¹ Nomba mu mwaka wakulenga itatu iya kwa Hoshea umwana mwaume wakwa Elaya, imfumu ya bena Israeli, Esekiya umwana mwaume wakwa Ahasi, imfumu ya bena Yuda atampile ukuteka. ² Wali ne myaka ya kufyalwa amakumi yabili na isano uluntu atampile ukuteka; alitekele mu Yerusalemu imyaka amakumi yabili na pabula. Ishina lya kwa nyina ni Abiya; ali mwana mwanakashi wakwa Sekaria. ³ Walicitile ifya kulungama mu menso yakwa Yahweh, ukukonkafye muli fyonse ifyo David, icikolwe cakwe cacitile. ⁴ Walifumishe ififulo fya pamulu ifya kupepelamo, walyonawile ifyakwimikwa fya mabwe, no kutema ifimuti fya kuba Ashera. Walitobawile mu tupimfya insokaya mukuba iyo Mose wapangile, pantu muli shi nshiku abena Israeli balekoca ifya cena cabune kuli iyi nsoka; yalekwitwa ati, ''Nehashitani.'' ⁵ Hesekiya watetekele muli Yahweh, Lesa wakwa Israeli, icakuti panuma yakwe yakwali nangu umo uwakulingana na e pa shamfumu shonse isha bena Yuda, nangu nipa mfumu ishamutangilileko. ⁶ Pantu wena waikatilile kuli Yahweh. Talekele ukumukonka lelo alisungule ifipope, ifyo Yahweh wakonkomese Mose. ⁷ Eico Yahweh wali na Hesekiya, noko alekuya konse alekushuka. Walisangukile imfumu yaku Asiria elo talekuibombela. ⁸ Walisanshile aba pelishiti ukufuma naku Gasa ne mipaka iya shingulukako, ukufuma ku lupungu lwa kuba kalindaukufika naku musumba we linga. ⁹ Mu mwaka wakulenga ine iya mfumu Hesekia, uwali emwaka wakulenga cine lubali yakwa Hoshea umwana mwaume wakwa Ela imfumu yabena Israeli, emo Shalimaneseri imfumu ya bena Asiria aishile kulwisha Samariya no ku mushinguluka. ¹⁰ Pakupwa kwa mwaka wakulenga itatu balipokele Samariya, mu mwaka wakulenga mutanda wa mfumu Hesekia, uwali emwaka wakulenga pabula wakwa Hoshea imfumu ya bena Israeli; muli iyi nshila emo Samariya wapokelwe. ¹¹ Eico imfumu ya bena Asiria yatamfishe abena Israeli ku Asiria no ku babika mu Hala, elo kululamba wa mumana wa Gosani, mu misumba ya bena Media. ¹² Walicitile ifi pa mulandu tabaumfwile kwishiwa lya kwa Yahweh Lesa wabo, lelo bena balyonawile ifipe fya cipangano cakwe, fyonse ifyo Mose umubomfi wa kwa Yahweh akonkomeshe. Balikene ukumfwako nangu ukuficita. ¹³ Eluntu mu mwaka wakulenga ikumi limo na ine iya kwa Hesekia, Senakerebu imfumu ya bena Asiria yalisnshile imisumba ya malinga yonse iya bena Yuda no kuipokolola. ¹⁴ Eico Hesekia imfumu ya bena Yuda yalitumine amashiwi ku mfumu ya bena Asiria, iyo iyali ku Lakishi, ukwebati, ''Neb ndikubifishe. Fuma kuli nebo. Consefye ico ukompingula nkocita.'' Imfumu ya bena Asiria yalifwaile kuli Hesekia imfumu ya bena Yuda ukulipila amatalanta ya silfere imyanda itatu na matalanta ya golide amakumi yatatu. ¹⁵ Eico Hesekia walimupele silfere onse uwasangilwe mu ng'anda yakwa Yahweh na mufipao fya kwisano lya mfumu. ¹⁶ Eluntu Hesekia watotobwelel golide ukufuma pa fiibi fya mwi tempele lya kwa Yahweh na ku nceshi isho ena abikilepo; alipele golide ku mfumu ya bena Asiria. ¹⁷ Lelo imfumu ya bena Asiria yalilongenye ibumba lyakwe ilikulu ilya fita, no kutuma Tartani na Rabusarisi elo na mushika mukulu uwafita ukufumaku Lakishi ukuya ku mfumu Hesekia mu Yerusalemu. Balile no kufika kunse ya Yerusalemu. Balipalamine ku mulonga wa cishiba ca pamulu, icali pa nshila ya ku mpanga yakwa kacapa wa nsalu, no ku talama mu mbali yaiko. ¹⁸ Uluntu bakutile ku mfumu Hesekia, uwalekwangalila aba mu ng'anda, na Shebina kalemba, na Yoa umwana mwaume wakwa Asafi, kambula, ebafumine ukuya ku bakumanya. ¹⁹ Eico umukulu wafikta alandile kuli bo ukweba Hesekia ifyo imfumu ikulu, imfumu yabena Asiria, yalanda ati: ''Findo webo ushintililepo? ²⁰ Webo ulandafye amashiwi yaba wele wele, ukwebati kuli amano na maka yakulwa inkondo. Nimulu nani webo wacetekela? ²¹ Bona, webo utetekela mu nkonto ya kwendelako iyetete iya ku Egypto, lelo ngacakuti umuntu washintililapo, kuti yamucena mu minwe yakwe no ku pulinkanya. Ifi efyaba na Farao imfumu ya ku Egypto kuli uyo uutetekela mli yee. ²² Lelo nga mwalanda kuli nebo ati, 'Fwebo twatetekela muli Yahweh Lesa wesu,'bushe tali ee uo Hesekia aonawilile ififulo fyakusubuka ifya ku pepelamo na malambo, elo ewalanda kuli Yuda na Yerusalemu, 'Muli no kushinshimwina pa ntashi ya bulambo mu Yerusalemu'? ²³ Eico nomba, nkofwaya webo upangane na shikulu wandi imfumu ya ku Asiria. Nebo nkokupela amakana yabili aya kubakabalwe, nga cakuti webo ukosanga abakuninapo. ²⁴ Nomba mwebo kuti mwabutuka shani kapitao umo uwapaba bomfi bakwa shikulu wandi abakucepesha? Mwebo mwabika ukucetekela kwenu mu Egypto pa kukwata amaceleta naba kwensha bakabalwe! ²⁵ Bushe nebo nailetelefye ku kulwisha no konaula ino ncende ukwabula Yahweh? Yahweh walilandile kuli nebo, 'Lwisha iyi ncende no kuyonaula.''' ²⁶ Eluntu Elyakimu umwana mwaume wakwa Hilkia na Shebina, na Yoa balandile kuli mushika wafita, '''Twapapata landemi kubabomfi benu mu cilimi caci Aramu, pantu cena tukocumfwa. Mwilekulandila mucilimi cabena Yuda mumatwi yabantu aba abali Pelinga.'' ²⁷ Nomba mushika wafita alibebele ati, Bushe shikulu wandi alintumine kuli shikulwine kabili nakuli mwebo ukwisa kulanda aya mashiwi? Bushe tantumine kubaume abekala pa linga, abo abakesa kulya amatisho yabo nokupapula imisu yabo pamo namwebo bene?'' ²⁸ Eluntu mushika wafita aliminine nokupinda mwishiwi ilikulu mucilimi caci Heere ukweba ati, 'kutikeni kwishiwi lyamfumu iikalamba, imfumu yaku Ashuri. ²⁹ Imfumu yaeba ati, mwileka Hesekia amibepe pantu takakwate amaka yakumipokolola ukumfumya mumaka yandi. ³⁰ Mwileka Hesekia amilenge ukutetekela muli Yawe, ukweba ati, ;; Yahwe cinefye akatupokololako noku umusumba tawakapelwe mumaboko yamfumu yaku Ashuri.'' ³¹ Mwikutika kuli Hesekia, pantu ifi efyo imfumu yaku Ashuri yalanda panga umutende kuli nebo kabili wise kuli nebo.Ninshi lwena onse uwamuli mwebo akale kulya ku myangashi, nokulenwa amenshi amenshi yamu cishima cakwe. ³² Mulekucitefi mpaka nolonkesa kumisenda no kumifwala ku calo icikaba kubati cenu, icalo ica ngano no mwangashi umpya, icalo iacmukate ne myangashi, icalo ica miolife no buci, pakweba ati mukale kwikala ukwabula ukufwa. mwi umfwa kuli Hesekia ulo akoesha ukumipapata ukweba ati, Yawe akatupokololako. ³³ Bushe kwalibapo imilungu yabantu abo ba pokolako ukubafumya mukoboko kwa mfumu yaju Ashuri? ³⁴ Ilikwisa imilungu yakwa Hamati na Aripadi ilikwisa imilungu yakwa Sefwabaimu, Hena na iba Bushe yalipokolola Samaria ukumufumya mukuboko kwandi? ³⁵ Pali yonse imilungu yamu calo bushe palibapo umulungu uli onse uwapokololapo icalo cauko ukufuma mumaka yandi? Nga Yawe kuti apususha shani Yerusalemu mu maka yandi?'' ³⁶ Nomba abantu baikele fye kututu tabaaswikepo, pantu imfumu yalikonkomeshe, ati mwimwasuka! ³⁷ Eluntu Eliakim umwana mwaume wakwa HIlikia uwali kabaka wapa nganda shebina kalemba; na Yoa umwana mwaume wakwa Asafi, kasunga wafyalemba balile kuli Hesekia ne fyaku fwala fyabo kabalepawile nokumufisha amashiwi yakwa Mushika wafita.