¹ Ẽwandamʉa Noé daaukhaaujim ich nemchaain thʉnarr, magwia phak thʉnʉmja adjo arkaeenarr. Ẽwandamʉa phʉ̃ phʉajim mʉg jẽbgaai, magbaawaai chi do ewaag beegpaajim. ² Mag do jĩerrauthʉnar edau daakha deeu tapsisijim, maa aupʉawia noseg cheebaadeejim. ³ Do ãdpomthʉnʉr deeu omãar jẽedʉbaai, cheejim mag anʉmaai 150 edsiajim, maai mag do jiidusiajim. ⁴ Chi arka maai jʉʉbaaimaajim jua ab awia agʉn thãrjub nʉmaai, jua ab awia agʉn nʉminʉm ed mag dʉrsi Ararat sim ʉ̃rsiajim. ⁵ Chi do maaipaimʉa deeu jiidʉjim mag jua nʉmiin edpai mag naachaam ed, mag dʉrbiaaimua oobaabadeejim ⁶ Mag kuarenta ed dichtarkhʉr Noeeu weeupʉijim arka phaanthʉnaar maa ichthʉa waautarr. ⁷ Ichdeeu daaugarbimʉa deepʉijim kuebo ab magwia ũrbaadeejim maanʉmaai mnaigmua ewaag beenʉmaai mag jẽb jʉʉbaadeejim jʉser. ⁸ Magbaawai chi paloma deepʉijim daugarbi omaamkhĩir do jʉsermaa mʉg jẽb pomaam, ⁹ paloma maajieb oobaajim maai joobimaag ich bʉdamʉa, maigpaimʉa deeu beejim arka aig agaatha thʉnwe doopai thʉ̃psiajim mʉg jẽb i juaaupai ekhaaujim magwia arka ee agdʉi thʉgpʉijim. ¹⁰ Irʉa jua ab awia agʉn nʉmi nʉjim warag maigmʉa deeu paloma deepʉijim arka bigaaupai. ¹¹ Irig paloma beejim mag kheuragaa, obaag ikhieree khaausim oliva kher phierautarr. Maai Noeeu khaausiejim chi do maigmʉa warphaasitheejim mag jẽb aimʉa. ¹² Irʉa warag nʉʉjim jua ab awia agʉn numinnʉm ed, maigmua deeu paloma deepʉijim mag ich beebaajim aan araag. ¹³ Mag ayõs dichtarrsiejim 601, maa warpeem ed maa, naachaam ed chi do jʉsarabaadeejim mʉg jẽb, Noeeu weeuaujim chi arka unʉm phãnsiar oojim bigaau maigmua oowaai oobaa mʉg jẽbpomaag warag jʉsarsim. ¹⁴ Mag ed nʉmiim jua jayab awia agʉn jua ab awia agun nʉmin ed, maai chi jẽb jʉsarsiajim. ¹⁵ Ẽwandamua Noeeg jaaujim, ¹⁶ oberbaag arkaeemʉa dawaag" pʉ maigmua pʉ ʉʉinpa pʉ chaainja magwia pʉ chaain ʉʉinja adjo ¹⁷ pʉchdʉi thʉm obeeratha agaai bãaurnarr maigmʉa thʉmaamkhʉʉn bãaurthar pʉch dʉi maignarkhʉʉn nemchain chi pabʉee wenurrajemkhʉʉn magwia thʉm neminag iiudʉwenʉrrʉmkhʉʉn mʉg jẽbgaai warag thʉnaagaau mʉg jẽbgaai khĩirphier" ¹⁸ Maigmʉa obeerjim Noe ich chaain dʉi i ʉʉin maigmʉa i chaain ʉʉinpa idʉi ¹⁹ Maai thʉm idʉinaarkhʉʉi magwia neminag ĩiudʉnʉmkhʉʉn maai thʉm nemichpaanaan mʉg jẽb joorrajemkhʉʉn makhʉʉn khodnaan dakhaapam arkaee aaupʉamaajim ²⁰ Noeeu mokdau waumaajim ʉgthaag Ẽwandam athee maimʉa irig jewuaag maig irʉa pʉraajim ãhabdʉmkhʉʉn oidaaram wajaphaam maigmʉa nemchaain wajaphaam irig deejim neminag phaam altar ʉnʉm, ²¹ Ẽwandam ʉ̃ʉowaai amʉthaa thʉ̃pagsiaba maigmua ich thãr eemʉa jaaujim: "tag mʉa mʉg jẽbgaai akharãg waaubam khaagaaimʉa maach gaaimʉa mag ichthãreemʉa khĩirjʉg khaiba khĩirjʉgsiajim ich bãraasiawaai maa mʉa tag opʉʉibam thʉm narr irʉa wautarrjo, ²² mʉg jẽbgaai ichmaag naagau mʉg athaag nemjĩir maigmʉa obeerman maakhʉʉn khukhag maig pachag pechaagam maigmʉa nosegjarr mag ed maigmʉa edar maa chʉkhʉ aajʉ.