¹ Israelpierr Beersebaag ich neminaam thumwe waisierr dʉi majim anʉm.(Maig ich diu phak dam thõowia phaawia Ẽwandamag deewia jooi Isaakau waaujerrjo awia.) ² Ẽwandamau Israelpierrag iekhajim anʉm dau mʉg edaar, jaaujim anʉm:" Jakob, Jakob." Ich diu magjim:" Mʉ mʉig chirʉm." ³ Ich diu magjim:" Mʉ Ẽwandamau, ich Ẽwandam pʉ aai den. Egiptog maag ithee oob ʉkha chiram, maguata maig mua pʉ ithee phobor pom waudeejú. ⁴ Mʉ pʉ dʉi Egiptog majú, maigmua mʉch diupai deeu pʉ aubeejú maig José ich juau ich dau thuur aujim." ⁵ Jakob Beersebaamua majim anʉm. Israelpien chaainau amach aai Jakob warrjim anʉm, ich chaain, maigmua ich ʉʉin, Pharaónau karret deepʉitarr ee mag ee ich warram khĩir ajim. ⁶ Amach diu amach phak warrjierram anʉm maigmua amach neminaam Kanaan durr jʉr autarr khʉʉnpa. Amach Egipto dugjierram anʉm, Jakob maigmua ich khodnaan thumwe i dʉi. ⁷ Ich diu aubeejim ich dʉi Egiptoog ich chaain maigmua ich iewaa chaain, ich kharannaan maigmua ich iewaa kharannaan, maigmua ich khodnaan thumwe. ⁸ Mʉ khʉʉn ajim Israelpien chaain thʉ̃r ma khʉʉnta Egiptoog beejierram, Jakob maigmua ich iewaan dʉi: Ruben, Jakob iewaa warrpem dam; ⁹ Ruben iewaan: Hanok,Falú maigmua Karmi. ¹⁰ Simeón chaain: Jemuel, Jamín, Ohad, Jaquín,Zohar, maigmua Saúl, Kananeam ʉʉi ag iewaa. ¹¹ Levín chaain: Gersón, koat maigmua Merari. ¹² Chi Judá chaain mʉ khʉʉn ajim: Er, nán, Sela,Fares maigmua Zara, (mamʉ Er maigmua Onán Kanáan durrta meejierram ). Chi Fares chaain mʉ khʉʉn ajim: Hezrón maigmua Hamul. ¹³ Chi Isakar chaain mʉ khʉʉn ajim: Tola, Fúa, Job, maigmua Simrón. ¹⁴ Chi Zabulón chaain mʉ khʉʉn ajim: Sered, Elón maigmua Jahleel. ¹⁵ Mʉ khʉʉn ajim chi chaain Leau Jakoob thaabʉgkha deetarr Padán Aram anʉm ee, ich kha Dina dʉi. Chi chaain maigmua chi kharannaan beerwai 33 naajierram. ¹⁶ Chi chaain Gad den mʉ khʉʉnau Zifión,Hagui, Suni, Ezbón, Eri, Arodi maigmua Areli. ¹⁷ Chi Aser chaain: Imna,Isúa, Isúi, Beria, maigmua Sera chi ʉphʉi. Chi chaain Beria den mʉ khʉʉn ajim Heber maigmua Malquiel. ¹⁸ Chi chaain Zilpa den mʉ khʉʉn ajim,Labanau ich khaag Leag anʉmʉg deetarr. Mʉ khʉʉn chaain ich dʉi thaabʉwia Jakobag deejim, amach thumwe 17 naajim anʉm. ¹⁹ Raquel i chaain, Jakob ʉʉi atarr eem mʉmkhʉʉn ajim José maigmua Benjamin. ²⁰ Egipto aar José i chaain Asenatau thaabʉtarr khʉʉn mʉ khʉʉnau Manasés maigmua Efraín, Potifera i kha, Onam phad ajim. ²¹ Benjamím chaain mʉ khʉʉn ajim Bela, Bequer, Asbel, Gera, Naamán, Ehí, Ros, Mupim, Hupím , maigmua Ard. ²² Mʉ khʉʉnau Raquel i chaain Jakob dʉi ootarr khʉʉn, amach thumwe 14 ajim. ²³ Dan iewaa Husim ajim. ²⁴ Neftalí i chaain mʉ khʉʉn ajimJahzeel, Guni, Jezer maigmua Silem. ²⁵ Mʉ khʉʉn chaainta Jakobag Bilhau,thaabʉ deejim Labonau Raquelag deejim, i kharannaan thumwe 7 ajim anʉm. ²⁶ Ma khʉʉn thumwe Jakob dʉi Egiptog majierram, ma khʉʉn i khodnaan ajim anʉm, mamʉ chi ʉʉin jaauba Jakob chaainpaita jaau nʉm; Ma khʉʉn thumwe 66 naajierram. ²⁷ José ich chaain númi ma khʉʉn thaabʉjierram Egipto durr, chi khodnaan thumwe Egiptoog majierram ma khʉʉn thumwe 70 ajim anʉm. ²⁸ Jakobau Juda ich ná deepʉijim Joseeg chi khʉdau wajapha jawaam khĩir ich barjunawe Gosén durr, maigmua amach Gosén durr barjierram. ²⁹ José ich karro khĩir khau siuwia maigmua majim anʉm Israelag durr ich aai oon. Ich diu oojim, i udi gaai juau jõiwia,maigmua dʉrrʉʉ bĩejim anʉm. ³⁰ Israelau Joseeg jaaujim:" Isĩnchadau mʉ meepibá, ya mua pʉ khĩir ootarr awai, khan jãgwia aga pʉ chagtha monakha chiraawai. ³¹ Joseeu ich ẽudeem khʉʉnag jaaujim anʉm maigmua i aai di aigʉm khʉʉnag:" Mʉ majú maigmua Pharaonag nem ĩgkha imajú, mʉgta jaaujú: Mʉ naam khʉʉn maigmua i aai di aigʉm khʉʉn,Canaán durr thʉnarr khʉʉn, amach mʉ aar beejierram. ³² Chi wounaan obeja oojem khʉʉn ajim anʉm, agju phakja oojeejierram anʉm. Amach diu chi nemchaain aubeejierram, khapan, maigmua thumwe amach diu wainarr. ³³ Mʉgta abat Pharaonau pãach thʉ̃r aauwai maigmua jeeuwai: ¿Khan phidagta phidkha si? ³⁴ Ichiita pãrãu jawaagau: Maar pʉ chog khajú phak oojem khʉʉn aawai maach ẽwangarwe ich mag wenʉrrʉm, maarjo awia jãg maar jooin nacharam khʉʉnjo awia. Mʉgta waubat pãar Gosén jẽb gaai jooba nʉm khõsi nʉmkhai , maguata thumwe obeja thʉajem khʉʉn Egiptopieneu amau igba aajem.