Salmo 91

1 O que habita ao abrigo do altísimo,

morará baixo a sombra do omnipotente.

2 Direi a Iahveh:

Meu refuxio e miña fortaleza, o meu Deus en quen confío!

3 El librarate do lazo do cazador,

da praga mortal.

4 Cubrirate coas súas plumas

e toparás refuxio debaixo das súas ás,

a súa verdade é escudo e adarga.

5 Non temerás o terror da noite,

nen a flecha que voa de día,

6 nen praga que anda en tebras,

nen a mortandade que destrúe no medio día.

7 Caerán mil ao teu carón, e dez mil a túa destra,

pero non chegará a ti.

8 Mirarás cos teus ollos,

e verás a paga dos impíos.

9 Pois puxeches a Iahveh, que é meu refuxio,

ao altísimo, por habitación.

10 Ningún mal te sucederá,

nen a praga se achegará á túa morada.

11 Pois el dará orde aos seus anxos que te protexan,

para que te garden en todos os teus camiños.

12 Levarante nas súas mans,

para que o teu pé non tropece en pedra.

13 Pisarás sobre o león e a serpe,

esmagarás ao cachorro de león e ao dragón.

14 Porque puxo o seu amor en min,

eu tamén o librarei,

poreino en alto, pois coñeceu o meu nome.

15 Invocarame e eu responderei,

na angustia estarei con el,

librareino e honrareino;

16 satisfareino con larga vida

e dareille salvación.