¹ Ngoona mungelo wa sanu wakalizha impeta yakwe. Ndakabona intongwezhi kuvwa kwizeulu yalo yakawila anshi. Intongwezhi yakapewa maki a kwilambwe liteeli. ² Wakaliyalula ilambwe liteeli, inzho bushi bwakauluka ukoya bushi buvwa kwilambwe ikando. Izuba u moza wakashiya mbi nkaambo ka bushi buvwa kwi lambwe. ³ Kuvwa mubushi kwakawa impaso anshi inzho shakapewa insana ukoya tubanze twa anshi. ⁴ Shakalaililwa kwaamba shitazonauni bwizu, tusamu u masamu azo ashuukie ano anshi, chita buyo babo bantu batakwete chaando cha Leza ankumu. ⁵ Shiina nishakavumizhiwa kubayaya babo bantu, chita buyo kubapenzha kwa myezhi yosanwe. Kuchiswa kwabo kulakuli ukoya bulovu muntu mbwatelela kuti walumwa kabanze. ⁶ Ku mazuba azo bantu balakakapula lufu pele tabakaluyani. Balakazandisha kufwa, pele lufu lulakabatantumuka. ⁷ Impaso shakulibponya ukoya imbizhi shiya ku nkondo. Ku mitwi kakuli ukoya mishini ya golide, alimwi mashu kali ukoya a bantu. ⁸ Kashikwete masusu ukoya a bakaintu, alimwi meno kaali ukoya a shuumbwa. ⁹ Kashikwete shikwabilizho shaachamba ukoya sha lubulo, alimwi kusaba kwa mababa kuli ukoya kulila kwa shikochi shinji shinji sha mbizhi shilukanka mu lumamba. ¹⁰ Kashikwete michila ikwete imbola ukoya sha tubanze; Michila kekwete insana shakuchisa bantu kwa myezhi yosanwe. ¹¹ Kashikwete ukoya mwami ali nshisho mungelo wa kwilambwe liteeli. Izhina lyakwe mu chi Hebulu kali Abadoni, alimwi mu chi Giliki kakwete izhina lya Apolyoni. ¹² Ipenzhi itaanzhi lyaita. Bona! Chaita chechi, kulalangilwa kuchitika shintu shobile ¹³ Mungelo wa chiloba wakafwiba impeta yakwe, ndakatelela izwi livwila ku chipalilo cha golide chili ku bushu bwa Leza, ¹⁴ lilambila mungelo wa Yufuletisi.'' ¹⁵ Bangelo bone bakubambililwe kwi woola lelyo, mubuzuba bobo, mu mwezhi wezo alimwi mwaka wezo bakangululwa mwalka wezo kwaamba bayaye mweelwe mukando wa bantu. ¹⁶ Mweelwe wa bashikalumamba koshika ku myaanda yobile ya shuulu shuulu. Ndakootelela mweelwe wabo. ¹⁷ Imbubo bobo mbundakabona imbizhi mu chiloto ubabo bakweenzha: ntbo shabo kashisubila ukoya mulilo, alimwi kashili ukoya chilambo cha chikaambwe alimwimukoya mabwe a Salufa. Mitwi ya mbizhi keli ukoya mitwi ya bashuumbwa, alimwi ku milomoyabo kakuvwa mulilo, bushi alimwi u salufa. ¹⁸ Bunji bwa bantu bakafwa u kaambo ka mapenzhi aza otatwe: mulilo, bushi, alimwi u salufa wakavwa ku milomo. ¹⁹ Ukuti insana sha Mbizhi kashili mu milomo yanshisho u kumichila - nkaambo michila keeli ukoya bazoka, bakwete mitwi ipa shilonda ku bantu. ²⁰ Bantu bamwi, babo batakayaiwa ku miika, baina nibakasanduka kuvwa ku milimo ya matashi abo, nikuba kuleka kukomba ma daimona u baleza ba golide, siliva, bulonzi, mabwe, alimwi u masamu - shintu shitakonzha kubona, kutelela, naaba kweenda. ²¹ Nikuba kusanduka kuvwa ku buyazhi, bulozhi, bumambe naba buteu.