Para o director do coro. Sobre instrumentos de cordas Salmo de David ¹ Ouve , ó Deus, o meu clamor; atende a miña oración. ² Invócote desde os confíns da terra, cando se abate o meu corazón. Condúceme á rocha que é máis alta cá min. ³ Porque ti fuches refuxio para min, torre forte contra o inimigo. ⁴ Que eu more na túa tenda para sempre; e me abrigue no refuxio das túas ás. ⁵ Porque ti, ó Deus!, escoitaches os meus votos; ti dechesme a herdanza dos que temen o teu nome. ⁶ Ti engadirás días aos días do rei; os seus anos serán como moitas xerazóns. ⁷ El reinará para sempre diante de Deus; concédelle misericordia e verdade para que o garden. ⁸ Así cantarei louvanzas ao teu nome para sempre, para cumprir os meus votos día tras día.