¹ Jãsop teegta thunajim Canaan jẽb ee. ² Mugta ajim, mag amachdeu kho apewai thumwe chi khoju aubeetar Egipto durr mua, aan aayau magjim: "deu ereuphubaat, khoojem perkhaan maach ithee." ³ Judau magjim:"chi wonau maachig jauwei khĩirmasita siejim:'Paanau mu khĩir obam ajim paach ẽudeem paach dʉi aubee bam ai.´ ⁴ Pua maan ẽudeem maandei deepʉi mʉm, maan wetjuarrau khoojem perkhaan. ⁵ Mag sim ee deepui bamun, maan weg baarram. chi woun damua maanig iekhajim:´Paanau mʉ khĩir obam ajim paach ẽudeem paach dei aubeebam ai.''' ⁶ Isralau magjim:"¿Khanthee panau mu iekhõr ee bar peinuma mag irig jauba dejim maanan ẽudeen aunum?" ⁷ Amachdeu magjierram:"Chi woudamua maanag thumwe ta jeubadejim maanden mai maach khognaanden. Ichdeu magjim:'¿Pu aai agag monakhasi? ¿Paan ẽudeem dau ãb aunu?'Maanau ukhamajim maachig jeumam pierta. ¿Maanau khan khabnaaji mag jeuju:'Pãach ẽudeem aupidug?''' ⁸ Judau magjim ich aai Israelag:"Maan dei chi chaai dee apʉi. Maan phiiduwia ereu juarau maan thum joobaag ithee mai thõmaugau maan mai pãanjã agjo, mai maan iewaaja agjo. ⁹ mua much iek deeju, mua deu iaubeeju. Pua mu iewa aubeegau pugaaita sim. Pʉ iewaa mua deu pʉ ai aubeebamun mai mʉ pʉ khĩinphee beeju, mag baarwei, ichmag pua mugaai thuju aaisim. ¹⁰ Pʉa maan thua aubataarramuan, chagcha mugorau maan ugthurwia deu maan beewia naakham. ¹¹ Aan ai Israelau aanig magjim:"mag atarramuan, magan mug waubat. Athaa dethun a ãbdu nemindam ajaphan mug jẽb gayim khʉʉn paach thubut ee. Mag woun ithee deeg athaadethʉn: bene jʉmdam mai mieldan, khoojem ee pʉʉi jemdam, bãrãapapei pabudam phãuraam mai pabugaai nẽmjodam khũwãa sitheejem dam. I ar athaa dethun papkhõn dʉʉcha nacham khãñau i juadam ee deebat. ¹² Chi papkhõn paanag deepui tarr paan thubut ee, deu i juadam ee deebat. Khauba khaija paanag deepuijim. ¹³ Athaadethun paach ẽudeem. phiidugkhabat mai deu ereuphubaat chi woun arr. ¹⁴ Ẽwandam juapatheegau paan khõsi aagau chi woun dauna, maita ichdeu paan pʉakhapeijʉ mai paan ẽudeemja Benjamin ja agjo. Mʉ iewaa deu meemun, mua jãgbar aagaga." ¹⁵ Chi wounaanau arr jierram irig deeganʉm, mai amach jua ee arrmajierram pagkhon nempom, ãba benjamin dʉi. Amach thumwe wegjierram Egipto phobor ee mai dʉnʉu imajierram Jose khĩinphee. ¹⁶ Joseu oo athaawai Benjamin aadʉi, ich chog ideg siejemag jaaujim:"Auphidʉg chi oon di ai, maimua thõo apei nemchãain mai joobat, jãkhʉʉn oon edau sĩe mʉ dei ãba khoogau." ¹⁷ Chi chogau waujim Joseu jautarrju awia. Ichdeu chi oon phekha aubeejim Jose di ai. ¹⁸ Chi wounaan japhier naajim mag aan athadewai José di arr. Amachdeu magjim: "Jã ich phagkhon itheeu nacham beenawai maa sakho ee maa phagkhon deepʉijim, ichdeu ookhasim khan nemin gaimua maagaai thʉ peyaagasi. Jãgua maa pʉrkha aʉju mai ich chogkha auju mai maach nemchai ichithee phekha auju." ¹⁹ Amach dakha papai beejierram chi chog José di ai sierrai mai irig i di dakha beewia iekhajierram: ²⁰ ,maan nacha pu ai beewai khoojem perkhaanta beejierram. ²¹ Mʉgta ajim, maach khãijʉ̃ barju arr dakha abaadewai, manau weu oowai maach sako, oonuu ãba, thumwe chi phagkhõn õr a ãbdunden thunajim ãan sako ee, maan phagkhon agcha sitheejim. Maanau deen beenum chi phagkhõn pʉ jua ee. ²² Agjo maanau aubeenum dewam phagkhõn khoojen perkha awaad. Manau khaubanum khayauta jãg phagkhõn aukherji maan sako ee." ²³ Chi chogau aanag magjim: "khõinaa ãbad paach ee, japhier mieth. pãan Ẽwandamua mai paan ai Ẽwandamua aukher pijim paan sako ee. Mua paan phagkhõn pʉr aujim." Mag baawai chi chogau aubeejim Simeon aan ai. ²⁴ Chi chogau ãan arrjim José di arr. ichdeu aanag do dam dopijim, mai amach budam upeijierram. Ichdeu agjo khoojen deejim amach burrodamag. ²⁵ Amacgdeu wauphu baadejierram deejudam José edausĩe beeju nawe, amachdeu ʉ̃r aunaajim amach agai opod khojʉ. ²⁶ José ich di ai pabai chewai, amachdeu aubeejierram amach jua ee irik deejudam mai ikhĩrphee phõgkha phubaadejierram amach por warre meguer gaai barpi. ²⁷ Ichdeu jeubadejim aan jooba num dem mai magjim:"¿Paan ai monakhasi, arr woundam jooiraakhithum den iekhanarr? ¿Ich ĩusi agatha? ²⁸ Amachdeu magjim: "Maan ai pʉ ipieeraa aaajem monakhasim. Agad thõbasim." Amach i khĩrphe phõgkhajierram. ²⁹ Mag ich ʉgthaag oonuu abawai ichdeu oo athajim ich Ẽundeem Benjamin, ich ãd iewaa, mai ichdeu magjim: "¿Amua paan ẽudeem iden iekha narr?" Mag baniewai ichdeu magjim:"Ẽwandam paan dui sim, chaaina. ³⁰ José juphee pai petaadejim ich khãinjem eemua, ich naamkhʉ̃ʉn gaai thumaa khĩrjugwia ich petaadejim. õrr chukhum arr ich mien petaadejim. Ich khãinjem ee. ³¹ Ich khĩir sũgwia dou mai deu oberjim. Ichdeu ich ee papʉi thu auwia mugjim: "khojudam jĩg bat ajim." ³² Chi chognaanau ich thepkhĩeg thoideejim Joseeg mai agjo khĩeg chi naam khʉʉnag. Mai agjo Egipcios pienag ja agjo, mag Egipcio pien ãba ophod khoju khaba naajejim anʉm Hebreos pien dʉi, mag amachdeu Egipcio pien akhãrag oojejim anʉm. ³³ Chi naamkhʉ̃ʉn jʉb dugkhajierram anʉm ikhĩirphee, aan naamcham mag eugar masim ichmag chi ãyoo oonawia jub dugkha jierram. chi õrr agai thunaarkhʉʉn amach eepui erpa, erpa naajim. ³⁴ Joseu deepuijim khoju aan dauna nempom aan ithee. Magsim Benjamin den chi khoju nempom ta siejim chi naamkhʉʉn den khãñau. Idui amach onee dodo najierram.