¹ Ishoko rechokwadi, rokuti: kana munhu echitsvaka basa remutariri, unoda basa rakanaka. ² Nazvo mutariri unofanira kuva munhu usina chaangapomerwa, murume wemukadzi umwe chete, wakangwara, wakachenjera, unomugarire wakafanira, unoitira vamweni rudo, unoziya kudzidzisa. ³ Usingadi waini, usingarwi, asi munyoro, usinegakava, usingakariri mare. ⁴ Unobata imba yake zvakanaka, anevana vanozwisisa pasi nemugarire weshe unokudzwa. ⁵ kana munhu asingazii kubata imba yake, ungachengeta sei chiara chaMwari. ⁶ Ena asava mutendi mutsva, kuti aregere kuzvikudza, akawira mukutongwa kumwe naDhiabhorosi. ⁷ Uyezve, unofanira kupupurirwa zvakanaka nevari kunze, kuti aregere kuwa nokubatwa nemusungo waDhiabhorosi. ⁸ Saizvo vashumiri ngavave vanokudzwa, vasinamazwi maviri, vasingamwi waini jinji, vasingakariri fuma yakaipa. ⁹ Vanochengeta zvakavanzika zvokutenda muhana yakanaka. ¹⁰ Navo ngavatange kuedzwa vo pakutanga, kubva papo vashumire, kana vasina chavangapomerwa. ¹¹ Vanhu kadzi ngavave vanokudzwa, vasingacheri vamwe, vakapora, vakatendeka pazveshe. ¹² Vashumiri ngavave varume vanomukadzi umwe chete, vanobata vana vavo nedzimba dzavo zvakanaka. ¹³ Nokuti avo vakashumira zvakanaka, vanozviwanira zita rinokudzwa nokutsunga kukuru pakutenda kwavo munaKristu Jesu. ¹⁴ 4 Zviro izvi zveshe ndinokunyorera, ndichiti ndichakurumidza kuuya kwauri, ¹⁵ asi kana ndikanonoka, ndinoda kuti uzive kuti vanhu vanofanira kufamba sei mumba maMwari, iyo kereke yaMwari mupenyu, mbiru nechitsigiro chechokwadi. ¹⁶ Hakuna ungaramba kuti chakavanzika chokunamata chikuru kwazvo, chokuti: ''Ena Mwari wakakombidzwa panyama, akacheneswa pamweya, akavonekwa nevatumwa, akaparidzwa pakati pevahedheni, akatendwa panyika, akakwidzwa mukugwinya''.