¹ Wargarwe ayõo nʉmi dichwai pharaõn khãaikhõrkhajim. oobathʉ̃n, jooi dʉnʉu imajim do ibithʉr. ² Jooyau oobai , phak jua ãb awia agʉ̃r jĩgkhẽu nʉmi awia ober urajim anʉm doemua, magsim mor ajapha maimua õthokhitheejim anʉm magsimta kher khonaajim anʉm do ibithʉr. ³ Magsim hee deu jooyau oobai , phak jua ãb awia agʉ̃r jĩgkhẽu nʉmi awia ober urajierram anʉm doemua am obertarkhʉr, magsimta mormasi sitheejim anʉm maimua jophor sitheejim anʉm. Makhʉ̃ʉn phak dʉnʉu imajierram anʉm aunkhʉ̃ʉn phak bigaubi doibithʉr. ⁴ Magsim heeta phak mormasi sither khʉ̃nau mai jophor sitherkhʉ̃nau khopeijierram phak jua ãb awia agʉn jĩgkhẽu nʉmi narkhʉ̃ʉn magsim heeta pharaon daukhan pabaadejim. ⁵ Magsim hee jooi deu khãinbadewia mai deu khãikhõr khabaadejim. ⁶ Jooyau onʉʉ awai pe bʉgaai pebich jua ãb awia agʉn jĩgkhẽu nʉmi naajim mai chi pebich ajapha sitheejim anʉm. Deu jooyau oobai ober jierram anʉm pebich jua ãb awia agʉn jĩgkhẽu nʉmi, makhʉ̃ʉn pebich narkhʉ̃ʉn jophor sitherkhʉ̃ʉn, edau oberjemgarmua phʉ̃ pechag wesierrau phaakha sitheejim. ⁷ Chi pebich akhãraa sitherkhʉ̃ʉnau khopeijierram chi pebich jua ãb awia agʉn nʉmi naarkhʉ̃ʉn, mai mõr ajapha buch poma khitherkhʉ̃ʉn. mag sim hee Pharaon daukhanpabaadejim , ichdeu owai ikhãai khõrkhata chirajim anʉm. ⁸ mag khãaikhõrkhawia edau pheerre i akhaar okhĩrjʉ̃g paraasiejim. Jooyau õon chogpeijim mai thʉ̃rkhapeijim thumaamkhʉ̃ʉn dauchõon mai enkhõon khĩrjʉ̃g khaphʉ̃mkhʉ̃ʉn phobor Egipton. Pharaonau ich khãikhõrkhatar jaujim, magsim abamuaja jau auba naajim pharaon khãikhõrkhatar. ⁹ Mag sim hee chi woun do deejemua Pharaonag jaujim:" ĩs mʉa khĩrjʉ̃gchirʉm mʉchdeu akhãrag waʉtaraai. ¹⁰ Pharaon meʉkhasiejim ich kheejem khʉ̃ʉn dei, mai chi por pan waujem mai mʉ õon phãarjemdi ar chi capitan thua sier ai. ¹¹ Maan nʉmi khãaikhõrkhajim jãg edarpapai, mʉ khaper mai mʉ. A ãbdʉ maan khãaikhõrkhajim magsim khĩin khĩkhĩegdupeita khãaikhõrkhamajim. ¹² Maandei siejim Ẽwan Hebreon, chi chog papannaan thua sierden. Manau irig jaujim mai ichdeʉ jau aujim maan khãaikhõrkhatar. ich deu maan a ãbdu khãaikhõrkhatardem jaukha aujim. ¹³ Ichdeu maanden mag jaukhatarjʉ ,mag dichjim. Pharaonau deu mʉ phidag phigkha chirar deejim, mai da ãb odi jʉ̃ta thõopeijim. ¹⁴ Pharaon ich chog jʉrpeijim Jose jʉrkhaan magkhĩin. Amachdeu jʉpheepapei jẽʉ aujierram phãan sier eemua. Ichdeupapai ich iekhaar khõipeijim mai ich pʉt jʉ̃apeiwia mai Pharaon ar majim. ¹⁵ Pharaonau Joseet magjim:"mʉ khãaikhõrkhatar mʉa phok khaʉ aʉbajim . Pʉden, mʉa mag ʉ̃rwia chirʉm, pʉrig khãaikhõrkhatar jauwei ,phʉa jau aujem anʉm." ¹⁶ Joseu ʉkhajim anʉm Pharaonak:"Mua khabamta pʉrig jaudeedpam. Ẽwandamuata pʉ khãaikhõrkhatar jaudeegpam. ¹⁷ 17 Pharaonau Joseet iekhajim: "ʉ̃rbat mʉ khãaikhõrkhatar ee mʉ do ibithʉr garbi dʉnʉu chirajim. ¹⁸ wajapha ʉ̃rba, phak jua ãb awia mai agʉ̃r jĩgkheʉ nʉmi awia oberjierram doemua, õtho mai monakhasitheejim, mai makhʉ̃ʉn kher khonaajim do ibithʉ̃r. ¹⁹ Deʉ ʉ̃rba, phak jua ãb awia mai agʉ̃r jĩgkhẽʉ nʉmi awia aan obertarkhʉr doemua oberjim, makhʉ̃ʉn khathʉ̃ʉ mai mõr akharãa maimua jophor sitheejim. Mʉa jãgʉm phak akharãgam cham oobaajejim Egipto dʉr. ²⁰ Chi phak jophor mai mõr akharãg siter khʉʉnaʉ Chi phak nacha naarkhʉ̃ʉn mor paraa siterkhʉ̃ʉn jua ãb awia agʉ̃r jĩgkhẽu nʉmi narkhʉ̃ʉn phak khopʉijierram. ²¹ Amachdeu kho apʉawai, khaubajierram khanta anau khopʉijierra, ichmag aan mor akhãrag sierjʉta thʉbasisijim. Magsim ee mʉ daʉkhãnpabaadejim. ²² mag sim ee deu mʉ khãikhõrkhajim, wajapha ʉ̃rba, chi pabʉ damgaai chi pebich jua ãb awia agʉ̃r jĩgkhẽʉ nʉmi oberjierram makhʉʉn mor paraa mai ajapha siteejim. ²³ Oobathʉ̃n, aktarkhʉr chi pebich jua ãb awia agʉ̃n jĩgkhẽʉ nʉmi oberjierram, makhʉ̃ʉn jophor mai phaasitejim edau oberjem bi garbimʉa. ²⁴ Chi pebich akhãraasiterkhʉ̃ʉnaʉ kho peijierram chi pebich jua ãb awia agʉ̃r jĩgkhẽʉ nʉmi naarkhʉ̃ʉn. Mʉg mʉ khãikhõrkhatar mʉa jaujim chi daudojemkhʉ̃ʉnag, magsimja mua oon oobajim muchig jaudeem khĩin. ²⁵ Joseu pharaonag magjim:" Pharaon khãikhõrkhatar akhoopaitasim ajim. Ẽwandamua ich jua bʉrpijʉ Pharaonag oopisim. ²⁶ Chi phak jua ãb awia agʉn jĩgkhẽu nʉmi nʉm khʉ̃ʉn, jausim jua ãb awia jĩgkhẽu nʉmi años, mai chi pebich jua ãb awia agʉn jĩgkhẽu nʉmi ajapha nʉmkhʉ̃ʉn jausim jua ãb awia agʉn jĩgkhẽʉ nʉmi años. Chi khãikhõrkhatar arpaita jausim. ²⁷ Aan obertarkhʉr chi phak jua ãb awia agʉn jĩgkhẽu nʉmi jophor mai mor akharãg sither jãkhʉʉn jausim jua ãb awia agʉn jĩgkhẽu nʉmi ayõs. Maimua akhʉ jua ãb awia agʉn jĩgkhẽu nʉmi espigas jophoramkhʉʉn mai phaasiteenkhʉʉn phʉ̃ pechag edau bi oberjemgarmua jausim jua ãb awia agʉn nʉmi ayõs jãdaʉ bʉraakpam. ²⁸ Mʉg denta mua pharaonag jaujim. Ẽwandamua wawaagpam, ichdeu oopijim pharaonag. ²⁹ Oobathʉn, jua ãb awia agʉn jĩgkheʉ̃ nʉmi ayõs khoju oogpam aajem thʉ̃nwe egipto dʉrgaai. ³⁰ Mag tarkhʉr urʉm jua ãb awia agʉn jĩgkhẽʉ nʉmi ayõs jãdaʉ burraakpam maimua thʉ̃nwe khoju pom thunar ooba aakpam Ejipto dʉrgai, maimua chi meguergai khoju oberba aakpam. ³¹ Chi meguergai khojʉ pom thʉnar khĩrjʉ̃g aʉmabajʉarau chi jãdaʉ theeg burraak pamʉa, ijua theeg burragpam. ³² Pharaon nʉmi khãikhõrkhatar arpei ajim Ẽwandamua mag irig oopisier awei mai Ẽwandamua jʉpheepai wawaagpam. ³³ Magan pharaonau õr abam jʉraagau khĩirkhaug mai khaphʉmkhʉʉn, mai magua khap aju Egipto durr. Pharaonau mugta wawaagau: maguata thʉ̃nwe egipto durr khap aju. ³⁴ Makhʉʉn õrau jua ãb pogkha auju ãbamag chi nemin jĩirtarden Egipto durr ich mag jua ãb awia agun jĩgkhẽu numi ayõs khoju oberju. ³⁵ Amachdeu thum abamag chi khoju wajaug ayõs urumden maigumua ausiu piigau chi khoju pharaon papannaan jua ee, makhʉʉn khoju chi phobor pienag khõmkhĩin. ³⁶ Amachdeu makhʉʉn khoju ausiu agau. Chi khoju aukhermaju egipto phobor ay chi ed burju ar jua ãb awia agun jĩgkhẽu numi ayõs jãdau burjuden Egipto meguer ay. magcha makhʉʉn oon mag meguer gaay thunum khʉʉn magcha jãdau burpimaugau." ³⁷ Mʉg wawie pharaon dauna wajaug ajim mai thumam khʉʉn chog jenkhʉʉn dauna. ³⁸ Pharaonau jaujim ich chognaanag:"¿Maachdeu ookha aujukai ajim mʉgʉm õr ju awia, Ẽwandam akhaar idʉi simjom?" ³⁹ Mai Pharaonau jaujim Joséet: "Ẽwandamua pʉrʉg thumwe oopijim, õr chukhum ajim pʉjʉ awia khĩirkhaug mai khapkhʉʉn. ⁴⁰ pʉ mʉ degcha joobagau mai thumwe pʉ iekhau õr mʉg deg thunum khʉʉn pʉ ipierraa aju. mag chi esãp gaai jaau simju awia, mʉ pʉ ʉ̃rpai chiraagau. ⁴¹ Pharaonau Joséet magjim: "ooba, mua pʉrig aukher chirum thumwe meguer mai õr thunum khʉʉn Ejipto gaai." ⁴² Pharaonau ich juagaai soortik phãsier ẽerdeejim mai ichdeu jũapijim Jose juagaai. Ichdeu put wajapham juapijim mai iodigaai juapijim chihoo phĩrden. ⁴³ Ichdeu waidʉ pʉijim dau ãb karroz waisieer hee. chi õr ahaakhajierram ikhĩirphee: "phõgkhabag."Pharaonau irig aupʉajim thumwe meguer mai õr thunum khʉʉn Ejipto meguer gaai. ⁴⁴ Pharaonau Joseet magjim: "Mʉ Pharaonau mai mʉ dauna õr ãbamuaja Egipto meguergaai ãkhãrag waubam pʉa jaubamai, agjo õr a abamuaja Egipto jẽbgaai jewaagkhabam pʉ iek magʉm waujunabe. ⁴⁵ Pharaonau Jose thʉ̃r, thʉ̃rjim "Zafnat Panea." mai ichig ʉʉi deejim Asenat thʉ̃rsier, phad Potifera kha On durram, i ʉʉi khapijim. Jose oberjim Egipto jẽb thʉnaar pier. ⁴⁶ Jose waisiejim mor ãb awia mor jãrr ayõo ich pharaon dauna dʉnʉu imajim rey Egipton. Jose oberjim pharaon jooba sim aigmua mai majim Egipto jem ausĩtheem pierr. ⁴⁷ Jua ãb awia agun numi awia ayõo wajau sier ee chi jẽb gaai dʉrrcha oberjim. ⁴⁸ Chi chog pienau thum khoojem obertar khʉʉn Egipto durr, abamag phe aujierram mai aukher jierram chi khoju phobor pierr. Ich deu chi khoju thumwe aukherjim phobor dakha thʉnum pierr. ⁴⁹ Joseu chi khoju aukherjim phũas mos thunʉm ju awia, ich thubajim tag berbajim, mag ũrcha thunajim makhʉʉn beeraak. ⁵⁰ Agnabe Jose chaai numi oojim, ayõo jãdau burrimaju nawe, ma Asenat ajim, phad Potiphera kha Onam, chaai oopijim. ⁵¹ Joseu ich chaai warrpem thʉ̃rjim Manases, ichdeu magjim:"Ẽwandamua thumwe mu iekhõor waichiraar chugpapeijim mai agjo mu aai khodnaan den." ⁵² Ichdeu i chaai ẽudee thabʉtarr thũrjim Efrain, ich deu magjim:"Ẽwandamua mʉg jẽbgaai daumerãa oopisim mʉ da aphʉʉ wautar awai." ⁵³ Chi jua ãb awia agun numi ayõo khoojem ober thʉnaar ee Egipto phobor ee barchejim chi ed. ⁵⁴ chi jua ãb awia agun numi jãdau barchejim, Joseu jautarju awia. Chi jãdau beejim Egipto phobor thunaar ee, magsimja Egipto phobor ee thunum khoojem. ⁵⁵ Mag chi Egipton õr jãsog aadeewai , chi phobor pierr khʉʉn õr jeujierram khoju Pharaonag. Pharaoau magjim thumwe Egipto pienag: "Ereu baat ajim Jose aar mai ichdeu jaubam waubag ajim." ⁵⁶ Chi jãsog thunajim thumaam khʉʉn chi phobor jẽb gaai. Jose chognanau weukhajierram khoojem khʉʉn mai per jierram Egipto pienag. Chi jãsog theeg thʉnajim Egipto phobor gaai. ⁵⁷ thumwe chi phobor egipto dakha jẽr narkhʉʉn õr beenajim khoju perkhaan Jose ai.mag chi phobor jãsog theeg thunaar awai.