¹ Ndizvo inini, bhanditi raMambo, ndinomupota kuti muhambe kudai ngezvinosisira kudaidzwa kwemwakadaidzwa ndikwo, ² ngokudzinaanisa kweshe nokupfaa nokusengerera, mwechisengerera umwe kunoumweni ngorudo, ³ Mwechitsamwirira kungwarira kuiyana kweMweya ngechisungo chekunyarara. ⁴ Uripo muiri umwe neMweya umwe, kudai ngezvemwakadaidzwa mukugonda kumwe kwokudaidzwa kwenyu. ⁵ Mambo umwe, gonda rimwe, rubhabhatidzo rimwe, ⁶ Mwari umwe, vari Baba weveshe, vari padera pavo veshe, vanoshanda kubudikidza ndivo veshe, naye uri mukati mwavo veshe. ⁷ Kuneumwe ngaumwe wedu kwakapuka chipo ngechipimo chechipo chaKristu. ⁸ Sezvinoreva zvinyorwa: “Apo paakakwira mudenga, wakakweya vabatwa, akapa zvipo kuvanhu.” ⁹ Mukuti, “Wakakwira,” zvinoronzeyi asi kuti wakadzakazve kundau dziri pashi munyika? ¹⁰ Uwo wakadzaka ndiyezve wakakwira ngepadera pematenga eshe, kuti adzadzise zviro zveshe. ¹¹ Kristu wakapa vamweni kuti vaite vapostori, vamweni kuita vaprofeti, vamweni kuita vavhangeri, vamweni kuita vaushi nevadzidzisi. ¹² kuti vakacheneswa vanasirirwe kumushando wokushandira, kuaka muiri waKristu. ¹³ metsa teshe taguma pakutenda kumwekwo noruziyo reMwanakomana waMwari, kuita vanhu vakaperera, kuchipimo cheukuru wakaperera waKristu; ^{14 15 16} 4 kuti tisachagara tiri vana vadoko, techizungunyiswa mberi nesure nokuvhuvhutwa ngemhepo yokudzidzisa kweshe, ngemazano akashata evanhu nourimbwi, kuti vatipause ngokuchengedzera. 15 Asi techireketa gwinyiso murudo, tikure mwaari ngezviro zveshe, uwo uri soro, munaKristu. 16 kubva mwaari muiri weshe, unorimbanidzwa nekubatanidzwa pamwepo ngenhengo dzeshe dzinogwinyisa, nhengo yeshe inoshanda ngechipimo chayo, kudai ngemushando wakanaka wenhengo imwe ngaimwe, unoita kuti muiri ukure kuti udziake murudo. ¹⁷ Ndizvo ndinoronza izvi nekupupura munaMambo, kuti musachahamba kudai ngevemadzinza muupenzi wemipinimidzo yavo isina shkwiro. ¹⁸ Vona vari muchidima mukuzwisisa kwavo, vari vapara mukupona munaMwari ngendaa yokusikazia kwavo nendaa yokukonza kwemwoyo yavo. ¹⁹ Vona vakarashikirwa ngounhu hweshe vakadzipira mukuemura, vechishanda zveshe zvine tsvina ngokuboka. ²⁰ Asi imwimwi amuzi kudzidza zvakadaro zvaKristu. ²¹ Ngegwinyiso mwakamuzwa mukadzidziswa ndiye, kudai ngegwinyiso riri munaJesu. ²² Mwakadzidziswa kuti murashe munhu wekaretu, kunoronza kupona kwenyu kwekare, uwo unooreswa ngekuemura kwokuchengedzera ²³ Imwimwi mwaka dzidziskwa kuchenesa mumweya wepfungwa enyu, ²⁴ mupfeke munhu mutswa, uwo wakasikwa akadai ndiMwari mukupona nemukucheneswa kwegwinyiso. ²⁵ Ndizvo rashai kunyepa, “Reketai gwinyiso munhu weshe kuno muakirwana wake,” ngekuti tiri nhengo umwe kunoumweni. ²⁶ “Tsenekai, musikashaishi.” Musatendera kuti zuva ripote mwakatseneka. ²⁷ Musapa ndau kunaDhiabhorosi ²⁸ Mbavha ngairekere kuba, asi paugaro peizvo ngaishande, yechishanda zvakanaka ngenyara dzayo, kuti ione zvokupa kwaari unotama. ²⁹ Musatendera kuti kureketa kwakashata kubude mumuromo yenyu, asi kwega kwakanaka kunoaka, kudai ngezvinotamika, kuti kupe nyasha kwavari vanokuzwa. ³⁰ Musatsamwisa Mweya Wakachena waMwari, wemwakaisirwa chioniso mwaari metsa kuguma kuzuva rokuripirwa. ³¹ Rashai kubva kwomuri kushata kweshe, ushungu, kutseneka, bope, kutuka nokhururu kweshe; ³² muitirane nyasha umwe kunoumweni, muano mwoyo yakapfaa, mwechirekererana umwe neumweni kudai saMwari wakamurekerera muna Kristu.