¹ Magsiei Jacob petajim anʉm maimua jẽb edau oberjem gar õor thʉnʉm aar barjim anʉm. ² Mag oowai, ichdiu oojim anʉm jẽb khoram pabʉ ee, maimua, ooba, chignaan abamkhʉʉr thãrjup naajim a igau. Mag jẽb khoram eemuata amachdiu chi chig naanag do denaajim anʉm, maimua chi mogpor chi jẽb khorsim ijurraisim nempomaamajim anʉm. ³ Makhʉʉn chignaan thʉnwe agai biirdʉ phubaadeewai, chi pastornaanau chi mogpor ĩithʉ puijiieram chi jẽb khoram ijurrayam maimua chi chignaanag do deejeejim deeumai chi jẽb khorsim ijur eemua, deeu amach naarrai. ⁴ Arĩig Jacoou magsim: "Khodnaan, ¿pãar jãmaamuata beenʉma?" Achdiu ukhajiieram: "Mãar Haranpienau." ⁵ Ichdiu arĩig magjim: ¿Paarãu Laban khapunʉ, Nacor iewaa?" Amachdiu magjiieram: "Maarãu khaphunʉm." ⁶ Ichdiu arĩig magjim: "¿Ich monakhasĩ?" Amachdiu magjiieram: "Jaan monakhasim, maimua, ooba jãgai, i kha Raquel chignaan dʉi urum." ⁷ Jacoou maugjim: "Ooba, edau sĩecha pabaaden. Agat maach chig biirdʉju aaikhabasim. Chignaanag do deeju aainʉm maimuansĩ maju aainʉm maimua ũyãag." ⁸ Amachdiu magjiieram: "Agat maarãu do deeju khaba nʉm chi chignaan biirdʉbam aar. Magsiei chi emkhooinau chi mogpor ĩiuthʉ puiju aainʉm chi jẽb khorsim ijurraisim, maimuansĩ chi chignaanag do deeju." ⁹ Jacob am dʉi agat iekhasim ee, Raquel ich aai chignaan dʉi barchejim anʉm, ich chi ʉʉiyau waibetarrai. ¹⁰ Jacoou chi Raquel oothaai, Laban kha, i ãd ephemkhooi, maimua Laban chignaan, i ãd ephemkhooi, Jacob agai mawia, chi jẽb khorsim ijurrai mogporsierr ĩithu puijim anʉm, maimua Laban chignaanag do deejim anʉm, i ãd ephemkhooi. ¹¹ Jacoou Rquel khĩir ũu auwia maimua i daau mĩebadeejim anʉm. ¹² Jacoou Raquelag magjim anʉm mʉ pʉ aai khodnaan eemau ajim anʉm, maimua Rebeca iewaa ajim anʉm. Magwia chi ʉʉi khaphigbadeejim anʉm maimua ich aaiyag jaaujim anʉm. ¹³ Magbaa Labanau agbʉʉrre chi iek ũrrathaai Jacob i uphui iewaa den, ich khaphigjim anʉm i oon, i oode auwia, i khĩir ũu auwia miamua ich di arag athadejim. Jacoou Laban thʉnwe nemigkhajim anʉm ichdiu nemin wautarr. ¹⁴ Labanau magjim: "Pʉ chadchata mʉ pa maimua mʉ modau" Magsiei Jacob i ai peer mes ãp siejim anʉm. ¹⁵ Magsiei Labanau Jacib magjim: "Pʉ mʉ khodamai, ¿pua mʉ ipierr aju aaisim nemin nuchukhu awiaja? Murig jaauba, ¿khanta mua purig phagaaga?" ¹⁶ Magsim ee Laban kha numi ausiiejim anʉm. I kha chi uuan thʉnsiiejim Lea, maimua i kha chi omdeen thʉnsiiejim Raquel. ¹⁷ Lea dauja dam ooimuta khitajim anʉm, mamʉ Raquel wajaphata siiejim anʉm maimua ʉui thãar wajaphan ajim anʉm. ¹⁸ Jacoou Raquelta khõchag siiejim anʉm, magsiei ichdiu magjim: "Mua pʉ athee phigkhaju jua ãb awia numi ãayõ Raquel ithee, pʉ kha chi omdeen." ¹⁹ Labanau magjim: "Wajausim purig deemʉn, dewan emkhooiyag deeju khãyau. Mʉ dʉi joobawa." ²⁰ Magsiei Jacoou jua ãp awia numi ãayõ i athee phigkhajim anʉm Raquel ithee; maimua i ithee khãai ãp paita ajim, chi ʉʉi khõchagau. ²¹ Magsiei Jacoou Labanag magjim: "Mʉ ʉʉi murig deewa, mua thʉnwe much phidag aaipa puijim mʉ much ʉui dʉi paag ithee." ²² Magsiei Labanau ich emkhooin agai jooba naar khʉʉn biirdʉ aujim anʉm phĩa ãd pomaam wawaag. ²³ Mag eedar, Labanau ich kha Lea auwia maimua Jacob aar arrjim, ich chi ʉʉi dʉi khãijim anʉm. ²⁴ Labanau ich chog ʉʉi Zilpa deejim anʉm ich kha Lea ich chog ʉʉi jo. ²⁵ Ag edau pherre, oowai, ¡Lea ajim anʉm! magsiei Jacoou magjim anʉm Labanag: "¿Amʉ khan aga pua mʉ gaai wautarr? ¿Mʉ Raquel ithee phigkhajim? ¿Khan ithee pua mʉ seukhaji?" ²⁶ Labanau magjim: "Mag khaban jã maach i au nacha kha chi chaai deeju nawe maach kha nacharamta deejem. ²⁷ Aaipa apui chi seman pajuden mʉ dʉi, maimua dewan mua deeju deeumai mʉ ithee jua ãb awia numi ãayõ phigkhamʉn." ²⁸ Jacoou mag waujim anʉm, maimua chi seman Lea dʉi aaipa puijim anʉm. Magwienma Labanau ich kha Raquel agjo deejim i ʉʉi jo. ²⁹ Labanau agjo Bilha deejim ich kha Raquelag, ich chog ʉʉi kha awankhiin. ³⁰ Magsiei Jacob agjo Raquel dʉi khãijim, mamʉ ichdiu Raquelta khõchagcha siiejim anʉm Lea khãai. Magsiei deeu Jacob jua ãp awia numi ãayõ phigkhajim Laban ithee. ³¹ CHI JOOIYAU oojim Lea khõchad khabasim, magsiei Ichdiu joopijim, mamʉ Raquel chaai oooba aajem ajim. ³² Lea joonbaa deejim anʉm maimua emkhooita oojim anaaba, maimua chi chaai thʉnjim Ruben. Mamʉ chi ʉʉiyau magjim: "Ich JOOI mʉ daphʉʉ ʉm oojim; ĩsan mʉ jaaiyau mʉ khõsĩ aju." ³³ Magsiei ich deeumai joonbaa deejim anʉm maimua deeu emkhooita oojim anʉm. Ichdiu magjim: "ICH JOOIYAU deeu mʉ khõch khaba sim ũrgtarrai, ICHDIU, deeumaai, agjo mug chaai deejim," maimua ichdiu thʉnjim Simeon. ³⁴ Magsiei deeu ich joonjim anʉm maimua deeu chaai emkhooita oojim anʉm. ICHDIU magjim: "Ĩs deeu mʉ jaai mʉ dui phẽeuthʉju, mua irig chaiin thãrjũp deetarrai." Magsiei Levi thʉnjim. ³⁵ Ich deeu joonbaa deejim anʉm maimua dewan chaai emkhooi oojim anʉm. ICHDIU magjim: "Ich JOOIYAG meu khaar au ʉrraji." Magbaai, ichdiu i thʉn thʉnjim Juda; Magwia chaain ooba sisijim.