¹ Isaackau Jacob thʉn aujim anʉm, i bendesiwia maimua i chogjim anʉm: "Pua pod cananitaspie ʉʉin auju khaba sim ajim anʉm. ² Phiiduba, magnaa peta Padan Aramag, Betual di ai, Pʉ ãd aaiyai, maimua jãgita ʉʉi atha, Laban kharam naan eem, pʉ ãd ephemkhooi. ³ Ẽwandam ich jua theeg siiejemau pʉ bendesiju, puch bãaupiwia magnaa puch khapan apiju, phobor khapan apiju puch õor khapanagau. ⁴ Mag Ichdiuta Abraham bendision deeju, purig maimua magnaa agjo pʉ chaain ewagan khʉnag pʉ eugar, puchdiu chi jẽb waisisien khiin puch jooba urarr, Ẽwandamau Abrahamag deetarr." ⁵ Magwieta Isaackau Jacob jãsemkha puiwia mapijim. Jacob Padan Aramag petajim anʉm, Laban aar, Betuel arameopier aar, Rebeca ephemkhooi, Jacob maimua Esau ãd. ⁶ Magwia Esau oojim anʉm Isaackau Jacob bendesiisim maimua Padan Aramag deepuijim anʉm, jãmaam ʉʉi awan khiin. Ichdiu agjo oojim Isaackau i bendesii sim maimua agjo i chogjim magnaa magjim: "Pod pua Canaanpien ʉʉin auju khaba sim." ⁷ Esau agjo oojim Jacob bendesii sim i aaiyau maimua agjo i ãdau, maimua Padan Aramag petajim. ⁸ Esau oojim canaanpien ʉʉin i aai Isaac thanag khaba sitheen. ⁹ Magsiei majim anʉm Ismael arag maimua aujim, magsim ee ʉʉin ausierr ee, Mahalat, Ismael kha, Abraham iewaa, Nebaiot naam, ich ʉʉijo. ¹⁰ Jacob Beersebaag oberjim anʉm maimua agjo majim anʉm Haranag. ¹¹ Makhʉʉn phoborpier maimua mag eedar magai thʉbajim anʉm, kheuba deei maisisijim anʉm. Ichdiu ichsierr ayim mogdau aujim anʉm, maimua werbajim maigai khãyaag ithee. ¹² Ich khãai khonkha jim anʉm maimua oojim duidag jẽb gaaimua phiidusim. Chi durag ethã barsiiejim anʉm maimua Ẽwandam chognaan ethã eem khʉʉn mag duidag gaai ʉurgbawia maimua agjo waaidʉnaajim anʉm. ¹³ Ooba, ICH JOOI oodʉnajim anʉm i aig maimua magjim: "Mʉ au ICH JOOI, pʉ aai Abraham Ẽwandam, maimua Isaac Ẽwandam. Pʉ khãisierr jẽb, Mua deeju pʉ ithee maimua agjo pʉ chaain ewagan khʉnag. ¹⁴ Pʉ chaain ewagan khʉʉn jẽb gayam mos jota sieju, maimua aaidʉjuarrau wargphag edau burjem gar, edau obeerjem gar, do khẽu gar maimua agjo dokhierr gar. Pʉ gaaimua maimua pʉ chaain ewagan khʉʉn gaaimua thʉnwe pʉ khodnaan mug jẽb gayam khʉʉn bendesii sitheeju. ¹⁵ Ooba, Mʉ pudʉi chirʉm, maimua mua pʉ ãkhã chitaju pʉ petam aar. Mua deumai pʉ aubeju mug jẽb gaai mua pʉ aupuabaju aai. Mua wauju pu ithee wauju atarr. ¹⁶ Jacob khãai khomkhasierr eemua phidujim anʉm maimua magjim: "Chadchata ICH JOOI mugai sim, maimua mua khauba chirajim." ¹⁷ Ich japhierr siejim anʉm maimua magjim: "¡Akhanagta sim mugai! Muita chadcha Ẽwandam di au. Mʉ au ẽtha eem khudau." ¹⁸ Jacob edau pheerre phiduwia maimua mog dau purraujim anʉm ich por eegar ausierr. Purraujim mog porpomaamjo maimua nemkhawau phʉʉrpuijim anʉm. ¹⁹ Ichdiu Betelta magai thʉnjim anʉm, mamʉ Luz mag phoborag thʉnsisijim. ²⁰ Jacoou iekha mamua magjim: "Chadcha Ẽwandam mʉ dʉi mawia maimua khudau mʉ nurrum ee thuaparr awia, maimua murig khoju maimua pud jũagathee deemʉn, ²¹ deeu mʉ monakha much aai di aar beemarr, magayam ICH JOOI mʉ Ẽwandam khaju. ²² Magsiei mug mog por mua porpomaamjo ausiutarr jã mogpor paroobam khaba siieju. Thʉnwe murig deemʉn, chadcha mua jua numi Deeu deeju."