Salmo 75 Para o director do coro; según tonada non destrúas. Salmo de Asaf. Cántico.

1 Dámosche grazas a ti, ó Deus, dámosche as grazas,

porque o teu nome está perto;

os homes contan as túas marabillas.

2 Cando sexa o tempo axeitado,

serei eu quen xulgue con rectitude.

3 Cando a terra trema cos que a habitan,

eu mesmo sustentarei os seus pilares. (Selah)

4 Digo aos soberbios: non sexades arrogantes:

e aos malvados: non levantedes a vosa testa,

5 nen levantedes en alto a vosa fronte,

nen faledes con orgullo atrevido.

6 Porque nen do oriente, nen de occidente,

nen do deserto ven o enaltecemento

7 Senón que Deus é xuíz;

el humilla a un e exalta a outro.

8 Na man de Iahveh hai un cáliz,

e o viño fermenta cheo de mixtura e del sirve,

de certo que o sorberán até a borra,

e bebelo han todos os impíos da terra.

9 Pero eu anunciareino para sempre,

entoarei salmos ao Deus de Xacob.

10 Racharei os cornos dos impíos,

e o poder dos xustos será exaltado.