¹ Magbarwai, Jose miekhĩnjuta thunajim idei ãba õrr thunar khĩrphee. Ichdeu theeg iekhajim: " thumaankhʉ̃ʉnau mu aupuaju aainum." Mag ni ãbamja queraabajim chi chog naanja idakha mag Joseu ich khaupiwei ich naamkhʉʉnag. ² Ich theegta miebaadejim, Egipcios naanau ũrr jierram mai agjo Pharaon di ai thunaarkhʉʉnau. ³ Joseu ich naamkhʉʉnag magjim: "mʉ Joseu. ¿mʉ aai agag monakhasi?" chi naamkhʉʉnau i iek ukhabajierram, mag amach okhĩrjʉ̃g paraa thunajierram i khĩirphee. ⁴ Magbarwai, Joseu ich naamkhuunag jaujim: "Mʉ dakha pidug, dau aukhaubad. " Amach idakha beejierram. Ichdeumagjim "Mʉ Joseu paan naam, arr paanau perpeitar Egipto pienag. ⁵ ĩs oobag, oo khiinaa amiek mai thãrr akhãrãamiek paach eepapei mag mu pertar aawai mugai, mag gaaimua Ẽwandamua mu deepuijim paan arr paan peedu ãu khiin. ⁶ Mug ayõs numi jãdau theeg thunum ee mug jẽb gaai mai agjo thunaagau jua ãb awia agun numi ayõs ũncha mag agjo chi nemjĩirja oberba aagau jãdau theeg bʉrraag pai ⁷ Ẽwandamua mu deepuijim paan arr, paan mai paach khognaan jãdau theeg waupimaugau mug jẽbgai mai paan monakha aunaaguithee jãdau theeg dichamarr. ⁸ magwe; paanau khabajim mu mugai deepeitar, Ẽwandamua ajim; mai ichdeuta mu pharaon rei khapijim, paan por mug deg thunum khʉʉn den mai agjo paan por thunwe Egipto durden. ^{9 11} Jupai abad mai ereuphubaad mu aai arr mai irik jaubad: 'Mugta pu iewau Joseu jaujim: 'Ẽwandamuata mu chi por khapijim Egipto durden. mu arr pidud mai demoraamiek. ¹⁰ Mai paan joobaju Gosén jẽbgai mai mu dakha naajuarrau, pʉ, pʉ iewaan, pʉ iewaa chain, pʉ nemchain, pʉ nemchain thunum khʉʉn mai thumwe pua nem ausitheemkhʉʉn. ¹² Oobad, paan dawau erpanum, mai mu ẽundeem Benjamin dawauja akho, muata paanag iekha chirum. ¹³ Panau mu aayag jawaagau thumwe muata Egipto phobor mandaachirum mai paanau thumwe ootarr. Paan jupaita maagau mai aubeegau mu aai mugai. ¹⁴ Ichdeu ich ẽundeem Benjamin odee aujim mai miebaadejiim, mai Benjamin miebaadejim i odee athaawai. ¹⁵ Ichdeu thumwe ich naamkhʉʉn khĩin ũukhapeimajim mai ich miebadejim ãan oowie, mag tarkhʉr, chi naamkhʉʉn idei iekhajim. ¹⁶ Thumwe Pharaon di ai õrr thunaarkhʉʉnau khau aujierram: " mag José naamkhuun barbaichem." Ma pharaon ithee wajau ajim mai ichog naan itheeja agjo. ¹⁷ Pharaonau Joseeg magjim: "Puch naamkhʉʉnag jauba: 'Mug waubad: Paach nemchaai athaadeg mai ereuphubaad Canan phobor arr. ¹⁸ paach aai ookhaan mai ikhognaanja agjo mai mu ai beepibad. Mai mua deeju jẽb ajapham Egipto phobor gaai mai ãan khojuarrau opog ajapham mug jẽbgaai. ¹⁹ Ya, mua purig jaujim: 'Mug waubad: Agjo aanig jaubad arramkhĩin karroz Egipto phobor eemua aguee aan iewaa aubeenkhĩin mai agjo aan ʉʉi, mai aan aai mu ai aupidug. ²⁰ Oo anag amach neminaam waisitheem aubeeg khĩirjũg pimiek, mua aanag neminaan ajapham deeju aai phobor Egipto ee. ²¹ Israel iewanaanau mug waujierram. Joseu aanag karretas deejim Pharaonau irik jautar aai mai agjo deejim amachdeu ignardam maaguithee. ²² Amach thumaamkhʉʉnag, a ãbdumag pug deekhajim, mag sim ee Benjaminag deejim thãrjũb phagkhõndau mai jũa ãb pʉd chi ĩun deejim. ²³ Ich aai ithee mu khʉ̃ʉn deepuijim: Mõr jãr burro ʉ̃r jirkhapeijim nem ajapham Egipto thunaar mai jua ãb kabaai ʉ̃r jirkhapeijierram khoojem khʉʉn, pan jom mai dewam neminaam ich aai ithee iman arr. ²⁴ Magwe ichdeu ich naamkhʉʉn deepuijim mai amach wedjierram. Ichdeu amag magjim: "Oobad paan paach khug eeman ai oo ogkhamieg." ²⁵ Amach wedjierram Egipto phobor eemua mai barjierram jẽb Canan durr aan aai Jacob sier ai. ²⁶ Amach idui iekhajierram, jaumamua: " José agad meebasim mai ichdeuta thumwe khaphusim thumwe Egipto phobor dem." Thumwe chi õrr agaithunaarkhʉun okhĩrjʉ̃ʉ aphubaadejierram, ichdeu magsim ukhabasiejim, amachdeu jaunʉm. ²⁷ Amachdeu thumwe jaujierram Joseu thum aanag iekhatar. Mag Jacobau chi karreta oo atawai Joseu deepeitar i arramkhĩr, i aai jacob oneubaadejim. ²⁸ Israelau magjim: "chadau. mʉ iewa agad monakhasim. Mʉ maju i oon much thõjũnawe."