¹ Magtarr khur neminaam dichwia, jarr ee bino reyig deejemua maigmua chi pan eephem rei Egiptom ajim makhʉʉn iekhõr aujierram amach por dʉi, chi rei Egiptom ajim. ² Chi Pharaón meeukha sieejim ich khodnaan numiim dʉi, chi por bino deejem maigmua chi por pan eephem den ³ Pharaonau chi kapitan õor thʉajem di aig phãar siujim anʉm, mag deg José agjú phãar wainaajierram anʉm. ⁴ Chi kapitan õor thʉajemua Joseeg deejim anʉm phidag ich chog khapim khĩir. Amach õor phaarjem ee khãai khapan naajierram anʉm. ⁵ Amach numi khãaikhõrkhajierram anʉm, chi bino deejem chi pan eephem chi rei Egiptomau, pod oberba naajim phãarwai nʉm ee mua, mag edaar amach ãhãbdu khãaikhõrkhajierram, maigmua mag khãaikhõrkhaa amach den khĩethũuta khãaikhõrkhajierram. ⁶ José edaupherre am aar majim maigmua am oojim. Oobat, ukhĩirjũu naajim. ⁷ Ich diu jeeujimPharaón thʉʉajem khʉʉnag i dʉi ãba jer narrkhʉʉnag am por dita thʉanaajierram, jaau nʉm:" ¿Khan jãgwia ĩs pʉ ukhĩirjũu si ? ⁸ mach diu magjierram:" Maach numi khãaikhõrkha nʉm maigmua ni ãbam khʉʉnauja pod jaau auba nʉm." Joseeu jaaujim:" ¿ Mag khãaikhõrkhatarr Ẽwandam den khaba sim ? Mʉrʉg, magan nem ĩgkhabat." ⁹ Chi vino jĩigjem am porou Joseeg ich khãaikhõrkhatarr jaaujim. Ich diu magjim: Mʉ khãaikhõrkhatarr ee, oobat, pakhãuta i khĩirphee siejim anʉm. ¹⁰ Mag pakhãu gaai piu thãrjũp naajim. Makhʉʉn obernaajim, (jurrphenaajim), pakhãu pamaar paarpawiamaigmua chi uva ierrdam waaujeejim. ¹¹ Chi jarr Pharaón den mʉ jua ee sieejim. Mua uva dojim maigmua Pharaón jarr ee jʉu auwia, maigmua Pharaón jua ee chi jarr deejim. ¹² Joseeu magjim:" Mʉgta magan ich diu jaau sim pakhãu piu thãrjũp ma jaau sim khãaithãrjũp ¹³ Khãaithãrjũp naawia Pharaónau khĩirjũg nʉʉ awia deeu ich sierr aar jʉrpʉijim anʉm deeu pua chi jarr Pharaón jua ee deejú, jãg pʉ nacha vino jĩig jerrjo awia Pharaón den. ¹⁴ Mamʉ mʉ khĩirjũgba pʉch gaai wajapha aadeewai, maigmua oopiba pʉch wajaphag. Pharaónag jaauba maigmua mʉg karsel ee mua mʉ oberaupim khĩir. ¹⁵ Khãngãwia chadcha mʉ hebreo durr ee mua pʉraujierra. Mʉigja agjú neminaam akhãragja wauba chirʉm mag simta mʉ phãar siwaag ẽkhanʉm. ¹⁶ Maagwai chi pan eephem porou oowai irig iek jaautarr i ithee wajau siejim anʉm, Joseeg magjim anʉm:" Mʉjã agjo khãaikhõrkhajim, maigmua ooba, kolaau thãrjũp pan mʉ por gaai naajim. ¹⁷ Chi kolaau ʉ̃r sim ee neminaam khĩirpierr thʉnaajim chi phaam pharaón ithee, mamʉ memchaainau chi kolaau eem khopʉijierram mʉ por gaai waidurarr eem. ¹⁸ Joseeu ʉkhawia maigmua magjim:" Achamʉta chi iek jaautarrau. Kolaau thãrjũp ma khãai thãrjũpta jaau sim. ¹⁹ Khãai thãrjũp naawia Pharaónau pʉ por pa gaai ʉgthaa jiirjop siujú. Nemchaainau pʉ mor gayam mod khojuarrau." ²⁰ Mag dichwia khãai thãrjũp naawia, mag ed Pharaón thaabʉtarr den phiesta waunaajierram. Chi Pharaónau ich chognaan thumaam khʉʉn ithee opod joojim anʉm. Chi Pharaónau õor phaarjem eem awaan mapijim chi por jarr jĩigjem den maigmua chi por pan eephem, ich chognaa eem. ²¹ Chi jarr deejem deeu ich phidkha sierr ee phidkhapijim maigmua deeu chi jarr Pharaón jua ee deejim. ²² Mamʉ ich diu ojorkhaa thõopʉijim pan eephem por, magta Joseeu amag jaau waisiejim. ²³ Mamʉ jarr jĩigjem porou José khĩir eyaa khaba waisiejim anʉm.Mamʉ i khĩir okhoota athajim anʉm.