¹ Mu mwakwa wakulenga ikumi limo na ibili uwakwa Ahasi imfumu yaba Yuda, emo Hoshea umwana mwaume wakwa Elaya wapelwe ubufumu. Walitekele mu Samariya pali Israeli imyaka pabula. ² Walicitile ububi kumulola wakwa Yahweh, ifitacitilepo imfumu shamu Israeli ishatampileko. ³ Sharimonrseri imfumu yaku Asiria yalimusanshile, elo Hoshea alishile kuba umubomfi wakwe noku muletela ifya misonko. ⁴ Eluntu imfumu yaku Asiria yaishile kwiluka ati Hoshea walikumupangila, pantu Hoshea walitumine inkombe kuli So imfumu yaku Egypto: tatulile ifya misonko kumfumu yaku Asiria ngefyo alekucita cila mwaka. Imfumu yaku Asiria elo yamukakile no kumuposa mu cifungo. ⁵ Eluntu imfumu yaku Asiria yasanshile icalo conse, no kusansa Samaria no kumushinguluka imyaka itatu. ⁶ Mu mwaka wakulenga pabula uwakwa Hoshea, imfumu yaku Asiria yalipokele Samariya no kupiita abena Israeli bunkole ku Asiria. Ena walibatekele bonse mu Hola, mu Haba umumana waku Gozani, na mu misumba yaku median. ⁷ Bunkole ubu bwacitikile pamulan du wakuti abena Israeli balibembukile Yahweh Lesa wabo, uwabaninikile ukubafumya mu calo caku Egypto, mu kuboko kwakwa Farao imfumu yaku Egypto. Aba bantu balekushinshimuna tulesa tumbi ⁸ no kwendela mu micitile yanko isho Yahweh watamfishe ku cinso ku bena Israeli, namu micitile ya shamfumu shamu Israeli isho bena baisonteele. ⁹ Abena Israeli baalicitile mubumfisolo-kuli Yahweh Lesa wabo-ifintu ifyo ifitalungeme. Baliikulile abena incende shaku pepelamo mu misumba yaboyonse, ukutula pa mpungu shakuli bakalinda ukufika naku musumba we linga. ¹⁰ Kabili balekwimika ifyakwimika fya mabwe ne ncenshi sha kuba Asheraya pa tupili tonse ututali na munshi ya cimuti conse icalulelema . ¹¹ Kulya oke balekocela ifya cena cibune mu ncende shakupepelamo, ngefyo inko shacitile, isho Yahweh watwele muli bunkole ukufuma ku cinso cabo. Abena Israeli baalicitile ifintu fyabubi pa kusonsomba ubukali bwakwa Yayweh; ¹² baalishinshimwine tulesa, uto Yahweh alandilepo akale kuli bo ati, ''mwikalekucita ici cintu.'' ¹³ Lelo Yahweh walisokele abena Israeli na bena Yuda na kanwa ka kuba kasesema naba kamona wafimonwa ati, ''Fumeni mu myendele yenu iyabubi no kusunga amafunde yande ne fyebo fyandi, elo mulekucengela pakusunga amafunde yonse ayo nakonkomeshe ba shinwe, elo ayo nebo natumine kuli mwe ukupitila mu babomfi bandi bakasesema .'' ¹⁴ Nomba bena tabelekumfwa; lelo baalitalamikile imitima yabo kubati ni bashibo abashatetekele muli Yahweh Lesa wabo. ¹⁵ Baalikene ifyebo fyakwe ne cipangano ico apangene ne fikolwe fyabo, ne fipope fyacipangano ifyo apele kuli bo. Balekukonkelela imicitile ya buwelewele nabo epakusanguka ifiwelewele. Balikonkelele inko sha bena fyalo isha bashingulukile, isho isho Yahweh wabakonkomeshe ukuti bekale kuipalanyako. ¹⁶ Balisulile amafunde yonse ayakwa Yahweh Lesa wabo. Balipangile ifipashanya fya kwenga ifya fiponti fibili ku kufishinshimuna. Balipangile nenceshi shaku Asheraya, elo balishinshimwine nentanda shonse isha mulu na Baali. ¹⁷ Balekupisha abana baumwe nabana banakashi babo mu mulilo, balekubomfya imbuko no kusobela ifya kuntanshi, baliipose;e abene ku kucita ifya bubi ku mulola wakwa Yahweh, elo basonkomwene ubukali bwakwe. ¹⁸ Eico Yahweh walifulilwe sana pali Israeli no kubafumya ku mulola wakwe. Takwali nangu umo uwasheleko lelo umutundu wa bena Yuda wekafye. ¹⁹ Abena Yuda nabo tabasungile amafunde yakwa Yahweh Lesa wabo, elo bakonkelele imicitile yabena Israeli. ²⁰ Eico Yahweh walikene indupwa sha bena Israeli shonse; aalibacushishe no kubapela mu maboko ya abo abapitile ifikwatwa nge cakwiba, mpaka abatamfya ukufuma ku mulola wakwe. ²¹ Yahweh aalipatwile Israeli ku mg'anda yakwa David, elo bacitile Yeroboamu umwana mwaume wakwa Nebati ukuba imfumu. Yeroboamu walifumishe Israeli mu kukonka Yahweh no kubalenga ukucita ulubembu ulukulu. ²² Abena Israeli balikonkelele imembu shakwa Yeroboamu elo tabalekufwaya kufumamo, ²³ eico Yahweh walifumishe israeli ku mulola wakwe, ngefyo alandile ukupitila mu babomfi bakwe bakasesema ukuti akacita. Eico abena Israeli balibafumishe mu calo cabo no kubatwala ku Asiria, nefi efyo caba ukufika na lelo. ²⁴ Imfumu ya bena Asiria yaliletele abantu ukufuma ku Babiloni na ku kuta, na ku Ava, na ku Hamati na Sefaveimu, no kubabika mu misumba yamu Samariya mu cifulo ca bena Israeli. Baalibulile Samariya no kwikala mu musumba yauko. ²⁵ Calicitikile pa kubala mu kwikala kwabo mulya icakuti tabacindikile Yahweh. Eico Yahweh alitumine inkalamo mukati ishaipeye bamo bamo. ²⁶ Eico balilandile ku mfumu ya bena Asiria, ati, ''Inko ishi webo wapitile bunkole no kushibika mu misumba yamu Samariya tashaishiba micitile lesa wacilya calo afwaya. Eico ena alitumine inkalamo mukati kabo, nomba, bona, inkalamo shikoipaya abantu mulya pamulandu bena tabaishiba micitile lesa wacilya calo afwaya.'' ²⁷ Eluntu imfumu yaku Asiria yakonkomeshe, ati, ''piitenipo umo pali bashimapepo uo mwaletele ukufuma kulya, nokuleka ena aye nokuya kwikala kulya, no kubafunda imicitile lesa wacilya calo afwaya.'' ²⁸ Eico umo uwamuli bashimapepo uo basendele bunkole ukufuma mu Samariya alishile no kwikala mu Betele; alibafundile ifyo bafwile ukucindika Yahweh. ²⁹ Cila mutundu pa calo baliipangile tu lesa twabo, no kutubika mu fifulo fya pamulu ifya kupepelamo ifyo abena Samariya bapangile-cila mutundu mu misumba umo balekwikala. ³⁰ Abantu bamu Babiloni balipangile Sukote Banoti; abantu baku Kuta balicitile Nerigali; abantu baku Hamati balipangile Ashima; ³¹ abena Aba balipangile Nibuhasi na Talaki. Abena Sefaribaimu balyocele Adrameleki na Anamereki abana babo mu mulilo, tu lesa twa bena Sefaribaimu. ³² Kabili balicindikile Yahweh, no kusonta ukufuma mukati kabo bashimapepo ba pafifulo fya pamulu, abalekubapelako amalambo mu matempele pafifulo fya pamulu. ³³ Balicindikile Yahweh elo kabili balikushinshimuna na tu lewa twabo, mu ntambi shanko isho bena bafumishemo. ³⁴ Ukufika na lelo balitwalilila mu ntambi shabo ishakale. Tabacindika Yahweh nangufye ukukonka ifyebo, ifya bupingushi, amafunde nangu ifipope ifyo Yahweh wapele ku bana bakwa Yakobo, uo ainikile ati Israeli. ³⁵ Uluntu Yahweh wapangile icipangano nabo, alibakonkomeshe, ''Mwikalekutina tu lesa tumbi, nangu kutufukamina, nangu kutushinshimuna, nangu ukutupela amalambo. ³⁶ Lelo Yahweh, uwamininikile ukufuma mu calo ca Egypto na maka ayakulu no kuboko kwakwe ukwakutambalala, ni kuli e fye mukalekufukamina, elo ni kuli e fye eko mwebo mukalekutula amalambo yenu. ³⁷ Ifyebo nefya bupingushi, amafunde ne fipope ify amilembele, mukalekufisunga umuyayaya. Eico mwebo tamufwile kutina tu lesa tumbi, ³⁸ elo icipangano ico napaanga namwe, mwikalaba; nangu kucindika tu lesa tumbi. ³⁹ Lelo Yahweh Lesa wenu eo mukalekucindika. Eukamipususha ku bulamba bwa balwani benu.'' ⁴⁰ Bena tabaumfwile, pamulandu wakuti balitwalilile ukucita ifyo balikucita akale. ⁴¹ Eico ishi nko shalikutina Yahweh elo kabili shalikushinshimuna ifimpashanya fya shiko ifya ku basa, nabana babo balicitile cimo cine-efyacitile na bashikulu babo. Balitwalilile ukucita ifyo ifikolwe fyabo fyacitile ukufika na buno bushiku.