Salmo 76 Para o director do coro; con instrumentos de cordas. Salmo de Asaf. Cántico.

1 Deus é coñecido en Xudá;

o seu nome é grande en Israel.

2 En Salem está o seu tabernáculo,

e ten en Sión a súa morada.

3 Alí quebrou as frechas de lume,

o escudo, a espada e as armas de guerra. (Selah)

4 Ti es refluxente e maxestoso,

máis que os montes de despoxos!

5 Os afoutos de corazón foron despoxados;

durmiron o seu sono,

ningún dos guerreiros puido usar as súas mans.

6 Diante da túa reprensión, ó Deus de Xacob,

Carros e cabalos caen en sono profundo!

7 Ti, só ti es terríbel !

Quen poderá ficar ao teu carón

cando a túa ira se prenda?

8 Fixeches que se ouvise a sentenza desde os ceos,

A terra temeu e ficou queda,

9 cando Deus se ergueu para xulgar,

para salvar a todos os mansos da terra. (Selah)

10 De certo que o furor do home louvarate, e cinguiraste cos seus despoxos de furor. 11 Facede votos ao voso Deus Iahveh e cumprídeos;

todos os que están ao seu redor traian presentes,

ao que debe ser temido.

12 El humillará o espírito dos príncipes,

e será terríbel para os reis da terra.