¹ Ẽwandamʉa jaaujim Noeeg: "Pʉ pidʉ magwia pʉ khodnaanja thʉmwe, jap pomaam jã ee, mʉg mua pʉ oorʉ mʉ daunaa wajaphamaam mag õor naweraam khʉʉn dʉi. ² Thʉmaamkhʉʉ pabʉeem aubeegaau wajapham pʉch dʉi jua ab awia agʉn nʉmim chi emkhooi magwia jua ab awaia agʉn nʉmim chi ʉʉin, makhʉʉn pabʉeem khʉʉn eemm nʉnʉmdʉ: mag chi emkhooi magwia ich par dʉi. ³ Mag edjãeemkhʉʉn nemchaainjã adjõ, jua ab awia agʉa nʉmi aupidʉ emkhooi magwia chi ʉʉin jua ab agʉn numi, makhʉʉn naweejo aukhermaag mag jẽb thʉmaamkhʉʉngaai. ⁴ Jua ab awia agʉn nʉmi nʉm ee neminag oomaajʉ mag ed noseg chejʉ amʉg jẽb gaai 40 ed noseg chejʉ maigmua edarja adjo. Mʉg jẽb gaai thʉm ĩinʉmkhʉʉn wautarrja adjo." ⁵ Noeeu waumaajim Ẽwandamua jaaumaam. ⁶ Noe siejim 600 ayõs mʉg jẽbgaai mag do ãd beewaai. ⁷ Noé, ich chaain dʉi, magwia ich ʉʉipa, magwia i chaain ʉʉinpa ãba ereujierram aeka jã ee mag do ãd pom ʉrʉmgaaimʉa. ⁸ Pabʉeem neminaam wajapham, maigmʉa pabʉeem neminaam wajapham khabamja adjo, nemichpan magwia thʉm amʉg jẽbgaai ĩiudʉwenʉrrʉmkhʉʉnja adjo, ⁹ mag nʉnʉmdʉ, ich par dʉi chi emkhooi maigmʉa chi ʉʉi, makhʉʉn Noé aig beemaajierram amach ereumaajim arka ee, mag Ẽwandamʉa ich iek deewaisiajim Noeeg. ¹⁰ Amʉg semaanee dechaagcam neminag, do ad pomaam beejʉ maach jẽbpomaam ʉr. ¹¹ Magkhai Noé siejim 600 ayõs, magkham nʉminʉm ed mag, ed jua ab awia agʉn nʉminʉm edja, mag ed pai thʉmaamkhʉʉ tapthʉnarr weeumaajim adjo. ¹² Magmʉata nosegdauja theeukhabaadeejim a mʉg jẽbgaai 40 ed noseg chejim ãdau maigmua 40 ed adjo edarja noseg chejim. ¹³ Mag ed pai Noé magwia ich chaai dʉi, Sem, Cam, magwia Jafet. Noé ʉʉija adjo magwia thãrjupan, i chaain ʉʉinpai maajierram ãba. ¹⁴ Amaach ãba dugmaajierram pabʉeemkhʉʉn,magwia amaach pardʉi ãhabdʉimkhĩirpirram nemchaain magwia adjo jẽb, ʉ̃r iiudʉwenʉrrumkhʉʉn, amaach pardʉi magwia isthaa bãaunʉmkhʉʉnja adjo. ¹⁵ Thʉmaamkhʉʉn nʉmi maignarrkhʉʉn beejierram Noeaig maigwia arka aidʉgjierram. ¹⁶ Mag nemchaain dʉgtarrkhʉʉn inaajim emkhooi maigmʉa chi ʉʉi; magwia ainaarkhʉʉnja adjo. Amaach dʉgjierram Ẽwandamua jaautarrawai. Magkhai chi tapsiar eugarbi Ẽwandamua phaansiujim. ¹⁷ Magbaawai bejim chi do ãd pomaam maach jẽb mag 40 edpaai, magwia chi do uraajim warag magbaawaai chi arka ubdusisijim jẽb ũr. ¹⁸ Chi doopai thʉʉmwue phʉʉdʉsisijim mag jẽb ũr, magwia chi arka ubdʉsisijim dijã ũr. ¹⁹ - ²⁰ Mag chi do ũncha nempomaabaadeejim mʉg jẽbgaai magbaanʉawaai chi dũrsĩ ʉgthamcha maakhʉʉn magwia edau egarimphʉʉncha thʉmwe phʉʉdʉgaaujim dooppai. Chi do ʉgthaagmaajim juanʉmi awia agʉn jua ab magta ugthagam siajim dursĩ pomaam ũr dichsiejim mag do. ²¹ Thumaamkhʉʉn mʉg jẽbgaai ĩiudʉwenʉrrajemkhʉn makhʉʉn thʉnwe thõogkhajierram: nemchaain, phak, maigmʉa chi pabʉeemkhʉʉn, naarkhʉʉnja adjo, mag thʉnwe agaaipaai isthaa baaunaar khapaanag niʉg jẽb gaai, maigmʉa thʉmaamkhʉʉ. ²² Thʉnwe mʉg jẽbgaai joobaanarkhʉʉn, mag khẽugarmʉa ʉ̃ʉjemkhʉʉ thʉnwe thõgkhajierram. ²³ Amʉg jẽbgaainar thʉmwe okhaapʉijim waar naachanaarkhʉʉn magwia nemchaain daphʉmkhʉʉn magwia jẽbũr iiudʉwenʉrrajemkhʉʉn, magwia edjaee ũrwerrajemkhʉʉn makhʉʉn thʉmwe mʉg jẽbgaai oopʉijim. Ichaapai Noé magwia idʉinaarkhʉʉn thʉbaajierram arkaee. ²⁴ Mʉg jẽbũr chi nanasisijim 150 edpaai.