¹ Mag Jacobau khaug athaawai khoojem Egipto durr. Ichdeu ich iewanaanag magjim: "¿khanagwie paach abamag ãrkhĩir erpanum anum?" ² Ichdeu magjim:"oobat, mua ũrchirum mag Egipto durr khoojem thʉnʉm. agaar ereuphobaat mai perau athathun khoojem aiguin, magua mach jooba naaguithee mai thõmaugau." ³ mag majierram anum jose khognaan mor jãrr khoojem perkhaan phobor ee. ⁴ Mag sim ee Bemjamin, Jose ẽudeem, chi aai Jacobau pʉibajim chi naamkhʉʉndei, mag nemin akharãg burrimaju khĩirjũwia. ⁵ Israelam khʉʉn iewaan wegjierram khoojem perauwaan dewam khʉʉn õr wegmarr bigau, mag chi jãsog theeg thunaar awai Canaan durr. ⁶ Oonuu awai Jose ajim chi papanaan ajim thumwe jẽb Egipto den. Ichdeuta per siejim thumaan khʉʉn õrag jẽb thunaargaai. Jose khognaan bewia mai phõgkhajierram ikhĩirphee ankhĩir mehuergaai barpi. ⁷ Joseu ich khognaan oo athawai mai agburre khau aujim, magsim ichdeu ich khaupibajim mai iekhajim aanag khĩesirta. Ichdeu aanag magjim:"¿paan jãmamua wedurraara ajim?" amachdeu ukhajierram:" Canaan jẽb durr armuata urum khoojem perauwaan." ⁸ Joseu ich khognaaan khau atajjim, magsim amachdeu i khaug aubajierram. ⁹ magbarwai Joseu khĩirjũg athajim ich khãai khõrkhathar ich khognaandʉi mai ichdeu magjim aanag:"¡pãar õor eugar jaujemkhʉʉn kayau! Pãar beekhayanʉm ajim, jampeita jẽb thuabanʉ maguee dupaag ithee maan dei khʉkhãan." ¹⁰ Amachdeu magjim."Magkhabam khapera. pʉ chognaan beenʉm ajim khoojem perauwaan. ¹¹ Maan thumwe aai apapemden iewananau. Maan õor ajaphamkhʉʉnau. Pʉ chognaan õor eugar jaujemkhʉʉn khabam." ¹² Ichdeu magjim amag:"Mag khabam, paan beenum ajim ooguithee jampeita maan jẽb thuakhabanu." ¹³ Amachdeu ukhajierram:"Maan pʉ chognaan nʉm ajim Mor jãr awia agun numi khodnaan apha, hiewanaan õor apapei simden Canaan jẽb aram. Ooba, maan ẽudeencha mug wai maan aai dui ta sim, mai dau ãb maan khog eem meejim." ¹⁴ Joseu anag magjim:"Mua paanag jauchirajim; paanan õor eugar jaujemkhʉʉnau ajim. ¹⁵ mag gaaimua paan dauju aagpam. Pharaon thungaai mag iekhatar aawai, paan mʉiguimua maag khabarram, paan ẽudeencharam mui beebamai. ¹⁶ Paan eem abam dee apei mai magua ich ẽudeem okhaan magau. Paan thumwe thubajuarrau di õor aukherjem ee, paan iekhatar chagcha ta jaunu, mai ook ithee chagcha iekhanu paan ee." ¹⁷ Ichdeu aan thumwe aukherjim thʉaparr khãin thãrjʉ̃b. ¹⁸ Khãin thãrjʉ̃b nawia Joseu amag magjim:"mag waugbad mai jooba juarrau, muan Ẽwandam okhag chiraajem. ¹⁹ Paan õor ajapham khʉʉnkhai, werphʉabajed dau ãb phãach khognaan eem mugai phãarjem deg, mai paan ereubaad, khoojem phe athaa dethʉn phãach khognaan ithee jãsog theeg thʉnʉm dich nʉm ar. ²⁰ Mʉ ar aupidú paan ẽudeem dam paan iekhatar khaugaag chagchata jaunaaji mai paan thõopeibaarram." Mag amachdeu waujierram. ²¹ Amach ee papei iyʉʉ aphubadejierram:"Maachdeu ajim chagcha akharãg wautar mach ẽudeem gaai, maa ẽudeem machdeu oonajim ähäakham ich mag waupimaugaug maachag mai maachdeu i iek ũrbajierram. mag gaaimua, i da aphʉʉ atar maach gaai burrimajim." ²² Rubenau aanag mag jim:"¿mua paanag jaúbaji 'akhãrãg waumieg chaai gaai,' mag simja paanau ũrbajierram? Ĩs oonuu abag, maachdeu thõotar awai maa dau auta aphubaadem." ²³ Amachdeu khaubanaajim Joseú aan denkhaphusijim, mag amach ee pʉi iyʉʉ num. ²⁴ Ich aan bigaumua petaadejim mien. Ich deu aan ai beewia iekha chejim. Ichdeu aan ai sier Simeón pʉr aujim mai aan dauna jũkherjim. ²⁵ Mag tarkhur Joseú jaujim ich chognaanag iphir pʉyamkhĩin ikhognaan khostalee khoojemua mai deu aan phagkhõn deepeyankhĩin aan khostal aubeetar ee, mai agjo phagkhõn deepeyankhĩin aan khudau hee comankhĩin. Mag aan waujierram. ²⁶ Chi naamkhʉʉnau uaphubadejierram burro gaai khoojem sako ee thunarkhʉʉn maiguimua wedjierram. ²⁷ Aan eem ãbamua sako por weu aujim ich burro naan kheeg ithee amach thʉbatarr ai, ichdeu ich phagkhõn ooathajim. Oobag ajim, sako ee siejim. ²⁸ Ichdeu ich naamkhʉʉnag magjim:" mʉ phagkhon deu deepʉijierram, oobathʉn; mʉ sako ee siejim. Aan thãandam barãata aphubadejierram mai amachdeu japhier thʉnumua amach khaperkhĩirja erpa, erpa abadejierram iekhamamua magjim:"¿mʉ khanauma Ẽwandamua magaai mug waubaadem?" ²⁹ Amach wetjierram aam aai Jacob jooba sier ar Canan phobor ee mai irig jaujierram thumwe aan wautarr. Amachdeu magjierram: ³⁰ "Chi emkhõoi, chi woun jẽb ar sier, maanag meukhata iekhasiejim mai ichdeu khĩirjug siejim maan õor eugar jaujem khʉʉn khayau ajim aan jẽb gaaim. Manau irig magjim:´Maan õor ajaphankhʉʉnau ajim. ³¹ Maan õor eugar jaujem khʉʉn khaban ajim. ³² Maan khognaan morjãr awia agun numiu ajim, aai ãb pemdem. Da ãb meejim, mai maan ẽun deemcham mʉgwai maan aai dʉitasim jẽb Canaán ee.' ³³ Chi emkhooi, chi woun jẽb khʉu magjim maanag: 'Mʉgta mua paan khau auju chagcha õor wajapham khʉʉna. Paan eem ãbam auphuabaajeg mʉ ai, mai phekha athaadethʉn khoojem pach di arag jãsog theeg thunawai mai paach khʉdau ee ereʉ phubaat. ³⁴ Aupidú mʉ ai paach ẽun deendam. mai mua khau aʉju paan õor eugar jaujem khʉʉn khabam, warag mua paanag magju paanag õor ajaphan khʉʉnau aju. Mag tarkhʉrr mua paan naam pua peiju, mai paan mug jẽbgai khoojem khʉʉn ichmag perkha wenʉʉrragau." ³⁵ Mʉgta ajim amach sako eem khuyiu num ai, oobat anaajim, thumwe aan kostal thunarr ee phagkhõn si theejim. Mag amachdeu mai chi aai nanau oothaawai aan kostal ee phagkhõn thunajim, amach japhier phubaadejim. ³⁶ Jacob aan aayau magjim:" Panau mʉ chain numi pabaadem. Jose ya ĩubasim, Simón mugai khabasim, magsim ee panau Benjamin aarrum. Thumwe panau mug wauphubaademai mʉ okhĩrjʉ̃g machag ee wainʉm." ³⁷ Rubén ich aaidei iekhamamua mugjim:"pua mu chain numi auchirum khʉʉn thõopeiju aaisim, mua Benjamin deu aubeebamʉn. Murig dee apei , mai deu pʉ chaai mʉa aubeeju. ³⁸ Jacobau irig magjim:" Mʉ iewa paan dei mua deepeibam. Paan naam ya meejim mai japapei ta sim. Paan khʉdau man ee akharãg khaija igaai burmʉn, magan parãu mʉ thõpiik paarram jooiraaja khabata."