¹ Usatuka murume achembera, asi umuraire sababa, nevadoko sevanukuna. ² Nevakadzi vakuru semadzimai, nevadoko sehanzvadzi nokuchena kwemoyo kweshe. ³ Kudza chirikadzi, dziri chirikadzi chaidzo. ⁴ Asi kana chirikadzi inevana kana vazukuru, ngavatange vona kudzidza kunamata Mwari paimba yavo, vadzosere zvakafanira kuvabereki vavo, nokuti ndizvo zvinofadza Mwari. ⁵ Hino kana iri chirikadzi chaiyo, yakasiyiwa iri yega, ndiyo inovimba naMwari, inogara ichikumbira nokunyengetera usiku nemasikati. ⁶ Asi yona inokarira zvinofadza yakafa, nhange ichiri mpenyu. ⁷ Raira vo zviro izvi, kuti varegere kuva nechavangapomerwa. ⁸ Asi kana munhu asingachengeti vekwake, zvikuru veimba yake, warasha kutenda, wakaipa kukunda usingatendi. ⁹ Chirikadzi ngairegere kunyorwa zita, asi kana yasvika makore makumi matanhatu, yaiva mukadzi womurume mumwe chete. ¹⁰ Inorumbidzwa pamusoro pemabasa akanaka, kana yakarera vana, kana yaifarira vamweni, kana yaishambidza tsoka dzevatsvene, kana yaibatsira vari munjodzi, kana yaishingairira mabasa eshe akanaka. ¹¹ Asi kune chirikadzi duku, urambe kuwana nadzo, nokuti kana dzopesana naKristu, dzotsvaka kuwanikwa. ¹² Zwakadaro, dzinobva nemhosva, nokuti dzaramba kutenda kokutanga. ¹³ uye zve, dzinodzidza kuva novusimbe dzichipota nedzimba; hadzizi simbe bedzi, asi vaiti vo vemakuhwa, dzisingaregeri zvavamweni, dzichireketa zvisakafanira. ¹⁴ Nazvo, ndinoda kuti chirikadzi doko dziwanikwe, dzibereke vana, dzichengete dzimba dzadzo, kuti dziregere kupa muvengi nzira yokupomera nayo. ¹⁵ Nokuti vamwe vatotsauka vechiteera Satani. ¹⁶ Kana murume kana mukadzi mutendi anechirikadzi, ngadzibatsire, kereke irege kuremedzwa kuti igobatsira chirikadzi chaidzo. ¹⁷ 7 Vakuru vanobata kereke zvakanaka ngavanzi vanofanirwa nekukudzwa kaviri, zvikuru avo vanobata pashoko napakudzidzisa. ¹⁸ Nokuti Rugwaro runoti: Usasunga muromo wenzombe inopura; uye zve: Mubati wakafanirwa nomubairo wake. ¹⁹ Usangotenda mhaka inopomerwa mukuru, asi kana ichibva pamuromo yezvapupu zviviri kana zvitatu. ²⁰ Vanotadza uvarange pamberi peveshe, kuti vamweni vagotka. ²¹ Ndinokuraira kwazvo pamberi paMwari, naKristu Jesu, nevatumwa vakaketwa, kuti uchengete zvinhu izvi usingatongi usati wambozwa kwazvo, kana kuita chiro uchitsaura vanhu. ²² Usakurumidza kuisa maoko pamusoro pemunhu, kana kusangana pazvichaishi zvevamweni; uzvichengete kuti uve wakachena. ²³ Usaramba wechingomwa mvura bedzi, asi umwe waini shoma nokuda kemudumbu mako noutera wako wujinji. ²⁴ Zvishaishi zvavamwe vanhu zvinovonekwa pachena, zvinotungamirira kutongwa kwavo vamwe zve vanoteverwa nazvo. ²⁵ Saizvo kunamabasa akanaka anovonekwa pachena, neasina kudaro haangavazwi.