kapitulo mõr ãp jua ãb awia jayap 33
1
Jacob eerpajim ugthaag maimua, eerpabad, Esaú ʉdʉraajim, maimua ich kuatrosiento emkhooin dʉi. Jacobau thorkhapuijim chi iewanaan Lea gar, i Raquel gar, maimua phigkhaajemkhʉʉn ʉʉn nʉmi.
2
Magbanaawei ichdʉi aukherjim nagarbi phigkhaajemkhʉʉn ʉʉn nʉmi maimua ich iewanaan, Lea maimua ich iewanaan garbi, maimua Raquel i Jose thʉmaam eugar.
3
Ichpei majim aan khiinphee. Ich eeg pochjim eeg jua ab awia nʉmi, mag ich ondeem dakha majim.
4
Esaú khaphig jim idʉi oog athee, odee ajim, ichig theeg i odi purajim, maimua ikhiin uu ajim. Maigmugua amach mierjierram.
5
Esauu ug thaag eerpaawei, ichdʉi oojim chi ʉʉn maimua chi chaain. Ichdʉi iekhajim: "¿Khainaan aga amukhʉʉn oon pudʉi nʉm?" Jacobau iekhajim: "Ẽwandamau pu chogag deetarrau khochag."
6
Maigmugua chi phigkhaajemkhʉʉn ʉʉn beejierram nagarbi ich chaain dʉi, maimua eeg pochjierram.
7
Magtargʉr akho Lea maimua ich chaain beejierram nagarbi maimua eeg pochjierram. Maimugua Jose Raquel dʉi beejierram nagarbi maimua eeg pochjierram.
8
Esauu iekhajim: "¿Khanta purua jeeusi mug oon khapan murua ootardʉi?" Jacobau iekhajim: "Ẽwandam dakhiin much da auwamkhiin."
9
Esauu iekhajim: "Ondeem, murua weichirʉm khapan, atha puchdʉi weisimdʉipei."
10
Jacobau iekhajim: "Mag khabam, si murua ootarkhai neminag pu dauna, magkhan pur atha mu jua eem neminag murua dee chirʉm, mamu chagcha, murua pu khiin oojim, pu khiin oowei Ẽwandam khiin oonʉmootasim, maimua purua mi aujim.
11
Pur atha murua neminag deechirʉm pu athee aubeetar, mamu Ẽwandamau murig deejim khõchag, maimua murua weichirʉm khapan." Mag Jacobau irig jaaunʉʉ abaai, Esauu pur ajim.
12
Maigmugua Esauu iekhajim: "Wedtarrau maach khʉdau ee. Mu maju pu nagar."
13
Jacobau iekhajim: "Mu Ẽwandamau khaphusim chaain ooumu khitheem, maimua chi ovejanaan i bacanaan juddopinʉm amach chaain. Maachdʉi theeg aumʉn. Khaai ab awiakhaya akhanag waumʉn, thʉnwe neminag khoojemkhʉʉn thoogau.
14
Iduraa mapiba mu Ẽwandam pu chog nagarbi. Mu maju khʉmanii, ganado pudʉi aba mu maju, maimua chaain bu ee, murua ekha aubamai mu Ẽwandam Seir."
15
Esauu iekhajim: "Mudʉi emkhooin nʉm khʉʉn puch dʉi keraa atha." Mamu Jacobau iekhajim: "¿Khanawia purua jag wausi?" Mu Ẽwandam mudʉi wajausiejem."
16
Mag banaawei Esaú khaai ab deeu beejim Seirag.
17
Jacob majim Sucot tag, mag waujim di dam, mai waujim didam neminag khoojem aukheraag athee. Magsim aawei mag jeb thʉnpuijim Sucot.
18
Jacob beewei Padán Aram aramua, ich barchejim neminag chukhʉ Siquem mua, mag Canaán jeb ar. Ich khajeeujim phobor dakha.
19
Maigmugua per ajim jeb achkunpapei Hamor chaain tienda aisierrai, Siquem aai, neminag jier sien wajapham jur.
20
Magai ompajim altar maimua thʉnjim Elohe Israel.