Salmo 79 Salmo de Asaf.

1 Ó Deus, as nacións invadiron a túa herdanza,

profanaron o teu santo templo;

deixaron a Xerusalém en ruínas!

2 Deron os cadáveres dos teus servos por comida ás aves do ceo,

a carne dos teus santos ás feras da terra.

3 Derramaron o seu sangue como auga en Xerusalém,

e non houbo quen lle dese sepultura.

4 Fomos deshonra dos nosos veciños,

escarnio e burla dos que nos rodean.

Até cando Iahveh?

5 Estarás irado para sempre?

Arderá como lume o teu ciume?

6 Derrama a túa ira sobre as nacións que non te coñecen,

e sobre os reinos que non invocan o teu nome.

7 Pois a Xacob devoraron,

e asolaron a súa morada.

8 Non teñas memoria contra nós, das iniquidades dos nosos antepasados,

9 Bule!, e que as túas misericordias veñan a nós,

porque estamos moi desalentados.

Ó Deus da nosa salvación,

axúdanos pola gloria do teu nome.

10 Por que han dicer as nacións, u-lo seu Deus?

Sexa coñecida entre as nacións, á nosa vista,

a vinganza do sangue derramado dos teus servos!

11 Chegue a túa presenza o lamento do prisioneiro!

conforme a grandeza do teu poder,

preserva os condenados a morte.

12 E retribúe aos nosos viciños no seu regazo,

sete veces a ofensa con que te ofenderon, Ó Señor.

13 E nós, pobo teu e ovellas do teu pasto,

louvarémoste para sempre,

de xerazón en xerazón falaremos da túa louvanza.