo kuli webo: uno mwakwa mwebo mukesa kulya ifyaimenene, no mwka wa cibili mu kalya ifya kufuma uko. Lelo mu mwaka wakulenga butatu mufwile ukubyala no kusombola, ukubyala imyangashi elo no kulya ifisabo fya fiko. ³⁰ Abakashala mu ng'anda ya bena Yuda ifyo ifikashala nakabili fkesa kukwata imishila no kutwala ifisabo. ³¹ Pantu abakashala ukufuma mu bena Yerusalemu bakesa kufuma, abakapusuka ukufuma mu lupili lwa Sioni bakesa. Ukupimpa kwakwa Yahweh wa milalo akesa kucita ici. ³² Eico Yahweh alanda ifi palya imfumu yaku Asiria: ''Ena takese muli uyu musumba nangula ukuposamo umufwi muno. Nangu ena ukwisa ne nkwela nangu akakule icakuninapo ca pamulu. ³³ Inshila ena aishilemo enshila imoine ena akesakubwekelamo; yena tayakese kwigila mu musumba uyu- uku ekulanda kwa kwa Yahweh.'' ³⁴ Pantu nebo nkacingilila uyu musumba elo no kupususha pantu ni mukukabila kwandi elo namukabila kwa mubomfi wandi Davidi.''' ³⁵ Caishile kwisa ilya ine inshita ya bushiku malaika wakwa Yahweh aishile no kusansa inkambi ya bena Asiria, no kwipaya abashilika 185,000. Uluntu abaume babukile ku macaca, imibili ya fitumbi ilambalele konsekonse. ³⁶ Eico Senakerubi imfumu ya bena Asiria yaishile kusha abena Israeli no kubwelela ku ng'anda no ku yakwikala ku Ninive. ³⁷ Panuma, alikushinshumina mu ng'anda ya Nisroki ka lesa wakwe, abana bakwe abaume Adarameleki na Sharesa bali mwipeye ena ku lupanga. Eluntu bena babutukile mu calo ca Ararati. Eluntu Esahdoni umwana mwaume wakwe ali imfumu mwi punda lyakwe.