GÉNESIS CAPÍTULO 40 44

1 Joseu jaujim ich chogad i di ai siejemag:"thumwe khojemdamua aan sako dam ipirkha apʉi, thumwe amachdeu pogju dam, mai aukherbad pagkhon aan sako thʉnum ee. 2 Mʉ kopa phagkhon dendam aukher bad aan ẽudeemdam sako ee mai agjo phagkhondam khoju perr awaag." Chi chog damua thumwe waujim Joseu jautarrju awia. 3 Ãspamamdem, chi õrr ereujierram juade dee nuu awia mai amach burro naandei. 4 Mag amach chi phobor aimua dau pabaadewai, wabchaja khaba, Joseu jaujim ich chog di aiguimag:" phiidiba, jãkhʉʉn õrr ẽudee peta mai aan ekha auwei jauba:'¿khanthee panau maan mug waunʉ, manau paan wajau wautar ee? 5 ¿Mug jar eekhaba maan jooi dodoojem mai agjo mug jar ee khaba õrr magju khau aujem? Paanau akhãragta waujierram, mug wautarrju.''' 6 Chi chogau aan ekha auwia mai amag mug iekhajim. 7 Amachdeu mug iekhajim irik:"¿Khanthee mug chi chogau maachig mag iek iekhabaade?Maan pʉ aimua wab naaju maan jãgum aujemkhʉʉn khabam. 8 Ooba, chi pagkhõn maanau maach sako ee ootarr, maanau deu aubeejim pʉ ai phobor Canaán dʉrrmua. Magsim,¿Jãga manau jĩgkha awaagaga pʉ por di aiguin pagkhõn o phĩnjon khaija? 9 Si pua oomʉm maan eemuakhaija pʉ phagkhõn jĩgkha aubeetarkhai, ideu i thõopiba, mai maan pʉ chognaan khaju pʉ phadden." 10 Chi chogau aanig magjim:"Ou abam, pua jautarju mua wauju. Si mua oomʉn ãbam sako ee chi jarr, ma mu chog khaagau mai ãaukhʉʉn iekhõr chukhu sitheem. 11 Magbarwai õrr a abdunkhuunau jupheepapei amach sakodam jẽkhʉd aukherjierram, mai ẽmkhõon a abdumkhuunau amach sako weumajierram. 12 Mai chi chogau aguee ookhabadejim. Ichdeu nacha ookhajim chi naam den ee mai ookhadugpeijim chi ẽudeem den ee, mai ichdeu oo athajim chi jardam Benjamin sako ee. 13 Mag barwai, warre amach puggaai thugphe thugphe aphubaadejim. chi õrr a abdu wed majierram amach burrodei mai deu ewag beejierram amach phoborag. 14 Juda mai ich naamkhʉʉndei wed jierram José di arr. Ich agatha ai siejim, mai amach meguergaai warre phõgkhajierram i khĩirphee. 15 Joseu aanag magjim:"¿Mʉ khanauma paanau mug wauphubaadejierram? ¿Paanau khaubanʉ mʉjom õrau sĩi khau aujem?" 16 Judau magjim:"¿ Maa joyag khan machdeu jauju? ¿khan iekhaju? ¿ Maachdeu khan maachden jauju? Ẽwandamua ich jua magaai burr pisim, nawe akhãrag idaudakhĩin wautar gaaimua. Oobad, maan i chognaanau jãg jooidem; maanju awia mai ichja agjo, maan weg marrkhʉʉn eeta oojim chi jarr." 17 Joseu magjim: "Mua jãg akharãg chan jaumaphachithum. Jãg woun jua eeta mʉ jarr oojim, jãg woun mʉ chog khaju, mag barwai paan, eruphubaat khõinaa paach ai arr." 18 Mag barwai Juda i dakha pai majim mai irik iekhajim: "Ooba maan jooyag bʉ dam ãb iekhapiba paan jooi khach igau, magan oo meukha iekhapim maan jooidʉi, pʉ agjo Pharaon juapa theegjo siawei.

19 mʉ papau ich chog naanag geujim,magjim: '¿Paan ai aunʉ o ẽudeem khaija?' 20 Maanau jaujim maa joyag: Maan ai aunʉm, ya joonau mai agjo chaai ichgaram ẽwansim. Magsim ee inaam meejim, mai ichpeita i ãd garim sim mai i ayau i khõchag waisiejem. 21 Mai pua magjim pʉch chognaanag: 'Aupidug ajim i ooguithee.' 22 Mag tarkhʉrr, maanau magjim maa jooyag: 'chi chaayau ich ai aupuamapha siejem. Mag ichdeu barpuamun ich ai, i ai meekhayaju.' 23 Magbarwei pua puch chog naanan jaujim: " Paanau pãach ẽudeem paach dui aubeemun, tag paanau mu khĩir oobaarram. 24 Magbarwei maan bar imawia pu chog maan ai arr, maanau pu iek jaujim pua jautarr. 25 Maan aayau mug iekhajim: " Deu petad, khoojem perkha awãan.' 26 Magbarwai maanau mug jaujim: 'Maan pog majukhabanum. Maan ẽudeem maandui mamun maan majuarrau, maanau jãg woun oobaarram maanau maach ẽudeem maachdui arrbamun.' 27 Pʉ chog mu aayau maanug jaujim: "Paanau khaphunum mu uuyau murig chaai numi deejim. 28 Da ãb mu igaumua majim mai mua jaujim: 'mua khĩrjũgwai jã khumau thuurreu khopeijim, magaimua tak mua oobachirum. 29 Mag sim ee paanau amuja mu igaumua arrmun mai i khãrag khaija igaai burju, paanau mu jooiraa thõpiig paarram jẽb eegarr. 30 Mugorau, jãga thunaajukhai maan beewai pu chog maan aayai mai chi chaai maan dei khabasiewai, jãg ich chaai duita khausierrawai, 31 jãgata jukhai nau irua oowai ichaai maandui khabasiewai, jã meebajú. Maanau thõpi jujoon jutanum maan aai jooiraa khitum dam. 32 Mu aayak much iek deejim mua pu chaai aubeeju jaujim,mai mua magjim: 'Mua aubeebamun, mai mu aayau ichmag mugaai thuju aaisim. 33 Mʉgorau magkhim, mu dau aukhauba ideu pu chog thubapiba pu chog ju awia pu pab dem chi chaai jũrr, mai chi chaai ideu i mapiba ich naamkhʉ̃un dʉi. 34 Jãga, ¿mʉ khanthee mu aai arr maju chi chaai mu deija khabasim? Mu japhierta chirum mua oowai mu ai igaai machag thunum ai.