¹ Mu mwaka walenga cine-lubali uwa Yehu, ubuteko bwakwa Yoashi bwalitampileko; aishilekuteka pa myaka amakumi yane mu Yerusalemu. Ishina lyakwa nyina ali ni Sibia, umwina Beresheba. ² Yoashi alicitile icabune mu menso yakwa Yahweh inshita yonse, pantu Yehoyada shimapepo alikumulangilila. ³ Lelo incende shasumbuka ishakupepelamo tashapokelwe. Abantu nangu cali fyo balikupela icelambo elo nokoca ulubani pancende shasumbuka ishakupepelamo. ⁴ Yoashi aishile kulanda kuli ba shimapepo ati, ''Shonse impiya ishaletwa ngefyabupe fya mushilo mu ng'anda yakwa Yaweh, isho impiya shintu cila muntu apingwilwe nangu shingaba impiya shipikelelwe mukupenda kwa bantu, nangu impiya shipokelelwe ukufuma kubupe bwapakulapa kwa muntu, nangu impiya shiletelwe kubantu abo Yahweh akoseleshe mu mitima yabo ukupela- ⁵ shimapepo euli nokupoka impiya ukufuma kuli umo kasunga wabo elo nokuwamya conse icakonaika icasangwa mwitempele.'' ⁶ Lelo mu mwaka wamakumi yabili na shitatu uwabuteko bwakwa Yoashi, bashimapepo tabaishile kuwamyapo nangu cimo mwitempele. ⁷ Elintu imfumu Yoashi yaishile kwita Yehoyada shimapepo elo naba shimapepo bambi; alilandile kuli bo ati, '''Cindo mwebo tamwawamishapo icintu nangu cimo mwitempele? Nomba mwilakupoka impiya kuli bakasonkela bamisonko, lelo mubule ifyo ifyobasonkesha ifyakuwamishamo kwe tempele elo nokufipela kuli abo abengawamya.'' ⁸ Eico bashimapepo balisuminishenye ukukanapoka impiya ukufuma kubantu elo nokukana wamyapo itempele palwabo. ⁹ Lubali lwa ico, Yehoyada shimapepo aishile kubula icibokoshi, nokukwisa kutula icipunda pa mputiko yaciko, elo nokwisakucibika lubuli lwa cipailo, ku lubali lwa kukulyo ulo umuntu aleigila mwitempele lyakwa Yahweh. Banshimapepo abo abalelonda pamwinshi we tempele balibikilemo muli cilya shonse impiya ishaletelwe ku ng'anda yakwa Yahweh. ¹⁰ Ulo lonse balikumona ati muli impiya ishingi mucibokoshi, kalemba wamfumu elo na nshimapepo mukalamba balikwisa elo nokwisakulonga impiya mumifuko elo nokushipendamo, impiya shitatu shalikusangwa mu ng'anda yakwa Yahweh. ¹¹ Bana balikupela impiya ishalikupimwa kuminwe yabaume abalikulolekesha petempele lyakwa Yahweh. Bena balikushipeela kuli kakapala wambao elo na bakakula abali kubombela petempele lyakwa Yahweh. ¹² Nakuli bakakula elo nabakaputula ba mabwe, kukushitamo imbao elo nokuputwilamo amabwe yakuwamisha itempele lyakwa Yahweh, elo nafyonse ilikufwaikwa ukulipilwa pakuliwamya. ¹³ Lelo impiya ishalikuletwa mu ng'anda yakwa Yahweh tashalikupelwa mukupangamo imweno sha silfele, ifyakushimishako amalampi, amabeseni, amapenga, nangu conse ica golide nangu silfele ukuwaminisha. ¹⁴ Balikupela isho mpiya kuli abo abalikubomba incito yakuwamya ing'anda yakwa Yahweh. ¹⁵ Mukulundapofye, tabalikukabila impiya shalikupelwa kukuwamishamo ukuba ishakusakamanapo kubaume abo abali kushipokelela elo nokushipela kubaume balebomba, pantu aba bantu balifye abacishika. ¹⁶ Leloimpiya shafyabupe fyakubembuka tashalikuletwa mwi tempele lyakwa Yahweh, pantu shalifye shabanshimapepo. ¹⁷ Elintu Hasaeli imfumu yaku Aramu ashilekusansa elo nokulwisha abena Gati, nokupoka icaalo. Hasaeli elintu nakabili aishilekupilibuka nokusansa Yerusalemu. ¹⁸ Yoashi imfumu ya Yuda yaishilekubula ifintu fyonse ifyo Yeoshafata elo na Yeoramu na Ahasia, ifikolwe fyakwe, imfumu sha Yuda, shapatwileko, elo nefyo apatwileko, elo na yonse golide iyaishilekusangwa mu miputule yakusungilamo iya mung'anda yakwa Yahweh elo neyamfumu elo nokukwisafitula kuli Hasaeli imfumu ya Aramu. Elintu Haseali aishilekuya ukufuma muyerusalemu. ¹⁹ Palwamilandu imbi iikumine Yoashi, fyonse fintu alikucita, bushe tafyalembwa mwibuku lyafyalekucitika ifyamfumu sha Yuda. ²⁰ Ababomfi bakwe balishilekwima nokupingila capamo; balisanshile Yoashi mu Beti Millo, munshila iyo iyatentemukilaku Silla. ²¹ Yosabadi umwana mwaume wakwa Shimeati, na Yehosabadi umwana mwaumw wakwa Shoma, ababomfi bakwe, ebamusanshile, elo alifwile. Balishiikile Yoashi pamo na ifikolwe fyakwe mumusunba wakwa Davidi, elo Amasiya , umwana wakwe umwaume, aishilekuba imfumu mu ncende yakwe.