¹ Inzhondakabona izeulu ipiya iinshi impiya, ukuti izeulu itaanzhi iinshi intaanzhi shakaita, alo lwatele taluchiko. ² Ndakabona munzhi usalala, Jelusalema mupiya, wakavwila mwizeulu kwa Leza, ulibambilwe ukoya nabwinga usamikilwe kabotu kwaamba abe u mulumi. ³ Ndakatelela izwi ikando kuvwa ku chuuna cha bwami lilaamba ati, "Bona! in'ganda ya Leza ili akati ka bantu, Ukala kala abo. Balakaba bantu bakwe, alimwi Leza lwakwe mwini ulakuli abo alimwi ulakaba Leza wabo. ⁴ Ulaka shuula misozhi yoonse ku menso abo, alimwi lufu talukabi ko linji, naba kulila, nikuba koomoka, nikuba kuchiswa. Shintu shakale shamana. ⁵ Wezo wakushite a chuuna cha bwami wakaamba ati, ''Bona ndabamba shintu shoonse kuba shipiya.'' Wakaamba ati, ''Lemba nkaambo makani aza alyelele kushomwa alimwi meni meni.'' ⁶ Wakanshimwina ati, ''Sheshi shintu shamana! Ndime Alufa u Omega, Matalikilo u mamanino. Kuli wezo ufwa inyotwa ndakamupa chakunwa kwiina kulipila kuvwa ku kalonga ka meenzhi a bumi. ⁷ Woonse uzunda ulakakona sheshi shintu, alimwi ndakaba Leza wakwe, aze ulakaba mwanangu. ⁸ Pele ku bakandu, baina lushomo, ba shimafunze, bashikuyaya, Bashi mamambe, balozhi, bashikukomba mituni, alimwi u babeshi boonse, busena bwabo ndizhiba lya Mulilo uzaka u salufa. Nkukwaamba lufu lwabili.'' ⁹ Uumwi wabangelo bali chiloba wakeza kwangu, wezo wakukwete mitiba ili chiloba izwile mapenzhi na miika ili chiloba yamamanino, amane ulaamba, Kweza kono. Ndakutondezha nabwinga, mwinakwe mwana mbelele,'' ¹⁰ Ngoona wakantola mu Moza kuya ku lupili lulamfusha wantondezha munzhi mukando usalala Jelusalema ulaseluka kuvwa kwizeulu kwa Leza. ¹¹ Jelusalema kakwete bulemu bwa Leza, alimwi kubeka kwakwe kakuli ukoya ibwe libeke beka ibotusha, lili ukoya Jasipa. ¹² Wakukwete bwaanda bulamfu bukwete milyango ili ikumi u milyango yobile, u bangelo bali ikumi u bobile amilyango. A milyango kalembelwe mazhina a mishobo ya bantu bana ba Izilaeli. ¹³ Kwiwe kakuli milyango yotatwe, kumbala kakuli milyango yotatwe, ku musanza kakuli milyango yotatwe, ako kumbo kakuli milyango yotatwe. ¹⁴ Bwaanda bwa munzhi kabukwete intalisho shili ikumi u shobile, inzho ali nshisho kali mazhina a batumwa bali ikumi u bobile ba mwanambelele. ¹⁵ Wezo ngutwa kwaamba kakwete chipimyo cha goludi kupimya munzhi, umilyango, alimwi u bwaanda bwa munzhi. ¹⁶ Munzhi kozakilwe bwingaine; umbulamfu koingaine u mubwamba. Wakoopima munzhi kusebezha chipimyo, mu bulamfu kolampa shuulu shili ikumi u shuulu shobile ( bulamfu, bwamba, alimwi ukulampa kuya mwizeulu kakukozhenye). ¹⁷ Alimwi wakabupima bwaanda, kabuli bukando mwaanda u makumi osanwe intwesho shone mboona mbubapima bantu( mbubona mbwa pima mungelo). ¹⁸ Bwaanda bwakazakwa u Jasipa alimwi munzhi wa goludi mwini ukoya i gilazi. ¹⁹ Intalisho shakabambwa u mishobo yoonse yamabwe mebeshi. Lyakutanguna mushobo wa Jasipa, wabili ngu safile, watatu ngu agate, wane ngu emalodi, ²⁰ wasanu ngu onikisi, wa chisambomwe ngu kaneliyeni, wa chiloba ngu kilaisolaiti, wa lusele ngu beliu we fuka ngu topazi, we kumi ngu kilaisopulase, we kumi u komwi ngu janciti amana we kumi ngu amesesit. ²¹ Milyangoili ikumi u yobile kali impande; mulyango umwi uumwi kokwete ipande yomwi. Mikwakwa yoo munzhi mukando kamuli goludi mwini mwini, uli ukoya i gilazi libonwa ushintu shili mukati ²² Ndiina kukabona chikombelo mu munzhi, ukuti Mwami Leza u mwana mbelele nshishikombelo. ²³ Munzhi kotazanda izuba nuba mwezhi kwaamba u munike nkaambo bulemu bwa Leza bwakamunika ukuti mumuni ulko ngu mwanambelele. ²⁴ Mashi alakendela mu mumuni wa munzhi mukando. Bami bachishi balakabuleta bulemu bwabo mu munzhi. ²⁵ Milyango ya munzhi ilaka kuyalilwe muunza, alimwi kulakakwiina mashiku koko. ²⁶ Balakaleta insana u bulemu bwa anshi balakabuleta mu munzhi, ²⁷ pele kwiina chita salali chitichikenjile mo, naaba muntu wezo uchita shitaluleme na shitasalali, chita buyo babo bali mazhina alembelwe mwibuka lya mwanambelele lya bumi.