Salmo 92 Salmo. Cántico para o día de repouso

1 Dar grazas ao Señor é bo,

e cantar louvanzas ao seu nome, ó altísimo;

2 anunciar pola mañá a túa misericordia,

e a túa fidelidade polas noites,

3 coa arpa e o salterio,

e coa música doce da lira.

4 Porque tí, ó Iahveh, alegráchesme coas túas obras;

dou berros de alegría polas obras das túas mans.

5 Que grandes son as túas obras, ó Iahveh!

Os teus pensamentos son moi profundos

6 O home parvo non ten coñecemento,

e o necio non comprende isto:

7 Cando os impíos medran como a herba,

e florecen os que fan iniquidade,

é para ser destruídos eternamente.

8 Pero ti, Iahveh, es exaltado por sempre.

Poque velaí, os teu inimigos, ó Iahveh,

9 velaí, os teus inimigos, perecerán.;

serán dispersados os que fan iniquidade.

10 Pero ti aumentarás a miña forza como a do búfalo,

serei unxido con óleo fresco,

11 Os meus ollos mirarán por riba dos meus inimigos,

e os meus ouvidos ouvirán de aqueles malvados que se levantaron contra min.

12 O xusto florecerá como a palmeira,

medrará como o cedro no Líbano,

13 plantados na morada de Iahveh,

florecerán nos atrios do noso Deus.

14 Aínda, con moitos anos, darán froito,

estarán cheos de savia e verdor.

15 Para proclamar que Iahveh é recto,

é a miña rocha, e non ha inxustiza nel.