¹ Jãaguai dichtarr naacha õor khapanaagta chi jẽb gaai thaabajierram ʉʉinpaita,

² Ẽwandam iewanaau oowaai chi ʉʉinchaan magwia chi emkhooin khaus theem wawak neminak. Amachdeupaita amach ʉʉi khaaujierram, amach thãnag aumaajim. ³ Ẽwandam jaaujim: "Mʉ akhaar thumamkhʉnee siebam, imag magkhai amach mʉ mõr awaai. Amach naaju 120 ayõs. ⁴ Õor durag baagkha siejim mug jẽb gaai mag ed, adjo magwia. Magtarrkhur Ẽwandam iewaanau aumajierram amach ʉʉin makhʉʉn emkhooindʉi omaajierram chaain. Makhʉʉn nachaam õor juapathegsithejim, Amach thʉr thʉsitheejim. ⁵ Ẽwandamʉa owaai maach jẽbpomaamgaai akhãragta wauwethʉm, Thum aan khĩirũg maigmua ann thãar, akhãrag wawag maajim. ⁶ Ẽwandamʉa deeu khĩirjũgaujim õor khapanaag ompabaatarramʉa mʉg jẽb gaai mugbaakhaajim, Maigmua i thãar ee paai machagabaadejim. ⁷ Magwia Ẽwandamua jaaujim: "Mʉ mam õor chukpapʉyag mua wautarrkhʉʉn mug jẽb gaai, magwia õor khapanaag magwia daphʉm ooidaraam, magwia adjo edjã eem nemchaan ichparamkhʉʉn akhʉd wenʉrra jemkhʉʉnja adjo, paarta mua jãg waujim." ⁸ Magwia Noeeu ooimajim naacha Ẽwandam dau. ⁹ Mʉkhʉ̃un aajim waumaatarr Noé thʉ̃ʉr gaai. Magkaam Noé õor ajapham aajim, mag nawe ich õor dauna ajaphata siejim, Noé Ẽwandam dʉi phʉʉrjim. ¹⁰ Noé beejim Ẽwandamjo ich iewa thãrjũpam athee: Sem, Cam, maigmua jafet. ¹¹ Magta chi jẽb siejim akhãrãg Ẽwandam daunaam, maigmua ʉncha akhãrãg. ¹² Ẽwandamua jẽb gaai oowai, obaat, maig akhãrãg werjoom, maach thʉmaam gaaimua khaibaawerjoom khʉdaujã ee. ¹³ Ẽwandamua jaaujim Noeeg: "Mua oogaau mag ed aausiwaagpam, thʉʉmaamkhʉʉn jã ee oopʉyaag. Maach jẽb akhãrãg weerjoom maach thʉmaamkhʉʉn gaai mua. Mag nʉʉmaig pai paan jẽbau oopʉiju. ¹⁴ Pʉch athee waauba arka pomaam padeen. Waauba oojeem paraa, maigmua phẽepeta khibʉraaupai, jãgaemua maigmua eugarbi. ¹⁵ Mag waaupeta: Arka pomaam duragam chi ʉgthaagam sim 13.5, chi jãpheeu sim 22.5 maigmua chi ʉgthaagam sim 13.5. ¹⁶ Maigmua jap pomaam ʉ̃r didaamjo waauba maigmua oosim awigaaupai simaig 45 sim. Aukherbag arka pomaam chi phãanjem bigaau, maigmua daãbam phãanjem khũtaapai magwia agkharim adjo, maigmua agʉʉn aukhernʉmai tapsiubag thãrjub. ¹⁷ Ũrba, mua degoob aaubeegpam do ad pomaam mug jẽb gaai, Mag pʉyaag thʉm edjã eem khʉʉn magwia okhamaajim eeu ũnʉmkhʉʉn. Thʉmwe mʉg jẽb gaai thʉm thõojũerram. ¹⁸ Pʉ iek deemaam mʉa pʉ ipierra ajʉ pʉdʉi. Pʉ maajʉ arka pomaam jã ee maigmua pʉ chaain, Maigmua pʉ ʉʉi. maigmua pʉ iewaan ʉʉinja adjo pʉ dʉʉi. ¹⁹ Maigmua thʉmaamkhʉʉn joobaanarkhʉʉn aig thʉm naajim, arka pommam jã ee, mag wainaajim monakha ich dʉi, agdajo emkhooi maigmua chi ʉʉi. ²⁰ Mag chi nemchaain ãhãbdʉmpier, maigmua daapagaam onaa nemchaain khapaanag mʉg jẽb gaai wenʉrrajʉ, ich paar dʉi mag ãhabdu pʉrig beejʉ, makhʉʉn aukheeragaau aan nʉm aig. ²¹ pʉraatha pʉch atheepai thʉm pʉch thãrãg khoojem, maigmua, aukherba mag namunag khoojem pʉch athee maigmua aan athee." ²² Mag khai Noeeu mʉgta maajim, mag waaumaajim thʉm Ẽwandamua jaautarr, maa waajim irʉa.