Para o director do coro; segundo Jedutún. Salmo de David

¹ Somente en Deus agarda a miña alma en silencio; del vén a miña salvación.

² Só El é a miña rocha e a miña salvación, o meu baluarte, nunca serei abalado. ³ Até cando atacaredes a un home , todos vós, para derrubalo, como parede encurvada, como valado pouco seguro ? ⁴ Somente consultan para derrubalo da súa excelencia; gózanse na falsedade; bendicen coa boca pero dentro deles maldicen. (Selah) ⁵ Miña alma, agarda en silencio soamente en Deus, pois del vén a miña esperanza.

⁶ Só El é a miña rocha e a miña salvación, o meu refuxio, nunca serei abalado. ⁷ A miña salvación e a miña gloria descansan en Deus; a rocha da miña fortaleza, o meu refuxio descansa en Deus. ⁸ Confiade nel, ó pobo!; derramade o voso corazón diante del; Deus é o noso refuxio. (Selah) ⁹ As persoas de clase baixa son só vaidade, e os de alta orde son mentira; na balanza suben, todos xuntos pesan menos do que a vaidade.

¹⁰ Non confiedes na opresión, nen poñades a vosa esperanza no roubar, se as riquezas medran, non poñades nelas o corazón. ¹¹ Deus falou unha vez; dúas veces ouvín isto: que o poder é de Deus; ¹² e túa é, ó Señor, a misericordia, pois ti pagas ao home, segundo o seu facer.