¹ Raquelau ooba deejim pod Jacob chaai deebasim, Raquel ich naam dʉi thãar am baadeejim anʉm. Ichdiu jacob magjim: " Murig chaai deewa, magbamʉn mʉ meeju." ² Chi Jacob khĩir machag aadeejim Raquel dʉi. ICHDIU magjim: "¿Mʉ Ẽwandam sim aita chirʉm, ichdeu purig chaai oopiba atarr?" ³ Chi ʉʉiyau magjim: "Ooba, jãi mʉ chog ʉʉi Bilha. I dʉi khãiba, purig chaain deen khiin mʉ bʉ kania aicha, maimua mua deeju chaain i gaai mua." ⁴ Magsiei ichdiu ich chog ʉʉi Bilha deejim i ʉʉi jo, maimua Jacob chi ʉʉi dʉi khãi jim anʉm. ⁵ Bilha joonbaa deejim anʉm maimua Jacob chaai deejim anʉm. ⁶ Magsiei Raquelau magjim: "Ẽwandamau mʉ jũũr iekhajim. Ichdiu chadchata mʉ iek ũrgjim maimua mug chaai murig deejim." Masieita ichdiu Dan thʉnjim. ⁷ Bilha, Raquel chog, deeu jooba deejim anʉm maimua dewan chaai deejim anʉm jacob. ⁸ Raquelau magjim: "Theeg khukha ʉrrabia much naam dʉi maimua mua ganjim." Chi ʉʉiyau Neftali thʉnjim. ⁹ Lea oowai tag chaai ooba aadewai, Zilpa aujim anʉm, ich chog, maimua Jacob deejim i ʉʉi jo. ¹⁰ Zilpa, Lea chog, Jacoog chaai deejim. ¹¹ Leau magjim: "¡Amuun por wajapha gau au!" magsiei ichdiu Gad thʉn jim. ¹² Magbaai Zilpa, Lea chog, Jacoog dewan chaai deejim. ¹³ Leau magjim: "¡Mʉ onee um! I kharam naanau mʉ oneeta thʉn juarrau." Magsiei Aser thʉn jim. ¹⁴ Ruben trigo eeujem ed gaai pabaadeewai majim anʉm maimua nemjõ mandragoras anʉm oojim anʉm pa bʉ ee. Ichdiu ich ãd Lea ai aubeejim anʉm. Magsiei Raquelau Lea magjim: "Murig puch iewaa mandragoras eem deewa" ¹⁵ Lea irig magjim: "¿Ĩkhon banaamau pʉ den, mʉ jaai khecheu aitarrai?" Raquelau magjim: "Magsim khaai ich pʉ dʉi khãiju mug eedar, pua murig puch iewaa mandragora eem deemʉn." ¹⁶ Jacob kheeu mam ee beejim anʉm pabʉ eemua. Lea i khĩirphee oon majim maimua magjim: "Ĩsim eedar mʉ dʉita khãyãa gau, mua much iewaa mandragorau pʉ phagau jim." Magsiei Jacob Lea dʉi mag eedar khãi jim anʉm. ¹⁷ Ẽwandamau Lea iek ũrgjim anʉm, maimua chi ʉʉi joon baadeejim anʉm maimua chaai jua ãbpam deejim anʉm. ¹⁸ Lea au magjim: "Ẽwandamau murig phagjim, mua much jaaiyag much chog ʉʉi deetarraai." Maimua Isacar thʉnjim. ¹⁹ Deeu maai Lea joonb deejim anʉm maimua Jaoog chaii jua ãb awia ãbpam deejim. ²⁰ Lea au magjim: "Ẽwandamau nemin wajaphanta deejim murig. Ĩsam mʉ jaaiyau mʉ dʉi agcha aju, murua irig chaain jua ãb awia ãb deetarraai." Ichdiu Zabulonta thʉnjim. ²¹ Magtarr khʉr chaai aauwai jũur ʉʉikharrta deejim maimua Dina thʉnpui jim ²² Ẽwandamau Raquel khĩir ee pa baadeejim maimua i iek ũrgjim. ²³ Ich joon baadeejim maimua chaai emkhooi thabʉ deejim. Ichdiu magjim: "Ẽwandamau mʉ khĩirãg aajeer khecheu aujim." ²⁴ Ichdiu Jose thʉnpuijim, jaau mamua: "ICH JOOIYAU murig dewan chaai deejim." ²⁵ Raquelau Jose thaarbʉtarr khʉr, Jacoou Labanag magjim: "Mʉ warpha dee apui much di chaarraicha maimua much phoboraar. ²⁶ Murig mʉ ʉʉin deewa maimua mʉ chaain mʉ phigkhatarr khʉʉn, maimua mʉ mapiba, pua mʉ phigkhatarr khaphusiai." ^{27 28} Labanau magjim: "Ĩs mua oojim dau äukhaju pʉ daujã ee, nuba, ²⁹ Jacoob magjim: "Pua khaphusim jãga pʉ jua chogji, maimua jãga pʉ ganaau naan mʉ dʉi siieji. ³⁰ Bãrãata nacha ausiiejim mʉ barche junawe, maimua khapan bãaukha jiieram. ICH ẼWANDAMAUTA pʉ bendesiijim mʉ phigkha baaden aar. Magasiei, ¿jãa waita mua much di waidʉnuw aagaga?" ³¹ Magsiei Labanau magjim: "¿Khanta mua purig phakhʉ?Jacoob magjim: "Pua oo deen. Sĩ pua mʉ ithee amʉ waumʉn, mua pʉ chignaan kheeju maimua am waidʉnuwjʉ. ³² Ĩs mʉ nʉura piba puch chignaan ee, i den thʉn ober auwia chignaan paisitheen , maimua chignaan pier chi phuchau sitheen am e, maimua chi paaisitheen chi cabranaan eem. Jã khʉʉnta mʉ. ³⁵ Mag ed Labanau chi cabra emkhooin mõr gaai jiriu sitheen igaau aukher majim maimua paai sitheen, maimia thʉnwe cabranaan paai sitheen, ma khʉʉn ee chi bawau sitheen, maimua thunwe ich chaain jua ee deejim. ³⁶ Labanau ed thãrjũp aukherjim phidag ich ithee maimua Jacon ithee. Magsiei Jacob dewan khʉʉn chignaan daujo sisijim laban den khʉʉn. ³⁷ Jacob alamo khaar eeu thuapsim pʉr aujim, maimua almendro den maimua thach den, mamua bäphä i mõr gaai jiriu saarpuijim, chi pa bäphä sim iierum chi pa gaai sim joo waupuijim. ³⁸ Magsiei ichdiu chi pa saar siier aukherjim chi chignaan khĩirphee, am do doojem khĩirphe. Achdiu oojeejim do doonbeewai. ³⁹ Chi chignaan thaarbʉgkha majim chi pa thʉn khʉʉn khĩirphee, maimua chi chignaan mõr gaai jiriu sitheen khʉʉnta tharbʉgkha majim, mamua paai sitheen khʉʉn. ⁴⁰ Jacob makhʉʉn coorder naan igaau ausiu majim, magua dewan khʉʉnag mõr gaai jiriu sitheen nemchaainagta eerpa pijim maimua thʉnwe chi chignaan chi phuchau sitheen Laban chignaan eem. Magsiei ichdiu igaau ausiu majim ich atheepai maimua Laban chignaan dʉi aukherbajim. ⁴¹ Chi chignaan juapa theega khʉʉn kharbugkha thunajim, magsiei Jacob chi pa aukherjim am dodoojeemai chi chignaan dauda khĩir, ich chaain thaarbugkham khiin chi pa thaa thʉnʉm um. ⁴² Magbaai chi chi nenchaain thõomaam khʉʉn i chignaanai beewai, ichdiu chi pa aukherba aajeejim am khĩirphee. Magsiei chi nenchaain thõomaam khʉʉn Laban de khʉʉnau, maimua khĩir ubag sitheen khʉʉn Jacob den khʉnau. ⁴³ Ich emkhooin rikta khabaadejim. Chig pom ausiiejim, chog ʉʉin maimua chog emkhooin, maimua cameyo maimua burro.