¹ Isaac jooiraa sĩsiei maimua i dau purjoo siiejim anʉm pod ooba, ichdiu Esau thʉn aujim anʉm, ich iiewaa chi jooi, maimua irig magjim: "Mu iewaa." Ichdiu irig magjim: "Acha chirʉm." ² Ichdiu magjim: "Ooba mugai, acha mʉ jooiraa chirʉm. Agat khauba chirʉm much meeju ed. ³ Magsiewai, puch jiiernem atha ajim anʉm, maimua pabʉ ee peta maimua mʉ ithee nemeg thõowia aupidʉ. ⁴ Magwia phĩa ãd sipha wauba mʉ ithee, mua khõchag aajem, maimua aupidʉ mua khoogathee maimua much thõju nawe bendesigathee." ⁵ magwia Rebecau ʉ̃rgjim anʉm Isaackau ich iewaa Esau iekhasim. Magwia Esau chadcha majim anʉm pabʉ ee nem phaan maimua aubeegathee. ⁶ Rebeca ich iewaa Jacob iekhaim maimua magjim: "Ooba mugai, mua ʉ̃rgjim Esau pʉ aaiyau iekha sim. Ichdiu mugjim: ⁷ 'Mʉ ithee nemeg aupidʉ maimua phĩa ãd sipha wauba, mua khowia maimua pʉ bendesiig Ẽwandam dauna much meeju nawe.' ⁸ Nau, magwai, mu iewaa, mʉ ipierra aba mʉa pʉ mandaa uai. ⁹ Peta chi manada thʉnʉm aar maimua chig numi aupidu; maimua mua phĩa ãd am dem siphag wauju pʉ aai ithee, jãg ichdiu khõchag aajemjo. ¹⁰ Pua puch aai aarrju, ichdiu khomkhiin, ichdiu puch bendesiin khiin i meeju nawe." ¹¹ Jacoou mugjim ich ãd Rebecaag: "Ooba, mʉ naam Esau emkhooi khaar posomau, maimua mʉ emkhooi lampiñomau. ¹² Mʉ aaiyau mʉ gaai pʉrrkhayaju, maimua mʉ seunem khaya chiraju i ithee. Mua much itheepai akhanag aubeeju bendisionja khaba." ¹³ I ãdau magjim: "Mʉ iewaa, mʉ gaaita akhanagjom burrpiba. Mʉ iek paita ʉkhaba, maimua peta, magnaa aupidu mʉ ai. " ¹⁴ Magsiei Jacob petajim anʉm maimua chi chig naan aubejim anʉm ich ãd ai, maimua chi ãdau phĩa ãd sipag waujim anʉm, chi aaiyau khõchag sierrjo. ¹⁵ Rebekau pud wajapham aujim anʉm Esau den, i iewaa chi jooi, i dʉi di ai naar khʉʉn, maimua Jacoob jũa pijim, i iewaa chi ondeem. ¹⁶ Chi chig naan khaar i juagaai jũa pijim maimua agjo y opa khaar chukhu sim aig. ¹⁷ Chi ãdau chi phĩa ãd sipha deejim anʉm maimua chi pan waujim anʉm Jacob jua ee. ^{18 19} Jacob ich aai aarr mawia maimua magjim: "Mʉ aai." Ichdiu magjim: "Acha chirum; ¿pʉ khai aga, iewaa?" Jacob ich aaiyag magjim: "Mʉ esau au tu iewaa nacharamcha; mua waujim puchdiu murig jaautarrjo. Mugwia jʉgba maimua khoba mʉ nemeg eem, mʉ bendesiim khiin." ²⁰ Isaackau ich iewaag magjim: "¿Jãgata pua rapiro oo auji, iewaa?" Ichdiu magjim: "Ich jooi pu Ẽwandamau mʉ aig aubetarrai." ²¹ Isaackau Jacob mugjim: "Dakha pidu mua pugaai paraag, mʉ iewaa, maimua chawaag chadcha mʉ iewaa Esau a o ich khabam khayau." ²² Jacob ich aai Isaac dakha majim magwia Isaackau i gaai purjim anʉm maimua magjim: "I iek Jacob iek gau, mamʉ i jua Esau jua au." ²³ Isaackau khawaubajim anʉm jãg i jua khaar paraa siejim chi naam Esau jua joo sierrai, magsiei Isaackau i bendesiijim ²⁴ Ichdiu magjim: "¿Chadchata pʉ mʉ iewaa Esau a? Maimua ichdiu magjim: "Mʉ au." ²⁵ Isaackau magjim: "Chi phĩa ãd aupidu maimua mua khaju chi nemeg eem, magwia mua pʉ bendesiig ithee." Jacoou chadcha chi phĩa ãd aubeejim. Isaac khowia, maimua Jacoou vino aubeejim, maimua agjo ichdiu dojim. ²⁶ Magsiei chi aai Isaackau magjim: "Mʉ dakha pidu maimua mʉ khĩir ũu atha, iewaa." ²⁷ Jacob dakha beewia maimua i khĩir ũu aujim, maimua i pud ũu oojim maimua i bendesii puijim anʉm. Ichdiu magjim: "Ooji, mʉ iewaa kha phĩjõg pabʉ eem khaphi jõg ausim ICH JOOIYAU pʉ bendesiijim. ²⁸ Ẽwandamau deeju achkun ẽtha eem ich juapa gayam, achkun grosura jẽb gayam, maimua pedau nempom deeju maimua vino chi iiu ²⁹ Phobor thʉnʉm khunau pʉ i pierr aju maimua durr pomaam khʉʉnau pu na jĩe phõgkha juarrau. Wajapha aba puch khodnaan dʉi, maimua pʉ ãd chaain pʉ na jĩe phõgkhaju. Thʉnwe pʉ akhanag jeeunʉm khʉʉn akhanag ajuarrau; agjo thʉnwe pʉ bendesii nʉm khʉʉn bendesiijuarrau." ³⁰ Mag chi Isaac aapabaadeewai Jacob bendesii aipajim, maimua Jacob ich aai aigmua petam ee, i naam Esau barchejim nemphaa nʉurrawia. ³¹ Ichdiu phĩa ãd sipa waujim anʉm maimua ich aai aig aubeejim. Ichdiu magjim ich aaiyag: "Tata, phiidʉ maimua khoba achkun puch iewaa nemeg eem, mʉ bendesiim khiin." ³² Isaac i aaiyau magjim: "¿Pʉ khayaga?" Ichdiu magjim: "Mʉ aug pʉ iewaa, pʉ chaai nacharam Esau." ³³ Isaac theeg khadaujim anʉm maimua magjim: "¿Khayau aji mʉg nemeg thõo auji maimua mʉ aig aubeeji? Mua khojim pʉ beeju nawe, maimua mua bendesiijim. Chadcha, ich bendesiijim." ³⁴ Magwia Esau ich aai iek ʉ̃rgwia, mĩie jim anʉm mĩeg pom maimua machag, maimua magjim ich aaiyag: "Agjo mʉ bendesii apui, Tata." ³⁵ Isaackau magjim: "Pʉ ondeem mu aig seukhakhag beejim maimua pʉ bendesion khecheu aujim." ³⁶ esau magjim: "¿Jacob khaban agcha thʉnbajim? Jãg mʉ bieg numi seukhatarrai. Mʉ chaai nacharam khecheu aujim, maimua obat, ĩs mʉ bendesion agjo khecheu aujim." Magsiei ichdiu magjim: "¿Mʉ athee bendesion aukherrbaji?" ³⁷ Isaackau ukhajim maimua Esauug magjim: "Ooba, mua aukherjim pʉ porjo, maimua mua deejim chodnaanjo thʉnwe pʉ khodnaan maimua mua deejim pedau maimua agjo uva cho chi iiu. ¿Khan mua wawagaga pʉ ithee, iewaa?" ³⁸ Esau ich aaiyag magjim: "¿Mʉ ithee bendisionja chukhu, tata? Agjo mʉ bendesii apui, tata." Esau theegta mĩejim anʉm. ³⁹ I aai Isaackau ukhawia maimua magjim: "Ooba, pʉ phobor joobasim warrphagta siieju rik jẽb thʉnʉm ar, rosio agjo ẽtha ugthaag aimua warrphag. ⁴⁰ Puch thuthuyauta monakha nʉuraju; maimua puch ondeem ipieraa aju. Pʉ i dʉi akhanag amʉn, pua jĩiepheju yugo i opa gayam." ⁴¹ Esau Jacob khĩir oomau aadejim anʉm bendision i aaiyau deetarr gaaimua. Esau ich thãar eepai magjim: "Mʉ aai meeju ed dakha pakhakham; jãgtarr khʉrr mua much ondeem Jacob thõopuiju." ⁴² Chi Esau chi iewaa chi jooi iekhatarr Rebecaagta jaaujim. Magsiei ich iewaa ondeecharram Jacob thʉn awaan mapijim maimua magjim: "Ooba, pʉ naam Esau dau äukhausim ichpai pʉ thõog ithee. ⁴³ Jãg, magwie, iewaa, mʉ ipierr awia maimua durba Labanag, Mʉ ephenkhooi, Haran sim gar. ⁴⁴ I dʉi jamsĩsi khãai khapanaam ithee, pʉ naam khĩir machag dich nʉmaar, ⁴⁵ pʉ naam pudʉi khĩir machag dich nʉmaar, maimua pu nem wautarr khĩir okhoomaar. Magbaa mua pʉ awaan mapiju jãmaamua.¿Khan gaaimua mua paan numi okhoogaga mag ed?" ⁴⁶ Rebekau Isaakag magjim: "Mʉ hastidia um much dʉipai Het kharam naan gaaimua. Jacoou Het kharam naan eem ich ʉʉi kha aumʉn, jãkhʉʉn ʉʉin eem, jãg jẽb gayan kharam naan ʉʉin eem, ¿mʉ thaan onee aju?"